خلفه وصيته والطيارة
:w23: السلام عليكم ....بصراحة انا توني جديدة في هالمنتدى واحترت مدري وش احط لكم موضوع """"""""واخيرا حصلت جبتلكم قصة صيتة وخلفه والطيارةيوم من الايام كان اول يوم في حيات الاختين صيته وخلفه انهم يركبون طياره
المهم كان الصبح موعد الرحله ومن الفرحه مانامو لين اذن فجر الله لايبلانا
وجمعوا ملابسهم الجديده وكان اكشخ شي بملابسهم بنطلون جنز اخضر مفتوح عالركبه
ولا العبايات الله لايوريكم حكايتها حكايه اشتروها عباة عالراس هذا وقت ماخوهم
شليويح عايش ويوم مات الله يرحمه مامداهم يشتروا عباة جديده عالموضه(مخصر يعني)
وانهم يقربوا هاك المكينه ومافيها الا خيطين واحد اصفر والثاني ازرق ويخيطون العباه من الجهتين واللي زاد من ناحية الراس خلوه قبوع واللي من تحت خلوه ذيل
وجمعوا بقية اغراضهم في كيس زباله ابوربطه خضرا
وعلقوا به قطعة قماش كتبوا عليها اسماءهم عشان وقت تحميل العفش ماتتخربط مع عفش الناس والله ماظنتي تتخربط
وانهم يركبون بالدرجه السياحيه والناس يتفرجون على بالهم رحله تنكريه
ويوم جا المضيف وهم يتميلحون( بالله فك الطاوله تبع الاكل ) وهو يأشر بيده يعني يعلمهم يبيهم يفكوها بنفسهم
وتتقدم صيته للمهمه وتبي تفكها وياليتا مافكتها طبعا صيته متعوده عالبل والغنم وان الطاوله تطيع من مكانها انكسرت من اصلها والمضيف والمضيف مسك على راسه وراح يشتكي لرئيس المضيفين ويستشيره بموضوع هالثنتين اللي مسوين قلق في الطياره وقرروا نقلهم للدرجه الاولى عشان يكونوا قدام عينهم وياليتهم مانقلوهم المهم ويوم طال الوقت تعبوا صيته وخلفه وقالو لبعض خلينا ننام شوي وخلفه كانت عالطرف مو عند الشباك يعني وانها تمد رجلها بالممر والمضيف مار بالقهوه تعرقل برجلها وطاح هو وقهوته على وجهه والبنت خبر خير شخيرها واصل للطيار
وكم دقيقه صحوا قامو يلعبو بالازرار اللي بممسك الكرسي الله لايعيدها من رحله ويوم شافوا اللي جمبهم يرجع الكرسي شوي قبت بروسهم الا يقلدون ويضغطوا الزر كلهم ناشبين بزر كرسي صيته قصدهم بيجربون اول من الكبير للصغير
ولا وكرسيها طايح عالرجال اللي وراها حرام عليهم خرعوا الرجال كان نايم واخرتها صيته تقول بالله ياخي حاول معاي نرجع الكرسي وفي هالحاله وهي باقي تتميلح وتنعم صوتها
وش تتوقعوا صار.............
المهم الرجال تعاطف مع صيته مع ان ركاية المقعد انخلعت عن المقعد بس قال لازم اساعدها ورفع الركايه وحط رجله عليها عشان ماتطيح المشكله انه مسؤول ومعروف وهم استغربوا انه رافع رجله بها الطريقه بعدين المصيبه الثانيه الرحله 6 ساعات يعني لي متى بيعلق رجله كذا
مرت الساعات وصيته ولا على بالها والرجال مسكين معلق رجله حالته حاله مسكين المشكله صيته وزناها تقريبا 88 يعني عذاب ولما جا الصبح كانوا المضيفين يوزعوا الفطور ولما وصلوا لهالرجال المسكين اضطر يرفض الاكل لكن هم لزموا الا ياكل لانه مسؤال لا زم يهتموا فيه ويوم الرجال عصب مايبي ياكل طاحت رجله غصب لانه خلاص مافيه حيل وترجع صيته وتطيح واللئيمه كنها ماتدري تقول للرجال اللي من امس ساتر مصيبتها ليش كذا ياعمي والله عيب عليك والرجال يوم شافها ماقدرت جميله عزم يفضحها ووقف وقال للمظيف كل شي ويوم قال راح المضيف يركض وعرفوا الطاقم كله بها المشكله وقرروا ينزلوهم بالمظلات وانتهوا على هالحال في امريكا الشماليه الله يستر كيف حالتهم هناك ماظنتي الا انهم قلبوها طراره جمب الجدران
تمت .......... اتمنى تعطوني رايكم بصراحهة وخلفه والطيارة...
رد مع اقتباس
مواقع النشر (المفضلة)