الـــســـلام عـــلـــيـــكـــم ورحـــمـــة الـــلــه وبــركـــاتــــه

الله يامحلا زمان أول .. ويامحلا أفلام كرتون أول
البريئة الخفيفة ..
الله على أيام عدنان ولينا .. والكرة الملتهبة .. وماوكلي
وفلونا هي وشلحتها .. وسالي والآنسة منشن ..
اييييييييييه أيام وراحت <<<< عجوز

اللحين كل ماأجلس عند التلفزيون واحنا تلفزيونا من الساعة وحدة
الظهر لحد الساعة عشرة بالليل كله أفلام كرتون
يا ام بس سي ثري .. والا أر تينز .. والا الجزيرة للأطفال
ومن يوغي الى كونغ الى ابطال الدجيتال
عشان (( البرنسيس خالد )) قعدتنا مايطفش ويتكدر خاطره
واحنا في قريح <<< متابعين معه

اللي يقهرني ان رسوم متحركة حقت ذا الوقت ماينفع حتى
كبار يطالعونها مو عشان شي
عشان قلة الادب والحركات والكلام اللي فيها وماينفع اطفال يطالعونها

اول شي (( الجاسوسات )) وللي مايعرفها هذولا ثلاث بنات جاسوسات
وكل وحده أحلى من الثانيه سام .. وكلوفر .. وأليكس
وعليهم ملابس تاخذ العقل ع الموضة وطبعا قصير وضيق
غير ملابس البحر ,, وهذا كوم وانهم لمن يشوفون (( شاب وسيم ))
تدوخ الوحده وتصيرعيونها بشكل قلب ..
ومره طالعين الحديقة
وتقول كلوفر :: الجو جميل والشبان الوسيمون كثر
<<<<<< قلة حيا
وكل شوي وحدتن مواعدتلها واحد

وحنا بزارينا يطالعون ويطبقون ومن دلاختنا حنا بعد نطالع معهم
ومبسوطين

واليوم اشوف فيلم كرتون ع ام بي سي ثري مااعرف وش اسمه
طبعا هو اجنبي بس مترجم
وقصته اثنين من اسبانيا مسافرين وراحوا قبيلة
وفيه وحدة من فتيات القبيلة شعر وطول وجسم وحاجتين بجسمها
عليها ملابس والباقي كلللللله طالع
وانا واخوي نتابع ومبسوطين
لحد ماجات الطامة الكبرى لما بدت تغري واحد منهم
وتسوي حركات وتلعب بعيونها لحد ماجابت راسه ودخلوا
غرفة النوم ...
<<<< انقلب لونها وصارت تدور الريموت

حتى توم وجيري مليان قلة ادب ذاك اليوم يشوف توم
قطوة بيضاء متمددة ع الاريكة ويجيها طاير ويمطخها ذيك البوسة
حتى ذا الفار المفعوص داشر ..

صراحة خوش مشاهد يشوفونها أطفالنا واخواننا
وخوش أخلاق بتصير لهم

ماأقول غير الله يعين على هالدنيا ..