اول شئ
السلام عليك و رحمه الله و بركاته
بعد السلام بدخل بالموضوع
لاحظت شئ صاير و منتشر بين الجماهير
و في المنتديات الرياضيه
لدرجه انه برضوا منتشر بين مشجعيين لنفس الفريق
و هو انعدام الروح الرياضيه بيناا
و المشكله الادهى و الامر انها توصل للسب و الشتم و ردود ما فيها اي احترام ابد ابد
سؤالي هو ليش كذاا
ليش ما نكون منصفين
اذا فاز فريق حتى و لو كان منافس
و فاز بجداره و الفريق اللي احنا نشجعه ما فاز
نجلس نطلع الف عله و عله بالفريق الفايز
و نقول غش و حكام متعاقدين و الى آخره
و اذا فاز الفريق اللي احنا نشجعه نجلس نفتح مواضيع تشمت و سب و قلة خاتمه
و المشكله نغلط على بعض بشكل مو طبيعي و نجلس ندعي على فلان و علان
يعني اذا فريقك فاز الف مبروك عليكم و تستاهلون
افتحوا مواضيع تهنئه و تشجيع
بس ماله داعي نجلس نقول كسحه و مدري ايش
بزران انتم
و المشكله ان بعضهم يتكلم و يقول انتم مراهقين و انتم ما تفهمون وووو الخ..
و المشكله ان هالشخص هو اللي فتح الموضوع من الاساس...
__________
اوكي الحين لاعبين النوادي الل هم لاعبين و مستأصلين فهالنادي
و الخساره اصعب عليهم من الجماهير
ما سوا كذا
بالعكس اصلا بينهم صداقات و علاقات اخويه
يعني لو مثلا بينهم شئ
كان منتخبنا الوطني انخسف و راح فيها
صح ولا لأا؟؟..
طيب ليه احنا ما نكون زي هاللاعبين
و تكون فينا صفه الروح الرياضيه و الاحترام للخصم
ادري ان الواحد يزعل لا خسر
بس لكل شئ حدود
فممكن نتناقش فاسباب خساره الفريق حقنا لكن ماله داعي ندخل الفريق الفايز فالموضوع
و ممكن نفرح بفريقنا دون الاستهزاء بمشجعين الفرق الاخرى
ما اظن ان هذا الشئ صعب ابداا
صح ولا لأا؟؟..
________________
طيب كمان شئ زياده اذهلني
عضو الله يذكره بالخير
قد علق و قال اهم شئ ان الفريق اللي تشجعه الحكومه يخسر عشان هم و مشجعينه ينقهرون
صراحه تقدرون تقولون انهبت من هالتعليق
دخلتم حتى الحكومه مسكينه فهالشئ
طيب الحكومه هذولي مو بشر زينااا يحسون و لهم ميول خاصه
مو من حقهم انهم يشجعون الفريق اللي يبغونه و يدعمونه
دام انهم فالاخير ما يسببون ضرر للباقين
و بعدين هالحكومه شايلتلك البلد اللي انت فيه بكبرهم
ليه تنبسط لمن تشوفهم مقهورين
و ليه تنبسط لمن تشوفون اخوانكم المسلمين لاحظوا مسلمين مقهورين
يعني فالنهايه هذا شئ دنيوي
و الفوز و الخساره اي شخص فالحياه يمر فيها
و يوم لك و يوم عليك
يعني ممكن ينرد لك هالصاع صاعين
___________________
فاعزائي انا حبيت ادعوكم نتناقش عن سبب هالتعصب
مين يبدأ فيه؟؟..
كيف ممكن نخفف منه؟؟..
و ليه مو اولا و اخيرا نحط نفسنا مكان الجماهير و الفريق الخسران
لان اكيد بنحس بنفس احساسهم و ما بنرضي ان يسير لنا نفس الشئ اللي ساير لهم؟؟..
يا ليت يكون نقاشنا مبني على الاحترام اولا و اخيرا
لان تقريباا هذا هو محورناا
و حبيت اقول ان اناا ماني خبره لذيك الدرجه بايش اللي يسير فكواليس الكوره
و لكني كمشجعه اي لا تستغربون حنا البنات بعد نشجع
اتمنى ان هالشئ يوقف ما بكون طماعه و اقول فكل المنتديات
لكن على الاقل فمنتدانا
عشان تبقى المحبه الاخويه بيننا دايمه
اعذروني طولت عليكم
و الحين اي ارآئكم و مناقشاتكم
اختكم
غ ـاّدهـ,,
مواقع النشر (المفضلة)