عيال آخر زمن..
بسم الله الرحمن الرحيم
حبين اني اكتب قصه جديده باسم عيال آخر زمن وراح اقسمها لعدة اقسام..
ارجوا منك قراءتها..
************************************************
عــيال آخـــــــر زمن
** (اوتار الفرح)**
***************************************
أول شيء حابه أعرفكم على أبطال قصتنا:
*عائلة بوسعود..الأم فاطمة(أم سعود)..الأب محمد(بوسعود)..ريما البنت الوحيدة لبوسعوداللي وصل عمرها17سنة وأم سعود..وهم سعود الولد الوحيد لهم اللي وصل 6سنين..
*عائلة بوفواز..ناصر(بوفواز)أخو بوسعود..الأم الجوهرة(أم سعود)..وعيالهم فواز بو24سنة..ونورة كبر ريما يعني عمرها17سنة..طلال آخر العنقود مثل مايقولون وعمره 10سنييييييين..
*عائلة فهد بويحيى..يحيى عمره17سنة مرضوع مع ريما..سارة واللي يدلعونها سوسو عمرها13سنة..ومحمد اللي عمره 10سنين..وأمهم (منى ) حامل..
طبيعة حياتهم:
بوسعود عايله على قدها مثل مايقولون..لأن ضيع ورثه من أمه وأبوه على الأسهم والأسهم طايحه في التراب مثل مايقولون مع أنه كان عنده خيير من الأسهم قبل ماتطيح بس كان بخييل..ريما تدرس بثاني ثانوي..
علمي لأن طموحها في الطب..وفاطمة إنسانه على نياتها..خصوصاً أنها مو من السعودية..من الإمارات يعني مالها حد غير عيالها وزوجها.. كانوا عايشين بشقه صغيرة مرة..وعايلة بوفواز عايله غنيه مرة..خصوصاً إن بوفواز يشتغل بفلوس زوجته اللي من عايلة أكابر وأغنياء..وزاد له ورث أمه وأبوه اللي ماطاع فيه أخوه ودخله بالأسهم..عاد علم بوفواز بأخوه بوسعود من وفاة الجد والجدة اللي ماتوا بحادث يعني من 7سنين..لأن بوفواز عايش بالرياض وبوسعود بالخبر..وأما بويحيى فإنه يعيش بالرياض وهو إنسان متحيد لامع بوفواز ولامع بوسعود يعني يشوفهم اثنينهم..وخصوصاً إنه لا توافق مادي ولا اجتماعي بين بيت بوسعود وبوفواز ..
بداية القصة..وفي الخبر خصوصاًَ..
فاطمة:يمه ريما.. ريما لحقيني...
ريما من بعيد وهي تركظ:عسى ماشر يمه شفيك؟؟
فاطمة:أبوك طاح مغشي عليه..
ريما:ابوي..!!!!!!!!!!
ريما:يبه الله يخليك رد علي..
فاطمة:يلا بنيتي خنزله علشان نوديه للمستشفى..
ريما:الله يهداك يمه مين يوديه ماعندنا حد..
فاطمة:التكاسي ماليه الشوارع..
ريما:وأنت الصاجه يمه..يلا خنزله..
فاطمة:وأخلي أخوك بروحه في البيت؟؟؟
ريما:صحيه وجيبيه معنا..
فاطمة:إن شاء الله يمه..
************************************************** ****
انتهى الجزء الأول..
في مستشفى الملك فهد التخصصي
فاطمة:الله يستر..إنا لله وإنا إليه راجعون..
ريما:مايصير يمه لهم ساعة ونص داخل بالعناية المركزة ولاحد طلع منها..
فاطمة:بس كل ساعه يدخل للغرفة دكتور ولاحدا يخرج منها..
طلع دكتور من العناية المركزة وهو منزل رأسه..
فاطمة:عسى ماشر دكتور علامه الريال شو فيه؟؟؟؟؟
ريما وهي تصيح :دكتور الله يخليك قل لنا شنو فيه ابوي؟؟
الدكتور:ماحد بلغكم؟؟؟؟
ريما:بشو دكتور؟؟؟؟
الدكتور:من أول ماجبتوه وهو ميت...
ريما وهي ميتة من الصياح:لا شنو ميت؟؟؟؟
الدكتور:قدر الله وماشاء فعل..
ريما اتجهت للعنايه وهي ميتة صياح..دخلت الغرفه وفتحت وجههاوهي تبكي ومنبطحه عليه..في ذاك الوقت كانوا في أطباء متدربين واقفين حوالين الجثة..
المتدرب طارق:يلا شباب خل نطلع خل يآخذون راحتهم..
طلعوا المتدربين وطارق مارفع عينه من ريما..خصوصاً أن عايلتهم مثل عايلة صديقه فواز...
وصل الخبر للعمام والخوال اللي بالإمارات..وسيف اخو الجوهرة كلم أخته علشان تتجهزبعد شهر ويجي وياخذها لأن مالها حد بالخبر علشان تعيش معه..
************************************************** ****
عزاء الحريم سووه بالخبر بشقتهم..وأما الرجال بصاله من هالصالات..
الجوهرة:خلاص عاد يافاطمة المرحوم كمل شهر من وفاته وأنتي مازلتي صياح ونياح....
فاطمة:مالي حدا غيره يالجوهرة .....
الجوهرة:وحنا وين رحنا الله يهداك؟؟؟؟
رن جوال الجوهرة وردت:
الجوهرة:مساء الخير....كيف حالك سارة يمه؟؟؟؟
سارة:الحمد لله خالتي ترى أمي ولدت .....
الجوهرة:ولدت ؟؟؟عليكم مبارك وش جابت؟؟
سارة:جابت بنوته حلوه مثلي وأنا سميتها الهنوف..
الجوهرة:ايه عليكم مبارك يمه....
الجوهرة:فاطمة ترى الجوهرة مرت فهد ولدت وجابت الهنوف..
فاطمة:ايه عليهم مبارك..
ريما:أمي خالي سيف برى يبي يشوفك.....
الجوهرة:روحي له فاطمة أنا ماني غريبه عنكم..
فاطمة:ريما يمه تعالي اجلسي جنب حرمة عمك بروح أشوف خالك...
ريما:إن شاء الله يمه..
************************************************** ****
انتهى الجزء الثاني..
الجوهرة:ريما فتحتوا وصية الوالد؟؟؟؟
ريما:لا المحامي يقول بعد يوميين وبحضور كل الورثة......
الجوهرة:إلا حصرتوا وحسبتوا كل ممتلكاته.؟؟؟؟؟؟؟؟؟؟
ريما:ابوي شنو عنده غير الأسهم والمحامي ماقصر باعهم بسعر حلو..وحسب لي حقي في الورث والباقي كم لهم ماادري
الجوهرة:وكم لك؟؟؟؟؟
ريما:مليون ومئتين وخمسين ألف....
الجوهرة:الله عنده كل هالفلوس ولا جايب لاسايق ولاخدامه؟؟؟؟؟؟؟؟؟؟
ريما:الله يهداه ابوي كان يقول خش ريالك الابيض لليوم الأسود..
الجوهرة:إلا وخالك شفيه جاي ؟؟؟؟؟؟؟
ريما:ماادري يامرت عمي أنا خايفه لان خوالي بالإمارات يبون أمي ترد للإمارات....
************************************************** ****
بعد يومين
كان الكل حاضر فاطمة وريما وسعود..وبوفواز وبويحيى.......
وصى الوالد الله يرحمه أنهم مايخلون ريما تعيش مع أمها بالإمارات بخلاف سعود اللي وصى أنها تاخذه أمه معها قرة عينه...
قرر وا العمام أنهم كل شهرين تروح ريما لواحد منهم..وأما سعود راح يروح مع أمه بالإمارات .............
فاطمة:خلي بالك على روحك يمه اهئ اهئ اهئ..
ريما:من عيوني يمه آمري تدللي علي اهئ اهئ اهئ..
الجوهرة:خلاص فاطمة في أي وقت تشتاقين لها هاذا هي موجودة في بيت عمامهاومتى مااشتاقت لك نرسلها الإمارات..من بعدها الحين سويسرا على غفلة..
فاطمة:يلا يمه أنا أخليك الحين شوفي عاد صيري هاديه لاتخبلين بعمانك فاهمه يمه....
ريما:إن شاء الله يمه ..سعود يلا حبيبي مع السلامه...
وطلعت فاطمة مع سعود وأخوها سيف...وركبت ريما سيارةعمها بوفواز علشان يروحون للرياض.....
وبعد وصولهم لبيت بوفواز ريما قامت تناظر البيت في خاطرها من شقه إلى قصر..
الجوهرة:ريما يمه شفتي هاذي البوابه اللي جنب بوابة الملحق..
ريما:ايه خالتي شنو فيها؟؟؟؟
الجوهرة:هاذي البوابة توديك لبيت عمك فهد هاذا بيتهم اللي نفس تصميم بيتنا..
ريما:ايه..
************************************************** ****
انتهى الجزء الثالث..
تقبلو تحياتي المفتحه اوتار الفرح :w45:
رد مع اقتباس
مواقع النشر (المفضلة)