أهليــنـ حبـايبي هـذه أبيـات تكملت بألوان الإبـداع والتصـوير الجميـل
أعجبني شـاعرها لمفرداتها الرائعه ومعـانيهـ الجميله
التي اكتست الصـدق في أبيــاتهـ ،،،
أخليكم ويـا القصيــدهـ
مر / حول أسبوع ما جاني من الغالي سلام
غاب مدري عن مكانه هو شمال أو هو جنوب
أدخل الماسنجر / ألقى وسطه الناس إزدحام
الماسنجر مزدحم من كل حدب وكل صوب
وأنتظر .. عل وعسى يشبك معي بدر التمام
والله إني عاجز ألقى واحد ٍ عنه ينوب
قال أبرجع مير ما جاني على حسب الكلام
الله يستر .. والله إنه لا حكى ماهو كذوب
صرت مثل اللي فقد له شي في بحر الظلام
والسفينه ما تحمّل كل ماهب الهبوب
العلاقه من خلال النت يامال العدام
وش نصيب النار من راس الزقاره يا لعوب
كل ما قلنا نتوب من المحبة والغرام
تبتدي قصة غرام .. وتنتهي قصة نتوب
الزمن هذا غرامه ينتهي في ظرف عام
صار قلب العاشق أشبه بالتشرد والحروب
هذا نازل هذا راحل بين شرق وبين شام
صار تكسي والحبايب مستعده للركوب
( الوفا , والحب , والاخلاص ) ماينفع مادام
( الغدر , والكذب , والنكران ) ساكن بالقلوب
كان تبغون ( الحقايق ) أسمعوني ياكرام
وأفهموا معنى قصيد ٍ يختصر كل الدروب
والله أنك ما تحس بمتعة الحب الحرام
لو تحب مليووون مره بالشمال وبالجنوب
للشـاعر : خالد عزيز الديحاني
مواقع النشر (المفضلة)