الشجره اليابسه
يالله حيهم في بيتهم <<< اقول لا يكثررر
بما اني انسان منقطع النظير قصدي منقطع عن المنتدى بسبب اعطال فنيه جيت اليكم اليوم وانا مصر على تحقيق الهدف المنشووود <<< اخس يالهدف اشوى انه هدفك في الحياه تعبي بنزين فل وتقعد دوره في الشوارع
نرجع لمحور حديثنا ---
في يوم من الايام قررت انا محسوبكم قلبك القاسي اني اجرب كيف الواحد يسير ابوصالح << مو ابو صالح سرى ليليه قصدي يسير اب جيد
المهم رحت عند بيت اختي اسوي التجربه الفاشله هذي ويم اني وصلت عندهم طبعااا انا وصلت في الليل ولقيت ولد اختى الصغير عمره 5سنوات الله يخليه لامه وابوه طبعاا من دافع الهدف اللي انا جاي عشانه تحملت طفولته الغبيه وعطيته وجه شوي الا وهو جايب شنطته حق الروضه ويقول لي شف وش عطونا وانا صديقي فلان وصديقتي فلانه وبدأ يشرح نظامهم المدرسي وانه اذا الواحد صار مشاغب ياخذونه من فصله ويدونه فصل بنات ويخلونه يقعد لحاله <<< ليتني دارس روضه انا ووجهي على طول طفوله بعدين دب الا انا في الابتدائي قروي لحد يدقق
المهم انا تحملت بما فيه الكفايه وقلت اقول بابا روح نام والصبح انا بوديك المدرسه قالي خلاص وراح يرقد
وفي صبيحه اليوم الثاني يوم انها العصافير بدأت تسولف رحت اشغل السياره واحتري حضرته عبود <<هو اسمه كذااا انا مالي شغل . يجي طول الله عمره عشان نذلف
وبعد دقائق معدودات الا واشوف ذاك السنفور طالع من البيت وشايل شنطه اكبر منه وامسح عيوني واطالع زين الا طلع هو طال عمره
المهم ويبدأ اليوم المرير:--
اول ماركب وانا مالي خلق اطالع فيه اول مره اصحى بكيير لها الدرجه وشوي والتفت عليه واقوله يا بابا تعرف المدرسه حقتك وينهااا
قال بكل برائه :- ايوه اعرف
قلت:- طيب وين هي
قال:- عند الشجره اليابسه
طبعااا انا اول ما سمعت الاجابه صعقت وحسيت انه واحد ساطرني بزبيريه على خشتي :وفي نفس الوقت وتخيلت اني قاعد افتر في الشوارع وادور شجره يابسه وما فيني حيل اضحك .
طبعااا ولاني جاي عشان هدف نبير قلت خلني افهم الصغير انه على غلط
قلت :- طيب يا بابا كم فيه شجره يابسه في الشرقيه.
قال :- ثلاثه ( شين وقوي عين بعد 3 شجرات )
قلت :- طيب وينهااا الشجرات الثلاث <<< وانت الرابع << لووول ماصل
قال:- وحده عند البيت ووحده عند المدرسه ووحده عند المسجد <<
بعدهااا قلت في نفسي يا وحده من الثنتين يا ان الولد هذااا مستقصد يرفع ضغطي ووهو واستهباله البايخ يا انه من جد دلخ
المهم قلت الله يصبرني رح قل لاختك تجي اوديهااا على طريقي عشان توصف لنا المدرسه
طبعااا تحركنا من البيت وزي العاده شغلت المسجل وانا ما شي الا يقولي ليه انت مو مثل ابوي قلت له وابوك شلون قال يشغل الراديوو الصبح دايم قلت طيب ولا يهمك الله يعدي اليوم على خير واشغل له الراديوو
المهم وحنا في الطريق واذا اشوف الدرايش تنفتح ووتسكر وشوي والمكيف طافي وشوي والراديووو تتغير القناه وانا التفت التفاته سريعه لليمين الا وانا اشوف هذااا الفصعون قاعد يضغط كل الازرار طبعاا فيه ميزه اخينا في الله يضغط الزر بعدين يسأل هذا حق شنوو طبعاا انا ارد عليه بكل عفويه هذاا حق كذااا وهذااا حق كذااا وشوي الا اشوفه طمر على الدرج اللي في النص<< انا اسميه الدرج اللي في النص لانه يجي في النص بين مرتبتين عاد انا حر سيارتي وبكيفي
اول ما طمر وانا اقوله اشفيك يا بابا قال:- فيه ازرار في الداركسون لسه ما ضغطتها :
هنا عاد طفح الكيل قلت له والله لو ما تذلف في ذاك لانتفك ببقس اخليك تسوي تظليله على الزجاج
الوكاد << مأخوذه من كتاب الطعس مصدره واضراره .. وربك يستر ونوصل المدرسه طبعاا اول ما وصل المدرسهع وانا اوقف طبعاا شلون بحذفه وانا ما شي انا ابو صالح لازم اني اسير اخلاق ووقفت ونزل طال عمره وسكر الباب وراح يمشي بتجاه الباب وشوي الا وهو جاي يركض وانا اطالع فيه واقول يارب استر
ويجي ويدق الزجاج بعنفوان << قصدي بقوه وانا انزل القزاز <<< لاحظو انها صارت قزاز مو زجاج <<واطالع فيه واقوله نعم اش تبي قال: اشفيك واقف
قلت : لا ابد زان لي الجو هنا قلت اقعد طبعاا قاعد احتريك الين تدخل
قال بكل براءه : اي والله اني غبي .
بالله عليكم يسير كذااا والله حراام
زبده الموضوع : لحد يفكر انه يسير ابو ابد ترى والله شي مو زين ويجيب الهم اذا تبيب ولابد خذ لك عيال جاهزين في الجامعه عشان تريح راسك
ملاحظه : اذا كان الموضوع محله مو فيذاا ترى مدري
مواقع النشر (المفضلة)