من فمك لاسمى طعم ثانى يالبيه ..!!
مساء الرضا
قصيده اعجبتني عسى تنال بعض رضاكم
أغليك لبـا صـوت غالـى لمغليـه
إسمع لقلبى لاجـل نبضـه يعلمـك
من فمك لاسمى طعم ثانـى يالبيـه
إليا سمعت إسمى كما الشهد من فمك
صوتـك يغرقنـى بداخـل موانيـه
شوف إرتعاش الشوق من يوم أكلمك
من شفت عينك ضاع هرج المشاريه
وعن العتاب .. أقول ربـى يسلمـك
هالصدر ضامى كيـف قلـى تخليـه
وثغرك مطر وانا ضحيـت تبسمـك
جيتك حبيبى جمـر شـوقٍ يطفيـه
إليا أنحضن من معصمك لين معصمك
يارقـة الاحسـاس ياقمـة التـيـه
عذر الزهر ويـاه لوهـو يخاصمـك
لانك قتلتـه وش يبـى فـى تجليـه
أيو الله إنـه مـا يقـارن بمبسمـك
العطر صدرك لانتشى فيـه تحييـه
كنه يقول بكبرياء يوووووه مأطعمك
الزين سلـم قـوس مجـده لباريـه
فيك أنت ياحاكمه من قبـل يرسمـك
خذنى غريـبٍ مـا لقـا دار تأويـه
طالب حنانك ضمنى وسـط عالمـك
خذنى قـلادة صـدرك اللـى تدفيـه
يابختها من فـوق صـدرك تنادمـك
أرجوك عطنى عن غلا الشوق تنبيه
ياعلنى مأذوق حزنـك ولا أعدمـك
لا تعتذر والوقت لو فيـه مـا فيـه
موبايلك لو غبت بالصـوت يخدمـك
كلم وعطنى برقـه الصـوت تنويـه
شف كيف أبنسى دنيتى يوم أكلمـك
رد مع اقتباس
المشاركة الأصلية كتبت بواسطة الغلا كلهـ ,,
مواقع النشر (المفضلة)