ســــاعة و عطــــرين ..!!
ســــاعة و عــطــــرين
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كانك تبين القلب حاظر و هالحين = و كانك تبين العقل مبطي ملكتيه
بس الكرامه لا وربي و تبطين = لا إنتي و لا غيرك من البيض أداريه
أنا عتيبي هيه يا هيه تدرين = إليا زعلت إقفي و لا أتبع مشاريه
أدفن غرام القلب و إنتي تشوفين = ما هو فلم مصري و ناوي على أيه
لا يالغشيمة لا و قلبي على الدين = لا قلت له نرحل عزومٍ و آخاويه
ما ردني يا بنت شوقي من سنين = للي ثرى ما طاه يسواك يا هيه
أم العيون السود و الجمر و التين = لو هو خذاه الوقت ماني بناسيه
لا شك درب العز يسوى هل الزين = و حب الكرامة فوق شوقٍ نراعيه
و الحاجب اللي طال يرقى على العين = و راس الرجل ما ينحني دون باريه
خوذي دموعك و إمسكي سكة البين = ما همني و الله دمعك و ساريه
و كرتونك اللي فيه ساعة و عطرين = دربه مع الشباك و الله ما بيه
يلعن طريق الحب هاللي تعرفين = يا بنت مثلك حيل شوّه معانيه
و الحين حتى القلب عنّه تعجزين = و عقلي يعاف الحب منك و طاريه[/poem]
تحــيـّــتي لـِــمـن مَـــرّ مـِــن هُــنـــا ....
رد مع اقتباس
المشاركة الأصلية كتبت بواسطة وردة الشوووق
مواقع النشر (المفضلة)