((يفزلك قلبي وعيني تفزا))
هذه الأحاسيس القديمة الجديده أضعها نبراس ذكرى
سأغيب لفترة خارج الوطن علها تشفع لي كذكرى
في متصفح الذكرى--- أمل أن تنال القبول ---
(( يفزلك قلبي وعيني تفزا ))
[poem=font="Simplified Arabic,6,darkblue,bold,normal" bkcolor="white" bkimage="" border="inset,4,deeppink" type=2 line=0 align=center use=ex num="0,black"]
أهديت لك شوقٍ بقلبي توزا= عبر الهبوب ويمك اليوم حازي
يفزلك قلبي وعيني تفزا=انت الوحيد اللي للاعيان جازي
حبك عديم وداخل الجوف لزا= باقصى الضماير في حشاي أمتوازي
لاشفت طيفك جاير الشوق هزا= مثل الهبوب تشيل حتى العزازي
أ سهر ونوم العين عني تعزا= أ سهر تساهرني نجوم الجوازي
ودي بمعسولك قليلٍ أمزا= أ ذوق طعم اللي مصونٍ حرازي
وأناظـر عيـونٍ تطالـع غـمـزّا= فيها سهوم الموت فيها المغازي
مرزوز عمره عكس منهو يرزا= مطنوخ مظهر والحلا فيه فازي
ياللي سهومك بالحشى سرب وزا= جرحك ترا في داخل القلب وازي
بالأمس قلبي في هواكم يعزا = واليوم في قربك نسيت التعازي
دزيت لك شعري مع الطيف دزا= والشوق مركوزٍ بقلبي ركازي
وزنت لك شعري على الزاي والزا=من بنت ذيبٍ شهم ماهو انتهازي[/poem]
الحوراء بنت نجد-- الرياض في 4\4\1428
رد مع اقتباس
مواقع النشر (المفضلة)