نحشه في ربوع المدرسه مع اصابتي
هلا والله بكل الأعضاء إن شاء الله تكونون بخير..
اليوم جايبه لكم هبالي أنا والثلاثي المرح..
بصرااااااااااااااحه حموستوني
اني أكمل هبال ودجه عاد ماأوصيكم بالردود
ابي اتحمس وانا اقرأ ردودكم..
وأتمنى من كل قلبي انها تعجبكم ...
طبعا هالسالفه صارت الترم الأول
مدرستنا الله لايهينها تستقبل كل من هب ودب من
بنات كليات وجامعات الرياض طبعا اللي جونا
(جامعه الملك سعود-كليه التربيه
الأدبيه والعلميه –كليه الاقتصاد<<طبعا هذا ولي
الكليات فما بالكم بالاقسام طبوا واختارو...
وطبعا كل يوم نصبح على وجه جديد منهم<<<ههههههه
المهم أنا صادقتهم لسببين
الأول:يعطوني درجات والثاني واللي هو الأهم ينحشوني أنا والثلاثي من الحصص<<مايمديكم علي
وتصدقون حتى اللي مايدرسونا صادقتهو واللي هم بنات الخدمه الاجتماعيه ..
المهم قمت اليوم متأخرة والبس بسرعه وادق على توتو وأقولها اهلين قالت هلا وغلا قلت بسررررررعه عطيني الجدول مالقيته عندي<<طبعا انا ارتب دروسي الصباح
وارتبها بسرعه وأطلع من البيت
وصلت المدرسه بالسلامه وتوني داخله الا واشوف توتو تفصخ عبايتها قالت هلا بالطش والرش
قالت ياهلا فيك
قالت وراك مروعه كذا قلت وش اسوي ماقمت الا متأخرة قالت الله كل هذا عشانك سهرانه امس عالنت<هههه
قلت امشي كحلي عيوني <<يمديكم عالرواقه
قالت لا يالغبيه خليك كذا عشان تسوين نفسك تعبانه ونروح للمشرفه قلت مالي خلق امشي الحمامات <<الله يكرمكم
وندخل واكشخ وازين كشتي ونطلع قلت لها يالشينه
وش اول حصه؟؟
قالت هين يامجروحه أنا شينه ماعليه نشوف من يقولك اول حصه<<ههههههههه
قلت بلا دلع يالله وش علينا قالت كيمياء قلت وعع
قالت يالغبيه اليوم مو مدرسه اساسيه اليوم الاثنين بنت كليه وسعي صدرك قلت لها تصدقين ماعندي دفتر لبنت الكليه قالت والا ناويه تجيبين لها<<هههه ماعليك منها حتى انا ماجبت اصلا مااحد عبرها الا الدوافييير<<<ههههههه
طبعا مدرستنا الكيمياء قالت لنا كل وحده تجيب دفتر لبنت الكليه وياويل اللي بتحط دروسي مع دروسها<<علينا مدرسه<<هههههههههه
قلت لتوتو اذا جت تفتش بأخذ دفتر من الدوافير اللي قدام على انه دفتري<<هههههههه
المهم رحنا نصف طوابير وبدت الاذاعه وما ادراك ما الاذاعه ((أنواع الطفش))نفس المواضيع تتكرر وما احد يسمع غير غير المدراسات والمساعدات والهيئه<<الاداره
خلصت الاذاعه عقب شق الانفس <<ماادري وش معناها بس ترى اسمع بها
المهم رقينا للفصل وجت غلو بهالوقت هااااي بنات
قلت ياهلا والله..
ودخلنا الفصل وجت بنت الكليه طبعا انواع الهبال والضحك فتشت عالواجب وخلصت وأنا طلعت كل دروس اليوم وقعدت أحل واجباتي ويوم خلصت سألت البنات وش علينا قالوا رياضيات وبنت كليه المهم قمت من مكاني ورحت للكيمياء<<تصدقون جت وراحت مااعرف اسمها..
وقلت لها بروح الحمام<<الله يكرمكم بشوف شكلي وبشتري مويه وبعدين بجي ..
قالت حلوه تجننين بس ارجعي مكانك قلت داريه مايحتاج تمدحين<<ياشين الثقه
بس انا جايه اقولك تراني بطلع الله لايعوقني بشر وضحكت وطلعت من الفصل وتوني طالعه الا وأشوف بنات الدين<<ياحبي لهم داجين وفالينها معي وعايشين حياتهم
قلت هلا قالوا اهلين سلامات وش عندك غايبه قلت طفشت وغبت بصراااحه مليت من شي اسمه دراسه قلت الا وشلون عرفتم اني غايبه قالوا
بصراحه مافيه احد يدور في ربوع المرسه وصديقاتك كانوا هادين.
قالت وحده منهم ممكن اسالك قالت تفضلي
قالت انت منحاشه الحين والا مستأذنه <هههه
قلت لهم لا هالمره مستأذنه قالوا احلفي عاد قلت والله<<ماتعودوا اني استأذن<<هههههه
واروح من عندهم وادخل مكتب المراقبه قلت لها صباح الخير قالت صباح النور جبتي ورقه الغياب
قالت ايه بس ماراح اعطيك اياها الا اذا بشرتيني
من غايب اليوم من المدرسات ؟؟
قالت لحظه وتطلع ورقه ثم قالت عليكم Eاليوم قلت ايه قالت تراها غايبه قلت الله يبشرك بالخير
قالت يالله ارجعي الفصل وجيبي ورقه غيابك
قلت طيب ممكن سؤال ثاني قالت وشو؟
قالت من بيجي عندنا بحصه الفراغ قالت لي اسم وحده من بنات الدين قلت خير ذا الخايسين ماقالوا
لي واطلع واروح ادورهم واول ماشافوني قالوا مابعد رجعتي للفصل قلت لا
قلت الحينEغايبه ولا قلتوا لي وش ذا الخيانه
طبعا ضحكوا وقالوا لي عشان ماتنحاشين قلت لهم
اصلا كل يوم اخاذ حضور وغياب المدرسات
المهم رحت للحمامات والقى شله بنات واسولف معهم واطلع ونزلت تحت وشريت مويه وانا برقى الدرج شافتني وحده من الهيئه ومسكتني وقالت ماتدرين ان "الحلق "ممنوع والمناكير ليه حاطته بيدك والسلسال افصخيه وهاتيه<<قلت لا خلاص بروح افصخه عند المراقبه واكتب مخالفه قالت يالله بسرعه روحي واروح اركض للفصل<<مصدقه عمرها اني بروح اكتب مخالفه ماكتب الا انا عاد
وادخل الفصل والقى الهبال البنات يطقون واللي ترقص
واللي تصفق والمدرسه طالعه قلت بناااااااااااااات اسكتوا بقولكم شي قالوا وشو قلت eغايبه
قاموا يصارخون من الفرحه واللي ترقص
طبعا اصواتنا الواطيه النعومه وصلت للهيئه <<متأكدين هذي اصوات بنات المهم رقوا الهيئه
وعطونا كم تهزيئه وطلعوا وتدخل علينا حقت الرياضيات واول مادخلت صفروا البنات وصفقوا كأنها عارضه ازياء.. مكياج كامل بس والله كشخه
وملابسها ماركه ودلوعه مرة ومستشوره كشتها وفاكتها كأنها رايحه زواج مو مدرسه<<هههههه
المهم المسكينه مرتاعه من فصلنا وتتكلم وما في احد معبرها حتى الدوافير كانوا يتناقشون بدرس الكيمياء لانهم مافهموه من بنت الكليه.
فالنهايه عصبت وصرخت وقالت اعتبروا الدرس مشروح وطلعت وسكرت الباب <<البنات ولا اهتموا كملوا هبال وسواليف وضحك وقالوا احسن هي اللي طلعت برجولها وهي اللي ترجع غصب عنها وقالوا بنات عادي مو كل يوم درس اعتبروها غايبه المهم مرت ربع ساعه وهي برى ولا احد عبرها وضاقت صدور الدوافير وقالوا مجروحه انتي والثلاثي تمونون عليها كلموها قلت اصلا هذي اكرها ولا احبها قالوا تكفين خليها تدخل يكفي كيمياء مافهمنا بعد رياضيات قلت انا مالي شغل قالو بليييييييييييز قلت طيب واطلع انا وتوتو وغلو
قلت اهلين قالت بنات يرضيكم اللي صاروالله حرام عليكم قلت توك ماشفتي شي عادي وبعدين تحسبينهم اهتموا البنات ولا عبروك حتى
ونزلت كم دمعه قلت لها ولايهمك انا راح اتفاهم معهم وبصير معك <<ولو مرة بحياتي بصير مع مدرسه
وادخل الفصل قلت بنات حرام خلاص طلعوا هبالكم بحصه الفراغ مو عليها هالمسكينه قلت واالله لو تدري المديرة بترقى عليكم وتهزئكم يكفي انها امس رقت عليكم وهزئتكم
قالوا خلوها تدخل خلاص
المهم دخلت الفصل وتوها داخله يقالها بتخوف البنات قالت ترى ان هبلتوا فيني ماراح ادرسكم وبعطيكم مدرستكم الاساسيه قالوا لها البنات اصلا مانبيك مانفهم منك <<البنت من الصدمه ماعرفت ترد
المهم شرحت جزء بسيط من الدرس وكان ملخصها عالسبورة طويييييييييييل المهم قلت لها
بروح اكلم مدرسه قالت اكتبي الملخص اول قلت لو تحج البقره على قرونها ماكتبته لو على رزقي
لين صرت فاضيه كتبته قالت عطيني دفترك قالت ترى مو كامل ماكتبت دروسك قالت هاتيه قلت طيب
واعطيها اياه وتأخذه وتكتب لي الدرس مايمديكم <<هههههههههه
وأطلع من الفصل واخذ جوله على ربوع بلادي<<اقصد مدرستي
المهم وانا ادور جت ني توتو قلت هلا وشلون طلعتي قالت قاعده تعيد الدرس لبنت مافهمت وطلعت وهي ماتدري قلت والله انك خطيرة المهم صفرت ولا رجعنا الفصل على طول وبعدين رجعنا وهي باديه الثالثه وكانت عليهم فيزياء قالت ماتدخلون وين كنتوا قلت عند بنت الكليه حقت الرياضيات تشرح لنا درس مافهمناه قالت ادخلوا وانا بسألها وتوني جالسه وارسل لغلا ورقه وقت لها هلا قلت خير وكانت معصبه قلت فزعتك قالت وش تبين قالت استأذني على انك بتروحين الحمام
وروحي للرياضيات وقولي لها السالفه عشان اذا سألتها الفيزياء تقول انا كنا عندها قالت ابشري<<فديتها ذالانسانه
المهم انتهت الحصه على خير وبدت الفسحه وانواع الهبال والدجه
وبدت الحصه الرابعه وكانت عربي وجت الرياضيات عشان تأخذ الدفاتر وقلت لها ترى مو كامل قالت حطيه معليش المهم صفرت حصه العربي بدون أي حدث يذكر
والخامسه كانت فراغ المهم انحشنا انا وغلو وتوتو ورور وشله بنات ثانيه وكان في الساحه العربيه حقت السوبر ماركت
وقلت بنات بركبها واركب انا وتوتو ركبتها على جنب وانا وسطها وبنتين يراقبون والباقي يدفونا
المهم انواع التفحيط والهبال وكانوا يدفونا وهم مسرعين صرخوا البنات الهيئه الهيئه المهم انحاشوا وتوتو طبت وبقيت انا في العربيه وفي اقرب جدارعند شجره انا صقع راسي بالجدار ولا ادري وش صار للبنات وكنت خايفه طبعا مرو الهيئه ولا انتبهوا لي لان الشجرة مغطيتني
وبعد ماراحوا جو البنات وانا على حالي من الصدمه ماتحركت قالوا جبهتك فيها دم تعالي نوديك لبنت الكليه فوق ويطلعوني من العربيه وودوني فوق في الدور الثالث عند"ريوم"
وجلستني عالكرسي وسوت لي اسعافات اوليه
ودخلت غلو وتوتو وباقي البنات راحوا
المهم عطتني بنادول وبعدين قالت بنات عندي لكم بشارة قلنا وشي قالت بعد هذي الحصه اجتماع مدرسات قلنا احلفي وصرخت توتو وغلو صرخه محترمه المهم جلسنا نسولف مع ريوم قالت ريوم بنات ابي اروح زواج قلت حتى انا قالت ريوم تدرون ان زواجي بالاجازة قلت احلفي عاد
الف الف الف مبروووووووووك
قالت الله يبارك فيكم بس لازم تحضرونه
قلت وش جنسيه زوجك قالت ياحظي وش بيكون يعني قلت انظمي لحزبنا ضد الطعوس<ههههههههه
وانا عن نفسي ابي بريطاني وان ماحصل اماراتي<<فديت الامارات واهلها
قالت توتو انا عن نفسي باخذ ايطالي
قالت غلو لا انا باخذ سعودي الله لا يخلينا من السعودين
المهم صفرت ونزلنا تحت واخذنا اغراضنا ونزلنا الساحه وشوفوا الهبال وبهالحظه نادتني حقت الرياضيات ويوم رحت لها قالت سلامات قلت الله يسلمك وقلت لها السالفه وماتت ضحك علي
وعطتني دفتري ومافي مدحه بالدنيا ماكتبتها
ورجعت للبنات واللي درو بالسالفه جوا وهم ميتين ضحك ..
المهم انتهى اليوم وتوني بأطلع الا واشوف بنات الدين في وجيهنا قالوا سويتوها وانحشتوا وهم يضحكون ودرو عن سالفتي وعلقوا علي
وبكذا انتهى اليوم وانا تعباااااانه ,,
اتمنى من كل اعماق قلبي انها تعجبكم ومااكون كثرت عليكم بالبربرة
تحياتي لكم ومااوصيك بالردود..
مواقع النشر (المفضلة)