كنك تقول اشوف وجهــك على خيــر ..!
في سالفة صمتك.. قريتك مسافـر
كنك تقول.. أشوف وجهك على خير
في ليلـة كانت طعـون.. وخناخـر
وهمـوم قلبٍ فـارقته.. التباشير
خان الزمن.. نبض أمنيات المشاعر
والعمر روح.. عقب كذب المحاذير
ياللي رغم فرقـا حبيبك.. تكـابر
بعض الغـلا.. ماتستبيحه مقـادير
ماكان عشقك بالآحاسيس.. عابر
بالعكس ثابت.. مااعترته المعاذير
والعاشق إللي مرّه الليل.. ساهر
لازال ليله.. يشـتعل فيه ويغيـر
والفرج قفّى عن سنينه.. وهاجر
وعيون قلبه.. في غيابك مساهير
مّيت.. ولكـن رافضته المقـابـر
عايش.. ولكــن ذابحته التفاكير
يكتب بدمعه.. أعذب إحساس شاعر
ويقراه غيرك.. وأنته أولى من الغير
وحبر القلم.. جرح خدود الدفــاتر
لين الـوله.. خلد حــزين التعابير
لجــلك.. ولازالت جروحه تغــامر
في دربك إللي مااوقفت به.. مشاوير
للحلم يرسم.. سلهمـات ومحــاجر
وأحلامه اكبر من ظنون.. التفاسير
وإن نام ليله في عيونك.. وسـافر
بيقول لك.. تصبح حبيبي على خير
:confused:
رد مع اقتباس
مواقع النشر (المفضلة)