لبّى عيونك كيف ما جيك وآصلـك
وانت الهوى اللي ساكنٍ بالمحاني
برحل على شانك وبسكن منازلـك
واصير جارك وانت بيتك وزانـي
وحدك تربعت بحياتي على الملـك
العرش عرشك وانت سيد المكاني
بعيش تحت امرك من اخرك لأولك
في وسط قلبي ما تضـام وتعانـي
تتوه نظرات العرب مـا تحصّلـك
بعيد عن عين الحسـد والهوانـي
يا مصعبك ياصاحبي وانت مسهلك
يا مطول بعادك وشوفـك ثوانـي
مرات من حبك ابي كيـف ابطّلـك
ومرات من حبك انا اكبـر انانـي
والناس تنصحني تقول اش مبهذلك
ولا كأنه يشبهه شخـص ثانـي؟
واقول انا من دون ما جيك واسألك
يسلم حبيب الروح ساكـن كيانـي
اعشق مسافاتك ولو درت في فلك
ماهمني لو بعـد زولـك عيانـي
دامي عرفتك كيف ياصاح بجهلـك
والجهل بالمعـروف هـدّم مبانـي
لبّى عيونك قلتها قبل مـا آصلـك
ويقولها قلبـي بوسـط المحانـي
_________________
مواقع النشر (المفضلة)