رووووووح وكمـــــــــــــل النوووووووووومه ؟؟
جيت إمتأخر وتنشدني عن سكاتـي؟
إن كنت نايم نصيحه كمُـل النومـه
إسمع إلى ما يلي او إسمـع الآتـي
بس المهم إنهـا توصَلـك معلومـه
المشكلـه جيتنـي بآخـر نهاياتـي
منهار ماعاد بي شدٌه علـى القومـه
اقـوم واطيـح واجمُـع شتُـاتـي
شف فعل الايام باعلى الوجه مرسومه
جارت علي السنين وريحها العاتـي
اشتالت الورد مع شيحه وقيصومـه
تكـدر الصفـوُ وانكشفـت ملفاتـي
وتعبت من قولـت الطقـه بتعلومـه
الحزن يطغى على حلـو ابتساماتـي
ولا زلت افكر بعلو (طويق) ورجومه
ما زلت شامـخ وتعجبنـي بداياتـي
طموحي اعلى من المشراف والحومه
وش رجُعك؟ منهو اللي قالك تآتـي؟
المسأله طافت الشرهـاات واللُومـه
واليوم راجع وتنشدني عن سكاتي؟!!
(اقولك شي؟) روح وكمٌـل النومـه
الشاعر : سالم حمد الملعبي
مواقع النشر (المفضلة)