[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قبل ابتدي معك القصيد اسمعي هذا المثل = الخير فيما اختاره الله وانا ماني جحود
حـاولت لكن قـدّر الله وما شـاءا فـعـل = ارضى حياتي في بعادك ولو عشت الشرود
لو في رجوعك بـاقـي ٍ فيه شئ ٍ من أمل = يمكن جهنم تطلب العفو عن حرق اليهود
ولو في الهوى حلّ ٍ يداوي المفارق والعلل = ما ضلـّت عْيوني سهيره و خلق الله رقود
ولو الزمان اللي جمعنا يعيد اللي رحل = عـهـدٍ علي اني لـدوّن غلاتك بالعقود
واثبت غرامك في التملك بعقدٍ ما حصل = واصبح لحالي من ملك في الهوى عقد وبنود
الكل رايـه يـتـفـق ما على الراقي جدل = وانا جروحي راقيه وما على الاحزان زود
مهما يغرك من حـلا عمر زينه ما اكتمل = ومهما دعيتي عالحسد ما عمت عين الحسود
قسمة نصيبي تايهه عـنـد قاضي ما عدل = وش حيلة اللي حاكمه مانصف راي الشهود
ادري كسبتك قلب ما مـسّ نبضاته خلل= لكن خسرتك يا الغلا قلب وافي ما يعود
ليت الذي فرّق دروب الهوى لحظه سأل = سرّ العلاقه بين صوت المطر و برق الرعود
لا والذي لبـّا نـدا مريم أيـام الـجـهـل = انك عظيمه في حشاي ومقامك في صعود
كأن المسافه بين الأرض و فضا كوكب زحل = هي نفسها بين اشتياقي و صدمات الصدود
وكأن المشاعر لـو تمازج صداها بالخجل = مثل الجيوش اللي تصارع على خطّ الحدود
وكأن الحروف اللي نوت تملي اوصافك غزل = هي وردةٍ نادت لقطرة ندى عيّت تعود
مبدا القصيده عند شاعر في احلى ما جزل = ما يردعه خوف الكسر لا و لا فـكّ القيود
ومـبـداي سايـر حكمةٍ دوّنـوهـا بالمثل = الخير فيما اختاره الله و انا ماني جحود[/poem]
مواقع النشر (المفضلة)