[align=center][frame="4 50"]قصيده للشيـخ ضيف الله بن تركي بن حميـد يرثي فيها أخوه عبيد بن تركـي
الذي قُتـل على يـد مبارك بن غنيم بن هدلان في أحد ألغزوأت ويطالب بالثار [/frame][/align]
[poem=font="Simplified Arabic,6,black,bold,normal" bkcolor="transparent" bkimage="" border="double,6,black" type=2 line=0 align=center use=ex num="0,black"]
ياونتي ونة كسير الجبارةْ =إلى وقف ما احتال وليا قعد ونّ
عليك يا شباب ضوّ المنارةْ =عليك ترفـــات الصبايا ينوحنْ
من عقب شوف عبيد قلنا ودَاره = لاَ باكي ٍ عقبه ولا َ قايل ٍ منْ
تبكيك صفر ٍ لبّْسوُها غَيَارهْ =تبكيك يوم ٍ السبايا يِعَـنّنْ
وتبكيك وضح ٍ ربّعت بالزبارهْ = اليا قِزن من خــايع ٍ ما يردنْ
الخيل عقب عبيد ما به مناره=وش عاد لو راحن ياوش عاد لو جن
يا شيخ ما تامر عليهم بغاره = كود الجروح اللي على القلب يبرنّ
يقطع صِبِيّ ما ينادي بثاره = إلى أقبلن ذولي وذُوليك قـفـــنْ
ياهل الرمك كل يعسف مهاره=والمنع ما نطريه لاهُم ولاَ جــن [/poem]
[align=center][frame="4 50"]ورد عليه الشيخ شالح بهذه ِ القصيده .. في ترثة أخوه الفديع الذي ذهب قتيـل في احد غزواتـه مع قبيلة عتيبه أن صحت المعلومه [/frame][/align]
[poem=font="Simplified Arabic,6,black,bold,normal" bkcolor="transparent" bkimage="" border="double,6,black" type=2 line=0 align=center use=ex num="0,black"]
ضيف الله اشرب ما شربنا مرارهْ=اصبر وكنّك شالــح ٍ يوم حَزّنْ
راح الفديع اللي علينا خســـاره=واخذ قضاه عبيد حامي ثقلهنْ
يمنى رَمَتْ به ما تجيها الجباره = اللي رمت بعبيد في معتلجهنْ
من نسل ابوي وضاري للشطاره=يصيب رمحه يوم الارماح يخطِن
وعبيد خِللّي طايح ٍ بالمغـــاره=عليه عكفان المخالب يحومن
وعادتنا بالصيد ناخذ خياره=ثلاثة الجذعان غصب ٍ بلا مَنّ
يا قاطع الحسنى ترى العلم شاره=لابد دورات الليالي يدورنْ
حريبِنا كنّه رقيد الخـــباره=خطر ٍ عليه اليا توقظ من الجن
ماني بقصاد ٍ بليا نمــــارَه = أجدع نطيحي بالسهل وإن تلاقن
من حل دار الناس حلوا دياره = لابدّ ما تســكن دياره ويغبَنْ
ومن شق ستر الناس شقوا ستاره=ومن ضحك بالثرمان يضحك بلا سنْ
وان كان ضيف الله يعسف مهاره = فمهارنا من عصر نوح يطيعــن
تِدنَا لِصِبيانٍ ســُواةِ النمــاره = شهبٍ لماضين الفَعَايل يـعَـنّنْ [/poem]
[align=center]ونجد هنا أن رؤوس العـرب مهما يحصل بينهما لايهضمون حقوق الغيّر في قصائدهم ولانجـد مايُسئ به ِ خصمه بألفاظ غير لائقه ..
والآن لوتقول ... لشاعر وليس الكل وأنت منصح له بيت في قصيدتك مكسور .. جعل من الموضوع أمسية شعريـه ضدك !!!!!!!!
[/align]
[align=center][glow1=0033CC]وسلامتكم جميعاً[/glow1][/align]
مواقع النشر (المفضلة)