هل تقبلين بزوج راتبه 1500 ريال؟؟؟

[الهادي بطبعة]

كلنا يدرك الصعوبات التي تواجه الشاب في الحصول على وظيفة وكلنا يعلم الظروف التي نمر بها وتفاقم نسبة البطالة بين الشباب
لصعوبة الحصول على وظيفة مناسبة براتب مناسب
وبطبيعة الحال فإن أغلب الوظائف المتاحة لايتجاوز راتبها عن الـ 1500 ريال

فهل هذا الراتب المتواضع قادر على أن يفتح بيت وينشئ حياة زوجية سعيدة يكمل بها الشاب نصف دينه؟
وهل تقبلين بزوج راتبة 1500 ريال ؟؟

الموضوع للنقاش بين الشباب والشابات

وايضا للوالدين اذا بنتك ترضى تزوجها !!!!



كركركر كرااااااااااكر عليكم ياصبايا...

قالوا عرووووووووووووووس قلت ماتكفيني الفلووووووووووووووووووووس

[..°«¸نورمينا ¸»° ..]

زمان كان ممكن دا الراتب يكفي ويفتح بيت
اما دحين بصراحة صعب
1500 يالله تاكل في زماننا دا
دحين صار كل شي غالي وبالذات المواد الغذائية
ارحم الفقراء وربي كيف يقدروا يشتروا
زادوا الراتب وغلوا المواد الغذائية
ومااعتقد ان الراتب دا يفتح بيت
الا ادا كان الشخص من النوع اللي يقتصد مرة ويعرف يجمع
وياخدله واحدة تعرف تمسك القرش معاه وتساعده
بس افضله انه يتزوج واحدة موظفة عشان تساعده
اما لو اخدله واحدة ماعندها وظيفة راحوا وطي الاتنين
عني ماراح اوافق وبتكون العيشة صعبة معاه
خليني ببيت اهلي احسلي
يسلمووو الهادي بطبعه
على الموضوع
اختك
نورمينــــــــــا

[غزال ومـا يصيدونـه]

بصراحه القبول بهذا الوضع يبيله تضحيه كبيرهـ من البنت


يمكن لو اني احب هالشخص ومتعلقـه فيه بدرجه كبيرهـ


واحس فعلا ان سعادتي ماراح تكون الا معـه وقتها الشكوى للـه وبوافق يمكن


لكن لو كان شخص عادي مايعني لي شي من سابع المستحيلااااات اوافق


لان الزمن اللي حنا فيـه اللحين قائم على المظاهر والكماليات اللي اصبحت اللحين


بالنسبه لبعض البنات اهمـ من الاساسيات .......!!


بعض البنات ممكن تستغني عن الاكل يوم لكن استحاله تستغني عن الكمبيوتر


او الجوال يوم كامل ...!!


ولو البنت عندها عرس اخوهـا او وحدهـ من رفيقاتها الـ 1500 هذي بتنتهي بليله


وحدهـ مابين فستان وكوافير واكسسوار


شلون لاكان زوجها هذا هو كل راتبـه .............!!


بنات اللحين يختلفووووون كثير عن بنات اول زمان البنت ماتقدر ترفع عينها بعين

زوجها واذا قال على شي لا انتهى يعني لا


لكن بنات اللحين وش يفكـه منهـا لابغت شي وقال لا الظاهـر بتآكلـه بقشورهـ


يعني بالعربي يبيله ميزانيه مفتوحه عشان يعيش مستانس معهـا مابين سفر وتماشي


وعشاء بمطاعمـ واسواق وحضور مناسبات و..و..و..و


عشان هالشي الافضل للبنت بهالحاله تجلس ببيت اهلهـا طلباتـها اوامر ازين لهـا ولـه

[قصيمي .. ملكي]

برائيي انا

هالولد ليش يغامر ويتعب نفسه وراتبه هالقد

الحين معروف عندنا ان الزواج نكد وارتباط او مادري وشو

ليش يتزوج ويزود همه همين< وهو ناقص وجع راس او سكر وضغط < وكل ابو الامراض ذي

بصراحه انا ما راح افكر بالزواج الا اذا كان راتبي بالقليل او دخلي الشهري مثل او اكثر 3500 < يعني لو اقل من كذا < يمكن ما راح اغامر واعيش اعزوبيتي

هذا الي عندي واقدر اضيفه بموضوعك خيو

وعساك على القوووه يا بعد سبدي ولا هنت

[دموع المطر]

بصراحه

الف وخمس ميه هذي وش تسوي

فواتير ولا مصاريف ولا مناسبات

و و و


يعني هذا حتى مايقدر يعيش نفسه ولا يسدد فاتورة جواله


فكيف يجيب وحده يكون ملزوم بصرف عليها

لا ومصاريفها تضاعف اضعاف اضعاف مصاريفه بروحه

الي مثله لايتزوج

الا اذا كان له وضع خاااااااص يخصه فهذا شي ثاني


والمفروض ان كل واحد كذا راتبه يشتغل بوضيفه ثانيه او خارج دوام

عشان يحسن من وضعه المادي شوي


وحتى لو احبه راح اكرهه بسبب فقره

واذا دخل افقر مع الباب طلع الحب من الشباك


يعني الوضع هذا ماعتقد احد يوافق عليه

وبيت اهلها استر لها


وسلامتك



تقبل مروررررررررررررررررررررري




دمووووووووووع المطر