اذكروني بالخيييير يالربع وابيحوني وحللوني<<<:(
لعملاء الدي اس ال فقــــــــــــــــــــــــــــط:53ar:
استشارات للمقدمين على الزواج والمتزوجين حديثا نتيجة
عصارة تجارب – ولا هو كل واحد فيه عصاره - و خبرة طويلة في الملاعب
سؤال لكل عزوبي .. يتسدح بالملحق ؟
هل تنام على بطنك ؟ او تخم الوسادة بالليل ؟ او تعفس الكنب وتعضه وتسعبل عليه من القهر يامتهاوش مع امك والا مع ابوك<<<ياخي استح على وجهك ذولي هلك<<<كل ذ1 تصريف
.. او تنام في الشوارع كأنك قطو .. او تنام على الكنب وانت تقرأ الجريده ، او تنام ويطلع سرك ستر الله سرك
إذا كانت الاجابة بنعم فإن
كل هذه اعراض لرغبة جامحه وكامنه بالزواج وان ما تلاحقت عمرك راح يجي اليوم اللي يقول فيه الوالد لك :
" الله لا يبارك في الساعة اللي جبنا فيها شغاله ".
عزيزي العزوبي : <<< عبارات اسبوع العزوبيه <<< على غرار اسبوع الشجره.
لا تتخذ قرار الزواج إلا وانت في حالة هدوء تااام بعيدا عن الاثارة والعواطف الجياشه ..
مو تشوف فيديو كليب بعدها تطمر لأمك وانت مشبك اصابعك ومميل رقبتك وتقول ( دوروا لي ابي اعرس ) ، ابي اكمل نصف ديني .
مع اني ما ادري عنك ونصفك الاول فما بالك بالنصف الثاني.
يا نصفي الثاني معقوله تنساني
ومن يوم تقول الوالده خلاص بندور لك ، تصير ذاك الشاب الحبيب الرحيب السمح اللي بااااله طويل.. ما يتأفف إذا وصلهم مشوار ، و يوصلهم للزواجات بكل رحابة صدر .. ويسألهم اول ما يركبون طالعين من العرس ومنتهية لياقتهم .. هاه بشروا ؟
عسى لقيتوا نصفي الثاني >>>>> تكفى يا وائل كفورى ..
قبل ان تتخذ قرار الزواج .. رح صلح شاهي وجب لك مركى وتعال اسمع وش باقول لك . لأن الموضوع طوووويل وانصح اللي فاتورتهم عاليه يقطع الخط ويقرأ .
ستقتصر الاستشارات على الشباب .. و يمكن ما اقدم استشارات للنساء خوفا من انكم تقولون ( ملكعة ) وفيها ملا فيها ..
واتهم بالزندقه والدشاره بعد هالايام الواحد ياخذ حذره يقولون ان المشمش كاثر والطماط راخص. <<<<<< ما jحب السياسه.
فابركز على الشباب .. إلا اذا الحيتوا يا البنات اني اعطيكم استشاره مجانية
اولاً : مرحلة ما قبل الزواج
كيف تعرف انك استويت عزيزي الشاب وحان قطافك من بنت الحلال
7
7
أ : علامات الرغبة في الزواج عند الشاب :
من خلال ملاحظتي للشباب <<<لأخوها والتغيرات الفسيولوجيه التي تحدث لهم خلال الفترات العمريه .. فقد سجلت الملاحظات التالية:
1 -
إذا بديت تحب الاغاني وتسمعها بمخمخه وتتخيل انك تقول الكلام لوحده .. فاعرف انك ( قاضي ) فتلاحق عمرك وشف لك بنت حلال ، بشرط توافر الشروط الاخرى فيك ( وظيفه مناسبة ، ومبالغ مالية لمواجهة مصاريف العرس ) >>>> التقسيط متاح بدون كفيل في مؤسسة مباري للعرس على النوته
كذلك إذا صرت تتابع الفيديو كليب وتفتح فمك وانواع الفهاوة ولو يناديك ابوك ما ترد عليه.
2 –
إذا بديت تشوف الرجال طالع من الصيدليه ومعه كيس مو واضح اللي داخله وتقول بينك وبين نفسك ( اخ وش هو شاري للمدام ) يا حظه ؟ اكيد بيسون شيء . >>>>>>> يمكن شاي صيني للتخسيس لا يروح بالكم بعيد.
فاعرف انك ( وصلت لمرحلة ) واستحقيت لقب ( اعزب رايح وطي ) بكل جداره .:173[1]:
3 –
إذا بدت تلفت انتباهك القدور والدلال وادوات المطبخ فاعرف انك ستكون زوج حبوب تغسل المواعين وتلبس مريله عليها صورة فيل.:boy_s02:
4 –
إذا بديت تقول يا زين بيروت والـ إل بي سي والمستقبل ؟ فاعلم اخي الاعزب انك لو انتظرت سنتين ستصدّي صواميل ظهرك وتصير بلا مستقبل.:157[1]:
5 –
إذا بديت تمشى بالسوق وتتمنى ان البنت اللي قدامك يطيح اللي هي شايلته علشان ..... فيها وتقول ( ليمون نعناعه ) فاعرف انك على مشارف انك تكون ( لحسه ) وشهار ما يقبلك ولا منتسب .
6 –
إذا بديت تطلب من صديقك تلفونة وتقول ( هاه فيه شيء جديد ) ؟ << رسائل نصيّه .
فاعرف ان نظرك بدأ يضعف وتبي تثبت لنا انك تشوف بشاشه صغيره فتلاحق عمرك لا تصير المدام تقودك بالاسواق.<<<<<<ابوووووووووك يالتصريفة
7 –
إذا بديت تعطّر بعطور نسائيه وتقول ما فيها شيء ( العطورات ليست حكرا على احد ) .. فاعرف انك بديت ( تخق ) لذلك اكرب عمرك واعرس.
لذلك عزيزي الشاب اذا ظهر عندك الاعراض اعلاه كلها او بعضها فاخطب وخلص امورك .. بس خلني اقول لك وش تسوي بالخطبة
>>>>>>عز الله مااعرسوا من نصايحك
ثانيا : اثناء الخطبة :
هناك بعض التكتيكات التي تساعدك على الظهور بمظهر جيد في عيون مدام المستقبل وعيون اهلها
1 –
انضبط وابدأ صل بالمسجد . واجعل المحافظة على الصلاة تحول دائم من الخطبة إلى آخر عمرك.
لان اهل البنت يبي يسألون شيبان المسجد ويقولون تعرفون فلان.. لذلك صل وابد ( طلطل ) بوجيه المصلين كأنك تدور اخوانك.<<<< ما احب هالحركه.دايم يسوونها برمضان
2 –
لا تتهيبل وتروح تتسلف سيارة زميلك ( الفخمة ) وترزها عند باب اللي انت خاطب منهم ، وتتكلف باللبس بحيث تظهر كأنك طايح من الجدار ومجبّص كلك.. صاير شاقص ومشصّب وما تلتفت إلا كلك<<<اخوها ابراهيم بالعيد خخخخخ
كانك ضبعه في Discovery channal
لأن الخطيبة مصيرها تعرف ان السياره مو سيارتك وان سيارتك كرسيدا همن وبالتالي تطيح من عينها .. يا اخي إن رضت فيك كما انت وإلا بكيفها .. تلقى نصيبك وتلقى هي نصيبها .. وخل عنك فلم احمد زكي ( أنا لا اكذب ولكني اتجمّل ) <<< تراه ودى ناس كثير بداهيه.
3 -
اثناء الشوفه لا تستحي ابدا و قز البنت من راسها لرجليها ولا يهمك ابوها واخوانها لأن الشرع ( يدعمك ) وان قالوا شيء .. قل لهم حديث الرسول صلى الله عليه وسلم
" فلينظر اليها وتنظر اليه فأنه احرى ان يؤدم بينهما "
مع ان الشوفه ما هي إلا مؤشر للراحه النفسيه إلا انها ( لا تعكس) الصورة الحقيقية لشخصية الفتاة .
لأن البنت غالبا في الشوفه ما تتكلم وحتى لو تكلمت فهي تتكلم بتكلف .>>>>ولاكأنها بنت:frown:
وكما قال الشاعر ( لسان الفتى نصف ونصف فؤاده **** فلم يبق الا صورة اللحم والدمِ )
<<<< تضيع مع اللحم في الضحايا خصوصاً الكبده يا بعد كبدي..
لا يروح بالكم بعيد.
وإذا ماعجبتك البنت من النواحي الشكلية..لا تقول لنفسك " تزوجها والحمد لله ..
وإذا حسيت شيء بقلبك لا تجامل وقل لهم ما الله كتب .<<<شفتوا اني عاقلة
4-
في الخطبة ان صار فيه مكالمات بعد ما يوافقون عليك .. فلا تصير لصقه وعلة وريد كل دقيقة داق على البنت .. ( وينكم فيه ) ؟ وش سويتوا اليوم ؟ ما اشتقتي لي؟
وش تسوين ؟ انت على السرير وإلا في المقلط ؟<<< يخرب بيت السؤال ؟
ليش تلفونك مشغول ؟ من كنت تكلمين ؟<<<تراها زوجتك مهب خويتك فاحترسسس
لانك بعد فترة وجيزه بتطيح من عين البنت وانت تميلح . ويمكن وافقت عليك ، وتفسخ الخطبه تحسف انها.
5 -
لو ( كتبت كتابك ) على البنت قبل بفترة وبديت تأثث بيتك .. لا تاخذ البنت إلا علشان تختار غرفة نومها بسسسسسسسسس ، وإلا باقي الاثاث اختاره انت وإلا خلها هي اللي تختاره كله ..
لانكم إذا بديتوا تطلعون مع بعض تختارون الاثاث .. فراح يطلع الاثاث مشكل تشكيلة عجيبه والوانه كأنها ( شرّاب تكرونيه عند الحرم )..
لانك جاملتها في اختيارها وهي جاملتك واخترتوا ( حلول وسطيه ) وسويتوا
comprise تسويه ولهذا طلع الاثاث ملخبط .<<<<فديتني ياناس وانا لغااااات<<<خقت مع نفسها:53ar:
وقبل ما تأثث قرر وش راح يكون ستايل اثاثك ( كلاسيك ) او ( مودرن ) او ( سعودي ).. ولا تقعد تخلط بالاثاث .. كلاسيك مع سعودي مع مودرن فيطلع بيتك شوربة كوارع.
كذلك اضبط ميزانيتك على مستوى معين من الأثاث بمعنى .. ما تشتري لي لوحه بــ 3000 الاف والكنبات بـ 5000 الاف .. يعني ما فيه توازن وتروح تشتري لوحه ثانية من ( حلة بن دايل ) بــ 20 ريال ، ومن ايكيا بــ 150 ريال .. فيصير بيتك كأنه
( حراج ابن قاسم ) من كل بحر قطره.
فتصير مثل اللي بيتهم طين وعندهم ( رولز رويس ).<<<صح كذ1؟؟
خلى مستوى الاثاث كله متناسب مع بعض .. واسعاره متناسبة ايضاً ويمكن تأجيل شراء
بعض الامور إذا حسيت انك بديت ( تطفّر ).
6 –
اياني وياك تظهر بشكل مثالي في الخطبة بل خلك على طبيعتك ، بحيث تقول للبنت هذا اناااا ..
مو تصير حبيّب بالخطبة وهتلر بعد الملكة.
ثالثا : ليلة الزواج :
ليلة العمر والليلة الوحيده اللي تحس فيها انك اهم واحد بالاحتفال .. فلا تصدق عمرك ويكبر راسك.. خلك طبيعي مثل توم كروز<<<وش دخل ذ1 الحينim5
ولا تكثر من شرب الشاي والقهوة ليلة العرس بعدين تنتفخ مثانتك ، فتتورط ، لانه صعب إذا رحت جلست مع العروس على ( الكوشه ) .. فجأه تقوم تقول بعد اذنك باروح الحمام .. صدقني راح تقول البنت إللي هذا اوله ينعاف تاليه<<<ههههههههههههههههاي
.. فلنفرض انك قمت من الكوشه ؟؟
بعد ما تخلص هل بترجع وتجلس مع العروس مره ثانية ؟؟
وإلا بتطلع من هناك ؟ بالعربي .. انت بتبلش بلشة ما بعدها بلشة
أما إذا رجعت بيقولون الحريم ( جاه اسهال من الخوف من المدام )
اجل إذا راحوا الشقة بلحالهم وش بيسوي هالخواف.؟
فتصير علك في فم الرايح والجاي وملطشه للصغير والكبير.
2 –
ليلة العرس ارفق على سيارة الرجال اللي انت متسلفها منه .. تصدم لانك ما تعودت انك تكون بسياره كشخه وجنبك بنت
<<<<<<< وش دراتس انتي؟
3 -
خلك ذوق واسحب يد البنت وحطها على ( القير حق السياره )
وحط يدك فوقها ولا تكثر تفغيص يدها لانك بتتهور وممكن يصير لك شيء وإلا يجيك ( شد عضلي ) بعدين تصدم باشاره >>> لاحقين خير ان شاء الله .. لا تتصربع الله يسلمك..
واذا حطت يدها عليك لا تخاف .. ثم تقول لها ( فكي وافك لوووووووووول
4 -
إذا جيتوا تدخلون البيت .. افتح الباب وخلها تدخل قبلك وامزح معها شوي ( خشي برجلك اليمين ) وبعد ما تدخلون ( ارقع ) ذيك الزغروته اللي تهز اركان البيت .. ثبت الله اركانك .<<<<وجه مطلع لسانه
رابعا ً : سواليف ليلة العرس :>>>حتى فذي تعلمينهم
يحتار الكثير من الشباب في أي المواضيع يطرح ليلة الزواج وبرأيي انه بالامكان طرح مواضيع تتعلق بذكريات الخطوبة .. والابتعاد عن المواضيع الرسمية .. بمعنى تجنب الآتي
انتبه تتميلح او تنكت اكثر من اللزوم لان الموضوع
سينقلب ضدك وبدال ما تصير وش زينك تصير ( كخا ).<<<اتكيت
2 –
انتبه تجيب طارئ ( أمك ) ليلة العرس ، وتقعد تقول لبنت الناس من اول ليلة ( انا بصراحه امي أغلى امرأة عندي بالعالم ).. انا امي بصراحه ابيك تشيلينها فوق راسك ، انا امي بصراحه ما ابي احد يزعلها ، انا امي بصراحه مالها غيري ..
الله ياخذ بليسك انت وامك لا هالحين ادخل والسبك بالعقال
<<<<<<<< تعصب احيانا بدون سبب مقنع .. ما عليه رجعت طبيعي .. نكمل ..
مافيه شك ان الام قدرها غالي ومكانتها عظيمه بس لكل مقام مقال<<<اتعب انا واغدي مرق
.. فما فيه مناسبه انك تجيب طاري امك ، ممكن تأجل الموضوع لليلة اخرى.
3 –
امدح مكياج المدام ، وفستان فرحها لانها تعبت شهور حتى تظهر بهذا المظهر اللي انت تتمتع فيه انت وعيونك المغمصه ..<<<ههههههههاي
حتى لو كنت ( كمخه ) في مواضيع الذوق واللبس ولا تفهم فيها شيء<<شي طبيعي
امدح وخلك عباراتك فيها صدق بحيث تكون ( الكذاب الصادق ) ..
فهذا من شأنه انه يحسس المدام انها جميله بعينك ، ويرفع روحها المعنوية ، ويخليها تهضمك يا ابو كوع ( بني )<<< مفروك لين قال بس فتغير من اسود الى بني .
4 –
انبته ثم انتبه انك تصير عاطفي او تخق ومن اول ليلة تقول للبنت ( بصراحه انا احبك وميت فيك ) .. لانها مؤكد انها مو مصدقتك ( ما امدى بسم الله تحبها ).
بصراحه كثير من الشباب محروم من ( كل شيء ) <<< وافهموها .. عاطفيا و ...... .
واول ما نلمس يد تختلف عن يد صديقك ( الضب ) .. نخق وبسرعه نسعبل ونقول : آآآه الله لا يحرمني منك ، احبك احبك احبك .. ويمكن بعد اسبوع اكرهك اكرهك اكرهك.>>> يااااي .
خلك ثقل وخلي سلوكك هو اللي يقول للبنت اني احبك مو اساليب ( قردنه ) احبك بعدين تقول لها ( وش رايك نلعب عريس وعروسه )؟
ترى هالحركات ما تمشي على البنات الحين .
معاني الكلمات : قردنه : محاولة اقناع جاده يتخللها وضع اليد على الكتف مع تــنــزيل الرأس وكأنك بتقول سر للطرف الآخر مع الاتجاه ( لقرنة ) الغرفه.
خامسا : ملابس ليلة العرس :
بعد ما تفسخ ثوبك وشماغك وعقالك .. تروش الله يصلحك لانه ممكن ريحتك تكون طالعه وانت ما تدري من كثر السلام والقلق اللي عشته في قصر الافراح ولا يهمك انك راش لك كم ( بخه )
تنظفوا ( لمتي ) اعلمكم ... همااااه ؟
بعد الانتهاء انتبه تلبس ملابس تظهر مفاتنك .. مثلا تجي بلبس داخلي وفانيلة علاقي وتصير كأنك من ذولاك المصاريه اللي اسود وابيض ويتطببون على المسبح في النادي من جماعة ( هاااااااااااااااااي شله )..
2 -
انتبه تصير قروي وتلبس سروال ابو حبل ذاك اللي يخليك كأنك بقره رايحين يبيعونها ، او بيجامة نوم مخططه فتصير كأنك ( حمار وحش ) يتكلم عربي.
اختر اللبس المناسب لجسمك ..
مثلا شورتات رياضيه اذا كان جسمك رياضي .. وإلا اذا كنت دب فخلك بالعقال والشماغ والثوب استر لك وغير ملابسك إذا نامت المدام..
وفاجأها في الصباحية .<<<<<<هههههههههههههههههههههههههههههاي
إذا كنت سمين البس ملابس فضفاضة شورت وفانيلة X X X L <<<< انتبه ترى ما اقصد الشانل مير اعرف نيتكم انا.
3 –
للإحاطة فإن قمصان النوم النسائية ( مشققه ) وشفافه وكلها حركات .. انتبه يسول لك ابليس وتقول ( اففف البنت خربانه ) .. من هالحين لبست كذا؟؟
ترى الموضة كذاااااا وتطوروا بأأأأأأ عجرت اعلّم فيكم .
إذا لبست لك المدام ( قميص نوم راااايق ) ترى مو معناهاااا ( دزني واطيح ) .. خلك ثقيل وإلا جيت هالحين أربط ثقالات برجليك.
ترى سمعت بقصه ان واحد طلق الزوجه ليلة الزواج بعد ما شافها لبست له ( لبس مشخلع ).. قال العم : اكيد انها داشره ؟ وحركاتها ما ني متطمن لها << طيب يا كولومبو.
<<<<< احتمت ( كبدي ) يوم سمعت القصة من القهر .
سادساً : الخطة المحبوكه للقاء الحميمي :
حذاري ثم حذاري وهذاني اقول لك ( حذاري ) .. تتحرش بالبنت حتى لو كانت زوجتك .. فكما يقال ( احذر ان تبدأ حياتك الزوجيه بحادث بشع ).<<<توهقت
لان البنت مو معنى انها صارت زوجتك وكتبت هالوريقه يعني انها فصخت الحياء وتبيها تصير لعبة بين ايديك .
2 -
اجعل بداية حياتك الزوجيه قصة رومانسية متعددة الفصول .. ليلة الزواج تكون بمثابة لقاء بين اثنين للتعارف ما فيه إلا الحديث وإذا كثرت امسك يدها ولا تتعدى لاشياء اخرى .. عسى يدك الكسر ( ممدين ) همااااه .
3 -
اليوم الثاني انتبه تستقبل أية زيارات من الاهل .. او من اهلها .. واعزمها في مطعم راقِ ولا تجلس تجرجر بالبارتشنز وتقعد تناظر فيه فتحه صغيره مع هالجهه او مع ذيك .. وتسدد فيها وتصير كأنك مهندس ( صنادق حمام ).
اركد وخلك طبيعي وإلا قالت البنت وش ( هالعومه ).
4 -
في ليلة اليوم التالي غالبا يكون فيه عشاء عند اهل الولد تعشوا واطلعوا ورح انت وياهااا ( كوفي شوب ) وانتبه تقرأ الجرايد او المجلات , وعطها وقتك كله.
<<<<<<< آل يعني الثقافة مقطعه بعض .. طرّاه انه بيقرا مجلات وصحف في اول عزيمه بكافي شوب.
5 – اليوم الثالث :
حاول تسافر بها عمره بعدين لمدينة جده لسكان المملكة العربية السعودية .. او مدينة اخرى لسكان الخليج .. او ( لقريح وابو زنه لباقي الدول ).
6 –
انتبه تسافر بالمدام شهر عسل .. لا يلعبون عليك .. شهر العسل برأيي يؤجل إلى ان يتم دراسة المرأة هل هي تكانه وإلا ( برتكانه ).؟؟
بعدين ممكن تصير مواقف بالسفر ما تلقون لها حل .. او سوء فهم فما يترقع بعد ما ترجعون .
شهر العسل اصلا بيكون كله مجاملات ولا تهمك الافلام الهندية تقعد تحسب انك تبي
( تدربي ) من فوق جبل وتمطر عليك انت وياها وانتم ترقصون.
ترى كله ( كوذاااااب × كوذااااب ) هيااااا سمعت مني وإلا .. لا ؟؟؟ اللللللله يستتتتتتورررر عليك.
<<< تجيد اللهجات المحلية.
وابدا بالمدام بالمدن القريبه ثم ابعد فابعد إلى ان توديها إلى ( هاواي ) إن بغيت .. هذا كله مثل ما قلنا إذا صارت تكانه ..
يعني ايش تكانه ؟ يعني ماهي علة وريد ، او لحوح لدرجة تقترب من صفات ( القراده ) او ( غيور وشكاكه ) لدرجة ان عيونها تلاقط في كل مكان.
إذا صارت احد الانواع السابقة فشقق جوازك وما جاك عندي .
6 -
اللقاء الحميمي لا يمكن تحديد الوقت المناسب له .. بل يعتمد على الظروف والمتغيرات والتي لا يمكن ان اعرفها فأنت الذي في ارض المعركه ، فحدد أنت ؟ لانه لا يمكن يجي احد يحارب عنك .
واللي ما يجي اليوم .. يجي بكرا
سابعا : خزعبلات ليلة العرس ومفاهيم لك عليها :
الطحينية .. انتبه تأكلها لانها بتشب وتحمي ( كبدك ) وبتجلس تصبب من العرق عند المدام
من السعرات الحراريه.
2 –
اشرح لزوجتك كل اللي تحبه واللي ما تحبه ليلة العرس وفهمها كل شيء وعلمها الاصول ..
يا اخي لو انها موظف عندك ( كان ) استحيت اول يوم تقوله شيء .. فاول يوم يمكن تاخذه بجوله على اقسام الشركة .
فما بالك بالمدام لا تقعد توريها ( نجوم الظهر ) بانصاف الليالي .
3 –
انسب يوم للقاء الحميمي هو اول ليلة .. انتبه تتوهق بس وخلك رجال واعقل لا يلعبون عليك وتصير صعيدي .
4 -
الزواج ( شر لا بد ) منه >>>>>>> لا يلعبون عليك .. تراه زين وبادي يصير ازين وازين هالسنين التاليه
عزيزي العزوبي اتمنى ان تكون استفدت من التلميحات السابقة ..
وعموما تظل هي رأي يعكس
... فقط ..
ان بغيت تستفيد من شيء منها وإلا اضرب بها عرض الحائط وما جاك عندي
والله يعوض عليك في هالوقت اللي راح في القراية
وفووووووووووووووووووووووووووووتكم بعافية
وعطوني ريال:39ar:
المشاركة الأصلية كتبت بواسطة أم صقر
مواقع النشر (المفضلة)