مرحبـــــــــــــا بااحلى اعضـــــــــــاء
من زمان عن دا القسم
الحلا اللي سويته هو اللي جابني عندكم
وعقبال مااسويلكم حلى تاني
افتح نفسكم فيه
جبتلكم حلى سويته من كتاب اطباق النخبة
عجبني وشفته سهل
وبصراحة طعمه رهيييييييييييييييييييب
حسيت كاني اكل سيريلاك بالقمح
يم يم
واتمنى يعجبكم ولا تكسفوني وتقولوا مو حلو
بيجيني تحطيم منكم وماراح اسوي بعدها حلى ابدا
يلااخليكم مع الطريقة والصور
المقــــــــــــــــــادير والطريقـــــــــــة
الطبقة الاولى :
بسكوت شاي يصف في الصينية بدون تغميس
طبعا مايحتاج اصورلكم كيف ترصوا البسكوت
الكل عارف
الطبقة التانية :
كاس حليب بودرة يشقر على النار ( نار هادئة جدا حتى
لايحترق ) وبعد ماتطفي النار تعجني الحليب المشقر
بـ ( 1 فنجال قهوة زيت ، 1 فنجال سكر ناعم
بس انا مافيا اطحن حطيت سكر عادي ، 1 علبة قشطة )
تعجينيها كلها مع بعض وتفرديها على البسكوت زي الصورة
الطريقة التالتة :
بسكوت شاي يرص فوق الخلطة
يلا عشان ماتزعلوا وريتكم كيف ترصوا
و لا تتريقوا عليا وتقولوا البسكوت مكسر
البايركس اسطواني الشكل وصعب
ينرص فيه البسكوت
كان عندي بايركس مستطيل بس طاح مني وانكسر
الطبقة الرابعة :
ثلاث ارباع كاس حليب سائل يغلى
ثم يوضع عليه 2 ظرف كريم كرامل ثم يرفع عن النار
ويوضع عليه علبة قشطة وتوضع كطبقة اخيرة
للتزيين :
يبشر علبة شوكولاتة اي نوع عندك
وتحطيه في التلاجة الين يجمد
وبعدين تقطعيه بالحجم اللي يعجبك
وهنا صورتها لكم من قريب عشان تشوفوا الشكل من الجنب
ملاحـــــــــــــــــــظة:
بصراحة الطريقة تتعمل بالكريم كرامل زي ماكتبته لكم
بس لاني كنت مستعجلة ومافي وقت
وماكان عندي كريم كرامل
ومافيا ارسل احد للبقالة
ايش سويت قلت خليني اخترع
من عقلي واحط كسترد بداله حطيت تقريبا ملعقتين طعام
مليانة كسترد مع فنجال سكر وحركته على النار مع الحليب الين تقل معايا
وطفيت النار واضفت عليه القشطة
بس بصراحة شكله بالكسترد اطعم لانه طلع طعمه زي السيريلاك
وانتوا براحتكم تبغوا تسووا زيي ولازي الكتاب اللي يعجبكم
والحلى سهـــــــــــــــل وماراح ياخد منك اكتر من نص ساعة
وصحتين وعافيــــــــــــــــة
على قلوبكم
تحيــــــــــــــــــات
سنيــــــــــــــورتكم
نورمينـــــــــــــــــا
مواقع النشر (المفضلة)