ندمت لكن بعد فوات الاوان

**♥مشاعل♥** · 16-05-2007, 09:00 AM

كل شخص بالحياه له لحظات يخلو فيها مع نفسه يحاسبها ويعاتبها ويلملم بعثرته ويتذكر اناس مروا عليه في حياته
وفي يوم خليت مع نفسي تذكرت انسانه لم ولن اجد بروعة قلبها
وطيبتهاالفائقه كانت رائعه من كل النواحي وكانت مريضه بمرضين
الاول البرص وكان مغطي اكثر جسمها والثاني كان عندها
مرض وراثي وهوالتهاب الكبد الفيروسي كانت ساكنه معي
بنفس الحي وملتزمه وتخاف الله وماتاخر بالصلاه بصراحه
احنا كنا بالثانوي وكنت مقصره كثير بالصلاه
واخرها عن قتهاكانت تنصحني ووكنت اعز صديقه بالنسبه
لهاكنا نروح ونجي مع بعض لكني يوم انتقلنا للثانوي
وتعرفت على بنات اكثروشفت عالم اكبر من المتوسطه
اللي كنا فيها قبل وشفت البنات يعايرون صديقتي بالبرص
بديت انسحب وابتعد عنها عشاني استحى من نظرات البنات
لي وانامعها كنت جباااانه اذا صح القول كانت تجيني بالفصل
وقت الفسحه (احنا بنفس المرحله بس فصولنا تختلف)وتقول لي
اطلع معهانتفسح كنت اصرفها واقول لاروحي انتي اناباحل
واجباتي واذاكر وتروح لحالها وتتمشى لوحدها حتى صديقاتي
اللي هم صديقاتها سابقا واللي عشنامعهم احلى ايام
في المتوسطه اول مادخلناالثانوي انكروها ويمرون من عندها
ولاكانهم يعرفونها واناقطعت علاقتي معهم من شفتهم قطعوها
وانكرو صداقتها واستمريت على هالحال شهر كل ماجتني اعتذر
واحط نفسي مشغوله الى ان جاء اليوم اللي لاحظت فيه هالشي
وجتني وقالت لي كلام هزني من الصميم قالته وكانهاعطتني كف
على وجهي اتمنيت الارض تنشق وتبلعني قالت لي:
اذاماتبين صداقتي لاتستحين وقولي وانااعفيك من صحبتي
الله خلقني برصاء بس خلق لي قلب واحاسيس اناماهمتني نظرات البنات
من حولي ولاالشفقه بعيون المدرسات انايهمني انتي
انتي اكثروحده همتني عشت معك عشر سنوات وعمرنا ماتفارقنا
ولااثرعلى صداقتنا شي بس هالحين انتي صرتي غير تغير
ولاادري وشوالسبب وقعدت تبكي
تمنيت لحظتها الارض تنشق وتبلعني ولاانح بموقف زي هالموقف
ماعرفت وش اقول ورحت ابكي بعد وترجيتها تسامحني ووعدتها
نرجع مثل اول وبالفعل رجعنا مثل اول واحسن والحمدلله
نجحنا من اول ورحنا لثاني لكن صاحبتي جاءها نصيبها
وتزجت واستقرت ورزقها ربي بزوج ملتزم يخاف الله فيها
صح اني زعلت لفراقها بس انبسطت لها من كل قلبي ولكن
دوام الحال من المحال صديقتي مرضت وتلفت كبدها وقررو
يسون لها زراعة كبد ولالقو متبرعين حاولت اتبرع لها
بس ابوي وامي رفضوا خوفا علي وبعد فتره بسيطه

ماتت

ارق قلب واحن انسانه واجهتها بحياتي

ماتت

ماصدقت الخبر
بكيت وبكيت الين جفت دموعي
ندمت على كل لحظه راحت بدون ماجلس معها
ندمت على كل مره خليتها تروح لحالها مكسوره
ندمت وندمت وندمت
لكن بعد فوات الاوان

اليوم

زوجهامتزوج باختهاالصغيره وعندهم ولدين وبنت البنت كل ماشوفها اتذكر صديقتي سبحان الله شبه كبير

ومضه
الدنيا دواره ماحد يدوم على حال
0000000000000000000000000اللي توده يوم بيصبح تحت الرمال

اشراقه:

احسن الظن بصديقك واحبه بكل جوارحك فان فرطت فيه يوما ستجد من يفرط فيك

00000000000000

ذكريات استيقظت فيني فاحببت طرحها
تحياتي لكم
دمتم بود

**آه يا قلبى** · 16-05-2007, 12:10 PM

موضوع جميل قريته اكثر من مره

تسلم الايادي والله يعطيك العافيه

**غزال ومـا يصيدونـه** · 16-05-2007, 03:46 PM

جميل ماطرحتي لان الصداقه بمعناهـا الحقيقي اصبحت عمله نادرهـ

للاسف الصداقه بهالزمن صارت تعتمد على المصالح والمظاهر الا من رحمـ ربي

وبالذات بمدارسنـا لاجات البنت بتختار صديقه تبحث عن المظهر بغض النظر عن الجوهر

زمن عجيب تبدلت فيـه كل المقاييس نسأل الله السلامه

الله يرحمهـا ويسكنهـا فسيح جناتـه

و يجمعكـ معهـا في مستقر رحمته

**آهات الحزن** · 16-05-2007, 05:03 PM

قـصـة مؤثرة عن جد اقراها ودمعي ع خدي im6

الله يرحمها ويغفر لها ويجمعنا معها ومع جميع المسلمين بجنات النعيم .. آميـن يارب العالمـين

طرح أكثر من رائـع

تسلمـيـن اختي مشاعل ولاتضايقين نفسك ترا الدنيا كذا وكلنا رايحيـن كثير مانفارق ناس غاليـن على قلوبنا حيـل ونحس ان بدونهم مانقدر نعيش ولكن بالدعاء الله يهون علينا ..

"كل شيء هالك إلا وجهه"

تقبلي مروري ..

آهــ الحزٍن ــاات

**ملكة الذوق** · 16-05-2007, 07:52 PM

..

..

مشاعلٍ..

قصـــــــه مؤثره للغايـــــهٍ..

فعلاً موقف لا تهملـه الذات..
ويستاهــــل الندم..

لكن..

الايام التي رحلت قد رحلــتٍ..
ولن تعود..

لذلك لا تهدري الوقت بالندم..

وإنما قفي لرضاها حتى وان كانت ميته..

تصدقي لها..

ادعي لها..

فهي الآن تحتــــــاجٍ إلىٍ ذلكٍ..

..

مشاعل..

جميل ما طرحتيٍ..

فهي عضه وعبره..

الله يعطيك العافيه..

ودمتي بطيب..

..

..