عييييييييييييييييييييييييييييييينااااااااااااااااا ااوووووييييييييييييي
شخباااااااااارك يا الدوووووب
والله ولك وحشه
و أقول أنا شنو هالنور إلي طالع من المنتدى
المهم كمل القصه لأني ما يحتاج أقولك شنو راح يصير لو أبطيييت
ويسلموووووووووووو على القصه .....<<< من أخر قصه قرتها ما شافت وجه هالقسم هههه
المهم لا تطووووووول ونورت المنتدى
[align=center]
عصفوووووووووووووووووووره >>>>> شوالسالفه:39ar:
الحمدلله يالدبه>>>>>>>> وحده بوحده خخخخ
انتوا اكثر والله
ههههههه منور بوجودج وبوجود الاعضاء
الله يسلمج اختي من كل شر
ان شاء الله بكملها >>>>>>>>بسير نذل ومابكمل بطالع شو بيصير فيج خخخخخخخخخ :188[1]:
امممممممممم والله يعتمد اطول ولا ما اطول>>>>> شكلي بنظرب الليله خخخخخ :8ar:
ومنور بمرروج اختي
والسموووووووووووووووووووحه[/align]
عيناوي ....<<<< شو السالفه ؟؟؟؟ .....<<< ولا يهمك بس حماس
:173[1]:
و الحين كمل القصه ولا تطول :192[1]:
[align=center]السلام عليكم
اشحالكم
تتريون التكمله؟؟؟؟؟؟؟؟؟؟؟؟؟؟؟؟؟
امممممممممم اوكي انا بنزل الحين الجزء الثاني...بس بشرط اتمنى احصل ردود عالجزء وعلى الاسئلة اللي تطرح في نهاية الجزء........ولا ترى ماراح تشوفون اجزاء يديده...اوكي؟؟؟؟؟؟؟>>>>> قوي قوي خخخخخخخخ
يالله ............بخليكم الحين مع الجزء ال2 من القصه واتمنى يعجبكم
الجزء الثاني..
بعد يومين من ظهور النتايج ، الساعة 11في حجرة أحمد..
أحمد: أقول حمدان اليوم بعد العصر مشغول؟
حمدان: لا، خير إن شالله..
أحمد: الخير بويهك، أباك تسير وياي السوق.
حمدان: شو عندك في السوق؟
أحمد: أبى أشتري هدايا و الصراحة ما أعرف شو أشتري.
حمدان: فالك طيب، اليوم الساعة 5 مر علي..
أحمد: فالك ما يخيب إن شالله الساعة 5 إلا دقيقة بكون عند بيتكم، مع السلامة..
حمدان : بترياك ، مع السلامة..
بعد ما صكر احمد تم يفكر و هو حزين، معقولة بنت عمي تكون هذي نسبتها و أنا اللي أقول عنها شاطرة و متفوقة فدراستها، ما هقيتها منج يا وداد، توقعت كل شي منج إلا إنج ما توفي بكلمتج و بنفس الوقت تقريبا دخلت عليه منار..
منار: أحمد، أحمد، بو شهاب، أحمدووووووووووووووو..
أحمد و هو ينقز من على الشبرية : بسم الله الرحمن الرحيم ، اللهم سكنهم في مساكنهم..
منار: بسم الله عليك ، لا يكون شفت يني واقف جدامك؟
أحمد: تبي الصدج الينون لو شافوج بيتشاردوا منج..
منار: أخاف العكس اللي يصير..
سكت أحمد و بين الضيق في عيونه..
منار و هي خايفة على أحمد: أحمد، شو فيك؟ شي يعورك؟
أحمد: سلامتج الغالية ما فيني شي بس ضايج شوي..
منار: من شو؟ خبرني يمكن أقدر أساعدك..
أحمد: منار طلبتج.
منار: أفا عليك يا خوي إنت تامر ما تطلب..
أحمد: صدج نسبة وداد 55%؟
منار و هي تحاول تمسك ضحكتها : هيه ،شفت عاد..
و تدخل عليهم منال: من قال لك إنه نسبة وداد 55%؟
أحمد: منار خبرتني..
منار: أنا الحين بسير ماماتي تناديني..
منال: ارتاحي حبيبتي أميه توها ظاهرة صوب بيت عمي راشد..
أحمد: منار تعالي..
منار: ما أبى..
أحمد: منار تعالي بالطيب أحسن لج و إلا ....
منار: لا بيي ، بس أول عطني الأمان..
أحمد: أمان ها؟ في أحلامج..
أحمد وهو يرمس منال: شو هي نسبة وداد الصدجية؟
منال: 97.3%..
أحمد: ما شالله عليها بنت عمي طول عمرها متفوقة، الله يرحمك يا عمي حتى و إنت مب موجود ظل راسك مرفوع بين العرب..
منال و منار: الله يرحمه..
أحمد و هو يمسك منار من إذنها: 55 % ها ، الحين أنا براويج الـ 55%..
منار: آآآآآي آآآآآآآآي آآآآآآآآآآآآآآآآآي و الله يعور أحمد آآآآآآآآآآآآآآآآآآآآآآآآي..
أحمد: تستاهلي علشان مرة ثانية ما تكذبي عليه..
منار: التوبة ما بكذب مرة ثانية خلاص ، آي أحمدو خلاص بطل إذني..
أحمد: بعد احمدو..
منار:التوبه و الله التوبه، الشيخ أحمد ممكن تتكرم و تبطل إذني؟؟
أحمد: ما شاء الله على الأدب ما أدري من وين نازل عليج، خلاص عفيت عنج..
منار: تسلم يا خوي..
منال: بسكم عورتوا لي راسي، أنا أصلا ليش ياية؟؟ هي تذكرت أحمد.. الوالد يترياك في مكتبه و إنتي يا حلوة جدامي على المطبخ..
أحمد: كش، يالله برع..
منار:هيّن يا أحمدو ، اليوم تطردني من غرفتك بس باجر و إلا ماله داعي أكمل..
أحمد و هو يبوس إخته على راسها بس طبعا البوسه كانت على كف ايده: السموحة منج الشيخة ، الوالد يترياني الحين و إلا كنت عرفت كيف أعلمج المذهب عدل..
راح أحمد عند أبوه و البنات راحن صوب المطبخ..
بعد صلاة الظهر..
سعيد: اليوم يوعان بشكل فظيع..
أحمد:و إنت من متى ما كنت يوعان؟؟
خالد: ماماتي لحقي علي..
أم أحمد: بسم الله الرحمن الرحيم، بلاك شال البقعة بصريخك؟
خالد : و الله يوعان ،و الصراحة أنا قبل ما أسير المسيد خطفت على المطبخ..
سعيد: أخ عليك،و ليش ما عزمتنا؟؟
طبعا الكل يعرف إنه إذا خالد خطف على المطبخ فهو أكيد بيغرف له غدا و بياكل أونه تصبيرة لين ما يرجع من الصلاة..
منال و منار بعد ما صلن نزلن يغرفن الغدا و اللي كان مجبوس دياي و اللي الكل يحبه دام إنه أم أحمد هي اللي طابختنه..
بعد الغدا..
سعيد: الحمد لله تسلم إيدج يا أم أحمد على الغدا..
أم أحمد: الله يسلمك، بالهنا فديتك..
خالد: أصلا الغدا اليوم حلو عشان أنا سويت صبعي فيه..
أم أحمد: شو تقصد؟؟
سعيد: ما عليج منه، الصراحة أنا من زمان ما كليت شو من طبخج..
أم أحمد: وين تاكل و إنت في التقنية و الله اعلم إذا تاكل زين و إلا لا..
سعيد: لا من هالناحية تطمني،كنت أكل عني و عن خالد و عن أحمد و عن ريلج بعد..
و بعد ما شربوا الشاي دخلوا الشواب حجرتهم يقيلوا لين أذان العصر..
منال: أترخص منكم الحين..
أحمد: وين تو الناس..
منال: بسير أرضع رشودي و بعدين بزهب أغراضي لأن سعيد بمر علي ياخذني العصر..
خالد: أونه بمر علي ياخذني ، اللي يسمعج يقول إنه إنتي في بوظبي و هو في العين مب جنه بيتج مجابل بيتنا أربع و عشرين ساعة..
منال: صبرك علي يا خلود، إذا ما أفضحك ما أكون منال بنت سلطان..
خالد وهو كله ثقة: شو تفضحيني هاي؟ أنا ما مسوي شي أستحي منه..
منار: خلود شو مسوي؟ اعترف قبل لا أستخدم معاك القوة..
خالد: شو فيج كليتيني بقشوري ، قلنا ما سونا شي..
سعيد و هو يوجه نظرة اتهام صوب أخوه: متأكد؟؟
خالد: شو بلاكم علي؟ إذا تبوا تصدقوا حياكم و إذا ما تبوا على راحتكم ، و يطالع منال بنظرة تحدي..
منال و هي تطالعه بعد مل فهمت نظرته: بس مب هذا اللي قاله لي سعيد ريلي..
خالد وهو مرتبك: ليش، شو قال لج ريلج؟؟
منال: اللي بالي بالك، و طاعته بنظرة تتحداه إنه ينكر اللي قالته..
خالد: أقول منال رشودي يصيح..
منال: احمد ربك إنه ولدي أنقذك بس وين بتروح أنا وراك و الزمن طويل ، و راحت عنهم صوب ولدها..
منار: ها أخ خالد شو ماسكه عليك منال؟؟
خالد و هو بقوم: سلامتج، ما في شي..
سعيد و خاطره يطفر بخالد: متأكد؟؟
طالع خالد أخوه بنظره : سعود، سعود، سعود..
سعيد: خير..
خالد: الخير بويهك، عن إذنكم أنا بروح غرفتي أريح شوي..
أحمد: وين يا ريال؟ تو الناس و إلا تبى تتهرب من منار؟؟
خالد: لا ما أتهرب و لا شر يصيبني يا روميو زمانك، بس تعبان و حاب أرّيح، فيها شي؟؟
أحمد: حتى إنت؟ لا ما فيها شي إنت ريّح و عقب لنا كلام..
خالد: تم، يالله تتمسون على خير..
سعيد: أقول يا الحبيب تحمل عن تطيح من على الشبرية و إنت راقد..
خالد: إن شاء الله..
بعد ما راح خالد عنهم تبعته منار و تموا أحمد و سعيد بروحهم..
أحمد: سعيد..
سعيد: نعم..
أحمد: أنعم الله عليك ورحم والدينا ووالديك..
سعيد: آمين..
أحمد: شو سالفة خلود؟؟
سعيد و هو متفاجأ: و أنا شو عرفني؟؟
أحمد: سعيد اللي أعرفه إنه خلود يأمّنك على أسراره..
سعيد: تصدق توني أدري بهالمعلومة..
أحمد: سعود عن الاستهبال، إنت تعرف عن شو أنا أسأل..
سعيد و هو يلعب دور البريء: صدقني ما أعرف..
أحمد و هو يأشر على كتفه: أقص إيدي من هني إذا ما كنت تعرف..
سعيد: آسف أحمد، إنت بلسانك قلتها يأمّني على أسراره و أنا ما أقدر أخون الأمانة ، إذا تبى تعرف اسأل صاحب الشان..
أحمد: خلاص ما عليه..
أما في غرفة منار..
منار: الوووو، السلام عليكم..
وداد: وعليكم السلام ورحمة الله وبركاته..
منار: شحالج و شحال الأهل؟
وداد: الكل بخير و الحمد لله، شحالج إنتي و شحال أهلج؟؟
منار: الكل بخير، أقول وداد..
وداد: قولي يا عيون وداد..
منار: تسلم عيونج غناتي..
وداد: الله يسلمج، و الحين شو بغيتي؟؟
منار: شو رايج تيي تباتي عندي، امتحانات و خلصنا والحين ما لج أي عذر..
وداد: بشاور أميه و برد عليج خبر..
منار: خلاص تم..
وداد: تامرينا على شي؟؟
منار: ما يامر عليج عدو..
وداد: سلمي على الأهل..
منار وخاطرها تطفر بوداد: كلهم؟؟
وداد: هيه كلهم..
منار: انزين ما في سلام خاص لشخص محدد في بالج؟؟
وداد: منار عن الإستهبال تراني ما ادانيه..
منار: خلاص انزين سي يو ليتر..
وداد: تيك كير..
منار: يو تو باي..
وداد: باي..
بعد ما صكرت منار عن بنت عمها سمعت دق على الباب..
منار: تفضل..
أحمد: دام فضلج يا بنت سلطان..
منار: حياك الله أخوي ، شو تحب تشرب؟
أحمد: عصير برتقال طازج..
منار: من عيوني دقايق و يكون العصير عندك..
ظهرت عنه و خلته بروحه في الحجرة و كالعادة يفكر باللي ماخذه عقله..و بعد دقايق رجعت مع كوب العصير و عطته لأحمد..
أحمد و هو ياخذ الكوب: تسلمين و الله يا أحلى إخت في الدنيا..
منار: الله يسلمك و يسلم كل غالي لك خاصة اللي بيتهم مجابل بيتنا..
أحمد: عيني عليج و صلتي للموضوع اللي أباج فيه..
منار: كلي آذان صاغية ، تفضل أخوي..
أحمد: منار ، إنتي تدري إنه عمري 25 سنه ، يعني مب ياهل و خاطري اتزوج..
منار و هي تقاطعه: و الله ألف مبروك ، يا حظها اللي بتاخذك..
أحمد: أنا خاطري في بنت عمي، بس ما أدري هي شو شعورها ناحيتي..
منار: من هالناحية تطمن وداد مب بنت عمي بس لكنها توأم روحي و معزتها ما تقل عن معزتكم..
أحمد: أنا متأكد من كلامج، بس أباج تسألينها عن رايها في الموضوع و الحينه..
منار: فالك طيب أخوي ، بس ما الحين لأني قبل شوي مصكرة عنها..
أحمد: يالله منوري حبيبي لا ترديني..
منار: خلاص موافقة بس ما أبى أسمع لك صوت..
أحمد: إن شالله بس بشرط..
منار: خير إن شالله..
أحمد: أول قولي تم..
منار: تم..
أحمد: منار تراج قلتي تم أوكيه ، يعني لا ترجعي عن كلمتج..
منار: آفا يا خوي و أنا من متى عطيتك كلمة و ما كنت قدها..
أحمد: تذكّري ترح قلتي تم، أباج تسوي السبيكر..
منار: آسفة ما أقدر..
أحمد: شو قايلين قبل شوي؟؟
منار: خلاص بس أحذرك ما أبى أسمع لك صوت..
أحمد: كلمة ريال، ما بتسمعي لي صوت..
منار و هي تتصل لوداد مرة ثانية: ألو ، السلام عليكم..
وداد: و عليكم السلام ورحمة الله وبركاته حيى الله راعية هالصوت..
منار: الله يحيج..
وداد: أقول منار من اللي مسوي لج الرصيد في التلفون؟؟
منار و هي تطالع أحمد: حبيب القلب هو اللي مرصد التلفون..
وداد: منار، شو تبي متصلة؟؟
منار بجدية: وداد إنتي تعرفي شكثر أعزج مب لأنج بنت عمي لكن إنتي أعز صديقة عندي ..و الحين أبى أسألج و أتمنى إنج تجاوبي بصراحة لكن تأكدي إنه جوابج ما بأثر على العلاقة اللي مبينا..
وداد و هي خايفة من لهجة منار: خير منار، شو صاير؟؟ تكلمي تراج طيحتي قلبي من مكانه..
منار: إذا تقدم لج أحمد أحوي شو بكون ردج؟؟ بتوافقي عليه و إلا بترفضي؟؟
وداد: إنتي الصراحة فاجأتيني، أنا ما أنكر إني معجبة بأخوج لكن
منار: لا لكن ولا غيره، سألتج سؤال و أتريى الإجابة..
وداد:.........
منار: هيه و إلا لا؟؟
:
:
:
:
:
:
:
:
:
:
:
:
:
هالجزء وخلصنا منا.....والحين وقت الاسئله
جاهزين للرد؟؟؟؟؟؟؟؟؟؟؟؟
ظنكم شو بكون راي وداد..؟؟؟؟؟بتوافق ولا؟؟؟؟؟؟؟؟؟؟؟
و أحمد شو بتكون ردت فعله بعد ما يسمع الجواب..؟؟؟؟؟؟؟
يلا ياحلوين.............انتظر ردودكم
والسمووووووووووحه[/align]
مواقع النشر (المفضلة)