؛ قال ايش : ما أبي أكل من يدها . . ! ؛
السلام و عليكم ورحمة و بركاته .
كيفكن صباايا شباب ..
قال ايش : ما أبي أكل من يدها ..!
خير انشاء الله يا أخوي..
..........
(( إندونسيا , بنجلاديش , فلبين , الهند , جزر القمر ))
فتيات هذا المجتمع الفقير دعتهم الحاجه إلى الإغتراب عن وطنهم إلى بلاد أخرى للكسب الرزق , و لقمة العيش .
و أغلبيتهم مسلمين ..
نحن مجتمع السعودية مجتمع الترف والعز والرفاهيه بجميع أشكالها وأنواعها مع وجود بعض التخلف <<<<< خخخخخ خارج الموضوع..
ما علينا من التخلف و نرجع للموضوعنا هع هع..
اللي هو (( الأكل من يد الشغاله ))
لماذا بعض البيوت و أقصد الشباااااب لا يريدون الأكل من يد الشغاله في وجود ظروف معينه قد تكون طارئه ..؟
قصه ((1))حصلت لي قبل اسبوووعين أطال الله في أعماركم ..
و هي كالتالي :
(( الحمد لله عندنا شغالتين و الله ياخذهم رافعات ضغطي بس ما علينا ..
كانوا الأهل خارجين و معهم الشغالات و جلست أنا بالبيت لحالي , و فجأه جاء أخوووووووي و جاب الطامه معه ,
سألني قال وين (( روسنا وآنا )) اسماء شغالتنا خخخخخ,
اخوي قال :أصدقائي جايينن من سفر و بسرعه أبي قهوه و شاي عالماشي .
قلت برى مع الأهل ..
قال : طيب قومي حضري لي القهوه و الخ....
خخخخخخخخخ
الله لا يوريكم انقلب وجهي و سكت زي الصدمه ..
مشى قدامي للمطبخ وأنا وراه أناظر بس
قال: حضري القهوه ؟
ناظرت فيه قهوه قهوه قهوه
ابتلشت ((و في نفسي مليون سؤال كيف ؟ وش يحطون وش يسوون ...الخ ))
قلت له :
والله أنا ما أضبط القهوه ..(( وأصلاً خلقه ما أعرف أسويها ))
قلت له:
سوووووووها أنت عشان ما تزعجني جت شينه جت زينه لا تقلقني ..(((تصريفه طبعاً لاني ما أعرف)))
عصب في وجهي ..الدوووووووب ..
بعدين قال لي:
طيب حضري التمر و الحلى و الشاي مره وحده الخ..
رحت فيها زياده لاني ما أدري وين التمر فيه
ولا أدري وين تمر الضيوووووف محطوط ..
بعدين أخوي هزئني تهزيئه محترمه قال :
ماشاء الله كل شيء الشغاله الله ياخذها و أنتوا وش فايدتكم وش مهمتكم و وش و وش
وشوووووووووووووش رأسي منه ..
بكره تروحين للبيت زوجك كيف تتطبخين له وكيف تقومين بأمور البيت ..
سكت وطنشته ..
و بالأخير هو اللي حضر كل شيء و أنا رجعت أشووووف الفلم فوووووت علي كم لقطه ..خخخخخ بس يلا تركتها لوجه الله ..))
هنا سؤال :
أنا وغيري من البنات تعبنا من الكلام هذا و أقلقتونا تراكم كل ما رحنا ولا جينا قالوا مسكين اللي بيأخذك ..خخخخخخخخخخخ
أحسن ما أحد قاله يأخذني هع هع..
يعني احنا اذا تزوجنا بإذن الله بنعرف نطبخ ونغسل ونظف واللي تبووووووووون
مو مستعجلين نعرف كل الأمور اللحين ..
يعني خلونا نعيش حياتنا نلعب ونلهو ونضحك مو مستعجلين على الهم و الغم ..
ليه تنظرون لنا نظره بأننا بنكون فاشلات في المستقبل من ناحية الطبخ لما نتزوج ؟
لكل حادث حديث خخخخ.
أخوي كل يوم يتريق في البنات من ناحية الفشاله في الطبخ هع.
شو رايكم يا اخواتي واخواني في كلامي..
طيب نجي للقصه كذلك حدثت لي أمس..
قصه((2))
(( طبعاً أمس أربعاء و كنا طالعين لمجمع الحياة مول و ما رجعنا إلا متأخرين
و صدفه عمي جاء مر علينا يسلم و قلنا تفضل عالعشاء معنا
و عادي دخل معنا وتونسنا بالكلام و ما إلى ذلك
شوي الا حطوا العشاء و هيك يعني حركات العشاء
بعدين كلنا سمينا وقام هو ناظر فينا قال :
كيف أمداكم طبختوا هالأكل اللي يفتح النفس جبتوه معكم من برا.
قلنا : الله يسلم الشغالات ..
بعدها جلس يصرف و يلهي نفسه بالسواليف و يطقطق بالسبون ,
و احنا لاحظنا انه كش بعد ما قلنا شغاله . يعني ما أكل .))
انتهت القصه ..
يعني بالله عليكم شو هذا التخلف وش فيها يد الشغاله
لذا الدرجه محظووووره ,
أكيد الشغاله بتكون نظيفه حسب نظافة أهل البيت نفسهم
فليش الوسوسه و الكره الزايد والفلسفه اللي مالها داعي من ناحية الشغاله
في جميع أمور المنزل من طبخ و غسيل و ما إلى ذلك .
يعني اللحين الهندي و البنقالي اللي كل يوووم تأكلون من تحت يدهم مره مره نظيفين و واثقين منهم ما شاء الله , يعني ان دل دل على انكم يالشبااااب ما عندكم ما عند جدتي بس هياط و ازعاج و تسووون فيها ما تأكلون من مطاعم و انتو33424ساعه متكين عندهم..
والله ذوووولي أخس وأقرف
على الأقل الشغاله تكون معلمه من ناس مسلمين يعرفون النظافه صح
و يحبون يشوفون نعمتهم في شغالتهم ..
السؤال:
هل رفض الاكل من يد الشغاله لعانه ولا هباله ولا وسوسه ؟
ما هي نظرتكم يالشباب الى الفتاه هل هي بس للشغل في المطبخ شو شايفينا ؟
زلابه و زلابه ذبحتونا ترى هع
هل على كل بنت أن تلم بأمور الطبخ و غيره قبل الزواج ؟
لماذا بعض البيوت يرفضون استقدام الشغالات و يلجأون الى الحبشيات ؟
بما إني جبت طاري الحبشيات جارتنا وحده مكاويه
مستانسه كل يوووووم صحون مشكله بجميع انواع الحلويات والموالح تشتريها من الحبشيات
لين حصل انها تسممت هي و المعزومين ((الحمدلله اني ما حضرت العزيمه)).
يعني الحبشيه تكون أنظف معقوله و الثقه فيها أكبر ؟
بالعكس الخوف منها أكبر و أكثر لانها
ما تعرف من وين جايه يمكنها مشعوذه ولا شحاذه بعد
و اكيد انها منتهيه و يمكن تكون مريضه بأحد الأمراض المعديه الله لا يبلانا وما قد راحت تسوي فحص .
و لا تعرف لها مكان أساسي لانها طراره , يمكن بعد الاكل اللي تبيعه او تسويه مسروووق<<<<< قمت اوسوس.خخخخخخخ
..
بس خلصت فلسفتي..
بعد عندي نقاااط كثيره من ناحية الشغالات لكن ان شاء الله اذا فضيت حكيت لكم ..
سي يو..
مواقع النشر (المفضلة)