أوصي الطير لا غرد يغرد بأجمل الألحان على شباك غرفتها
خذت عقلي خذت فكري خذتني عاشقٍ ولهان
بكف وردف وعيون هدبها هز وجداني
ذكرت الملتقى الأول ذكرت الصاحب الفتان
حبيبٍ كم وكم لأجله سهرت الليل وحداني
غلاها يكبر بقلبي وقلبي بالهوى غرقان
تمكن حبها قلبي وزاحم دم شرياني
ولكن دورة الدنيا أشد وأقسى من الطوفان
تدور أيامها وندور وتكشف وجهها الثاني
.؟. حبيبتي حطمتني .؟.
اعشق النظرة لشخصك وأحس أنها متاع
وأتلذذ بالنظر في غصون الياسمين
العيون لشوفتك يا نظر عيني جياع
متعيها بالنظر فيك جعلك تسلمين
وصلي حبل المواصيل بعد الانقطاع
وعالجي جرح من البعد تدميه السنين
.؟. حبيبتي حطمتني .؟.
أوصي الطير لا غرد يغرد بأجمل الألحان
على شباك غرفتها عسى تذكر وتنصاني
غريبه كيف ينسى الورد شذى عطره على الأغصان
غريبه والغريب إنه نساني أو تناساني
.؟. حبيبتي حطمتني .؟.
أحبك وأحبك حب ما قد سكن مخلوق
غديث بزماني كل عمري وعشاقي
ملكني غلاك بكل حبٍ وحسن وذوق
تصدق اشوفك عمري الماض الباقي
يا كل البشر في دنيتي كيف منك افوق
ترى ذكرياتك من على دمع دفاقي
اشوفك آمل عيني على دنيتي يا شوق
تربع غلاك بنظرتي بين الاحداقي
ترفق بحالك لا تحاول تهز الشوق
اخاف البشر تجرح غلا باقي اشواقي
.؟. حبيبتي حطمتني .؟.
اهزمي ذاك الظلام اللي قتل فيك الصباح
واشرقي بالنور كلك دامني برد احتريك
فوق جمر الصبر قلبي من شهور ما استراح
ينتظر طلة جبينك يصرخ بلهفة ابيك
ترتمي صرخات قلبي في ظنون الانشراح
واهجس بفكري وأنادي يا تجيني يا أجيك!
.؟. حبيبتي حطمتني .؟.
يا قطعة السكر وذرات الاحساس
في نكهتك حسيت بااهلي وناسي
طعمك جرى بالدم يا عطر الانفاس
الغيت خوفي.. حيطتي واحتراسي
.؟. حبيبتي حطمتني .؟.
والله أحبك والمحبه مقادير
ربي كتبلي حب بنت فريده
بنت لها عندي معزه وتقدير
حبه ملكني وصرت خاتم بايده
واليوم أنا صارت حياتي تفاكير
وصارت هقاوي هالمحبة بعيده
أنا أفكر ليتني طير وأطير
وتقصر عليّ كل الدروب البعيده
واسعد بشوفه واعجبه بالتعابير
واكتب قصايد كلها له جديده
اكتب شعوري له بإملاء وتعبير
وانشر قصايد حبنا بالجريده
.؟. حبيبتي حطمتني .؟.
لا متى حروف الرسايل تشتكي جور السطور
لا متى والشوق فينا كل ماله يضمحل
تدري أني في مكاني وانت يكسبك الغرور
وتدري أنه بنتظاري ما بقى للشمس ظل
ما بقالي غير صوتي يقتله مليون سور
ما بقالي غير لحظة بعدها موتي يحل
.؟. حبيبتي حطمتني .؟.
مواقع النشر (المفضلة)