طاحت من عيني ( رواية سعودية اكثر من روعة )
هذي الرواية عبارة عن اجزاء
مرة مرة مرة حلوة
اذا شفت تفاعل وياي بكمل .
صراحة انصحكم فيها
راح احط نبذة عن الابطال:
بيت بو حمد
بو حمد ( حسان ) : موظف بوظيفة عالية . (45) سنة
ام حمد ( فاطمة) : مدرسة فيزياء.( 37)
رشا : مخلصة ثنوية بتفدير جيد وقاعدة بالبيت .(20)
حمد : مثال الشاب العصري والوسيم يدرس في الجبيل سنة اولى هندسة .(18)
هنادي : البنت المدللة مع انها مو الصغيرة بس وايد شاطرة بالدراسة .(12)
مي : عنيدة لابعد الدرجات ومشاكسة ههههه (7).
خالد : خفة الدم والحلا والدلال في هالطفل (3) هذي نبذة واذا شفت التفاعل بكمل .
الجزء الاول
كل يوم اربعاء العايلة تروح بيت يدهم ابو ابوهم ( ابو هاشم ) . والبنات هناك فلة لووووووووووول .
بيبي(بيان) : شلونك يا رشا ؟
رشا بدون نفس : اهلين
ديدي (هنادي) : شلونك بيبي ادري انك تسالين عني هههه ومشتاقتلي صح ؟
بيبي : ما يبيله اكيد مشتاقة .
فوفو (فرح) : صراحة لك وحشة يا ميمي .
ديدي: توك تدرين ههههههه
بيبي : تريتو فايز السعيد ياي البحرين باكر
ديدي : لا لا لا ما اقدر فيزو باكر في البحرين
فوفو : اليوم قريته في المنتدى .
لولو (ليلى): صراحة انتم سطحيات ومجانين
بيبي : خلينا العقل لك
ديدي : اضم صوتي لصوت بيبي خليت العقل لك يا ام عقل
لولو : انا عطيت رايي وبس
ديدي+ فوفو : واحنا بعد .
بيبي هي البنت الوحيدة بين 3 اخوان وهي بنت عم هنادي ورشا ( هدى)( وحدة وايد كوووووووول وفلــــــــــــة 15سنة )
فوفو هي اخت لولو وهم بنات عم هنادي ورشا (ماجد) ( فوفو وحدة تحب كل شي يتعلق بالاولاد الكورة و الرياضة و السيارات
وعمرها 16 سنة ) ( اما لولو الكل يعتبرها معقدة ودايما تخاف على مصلحة الناس وكل شي عندها عيب 19 سنة )
دخلت عليهم نونو (دانة ) هلوووز باللوووووز شحالكم ؟
الكل التفت ونط فوق نونو <<< وايد يحبونها
بيبي : شلونك يا الخايسة كل ذا غيبة ولا بنات خالاتك احلى منا
نونو : لا والله بس تدرين عاد امي باليالة تجي هنا تعرفين ما تطيق عماتي ههههههههههه
الكل ضحك وسوالف ووناسة .
دنونو بنت عم هنادي ( محمد ) ( مرجوجة لابعد الدرحات حياتها اغاني ورقص موضة تقدرون تقولون انها نسخة ثانية من هنادي12 سنة ومع هنادي في نفس المدرسة )
اما في مجلس الشباب كان فلة مرة ووناسة وضحك واستهبال ورسايل جوال وبلوتوث
حمد : شباب فيني طلعة
جاسم اخو بيبي : حتى انا يلا خل ونطلع سرينا ؟
حمد : عندي شرط !!!
خالد : اشرط يا بو الشروط
حمد : شرايكم ناخد البنات معانا والله من زمان ما طلعنا معاهم وفي الطلعة نسوي في البنات مقالب .
فهد : جبتها بس وين نروح ؟
حمد موب اليوم نطلع مع البنات خلوها بكرة
جاسم رايي من رايك لان لازم نفكر بمقالب
فهد : عليكم نور اما الحين نروح اي مكان
خالد : خل نروح باسكن
حمد : يلا مشينا
جاسم : سرينا
جاسم وخالد اخوان بيبي ( جاسم يشتغل محاسب في مستشفى سعد وايد وسيييييييييييييييييم 24 سنة ) ( خالد يدرس في
الجبيل مع حمد في نفس الجامعة ونفس الشي هندسة 19 ستة )
فهد اخو فوفو ولولو ( عمره 23 سنة اخر سنة له بالجامعة يدرس حاسب فهد وايد عصبي بس اللي يقعد وياه ما يمل
سوالفه ومقالبه وهو وايد كوووول )
كل واحد من الشباب ركب سيارته وبدا الجنون واللي يوصل قبل والسرعة 200 ولا اروع
اول واحد وصل هو حمد وهو اكثر واحد مجنون سيارات <<< للمعلومية فقط لا غير
دخلو باسكن قعدو يمكن ساعة بعدها راحو يعلبو بلياردو في قاعة البلياردو <<<< صج شباب
في بيت اليد ( بو هاشم ) البنات طرت في بالهم فكرة
دودو : ابي اروح البحرين مو نعقولة فيزو يجي وانا مو هناك
بيبي : خلاص كل وحدة تقنع اخوها ونروح كلللنا بكرة البحرين
فوفو : تدرون ................ اخاف تطيخون علي ............... ما تقول
نونو : بلا سخافة شسالفة ؟
فوفو : مش بس فايز السعيد هو اللي بيجي
بيبي : منو بعد ؟
دودو :ها منو ؟ فوفو تحجي
رشا وهي متنرفزة حيل : مالكم دخل البنت ما تبي تقول
فوفو انقهرت شدخلها هذي : بنات تمالكو اعصابكم اللي راح يجي هو....هو ................هو.... هو احمد داوود
نونو : لا لا حلفي بموووووووووووت احمداني بيجي لا لا
دودو : من قالج تكفين لا لا اقدر فديته
فوفو في منتدى قريت هذا الخبر واكيد الف %
بيبي : رايحين البحرين رايحين ما يبيله
دودو : بكلم على حمد اقوله على طلعة البحرين
بيبي : وانا اكام اقنع خلود
دودو : الووووووووووو شلونك ؟
حمد : زين انتي شلونك ؟
دودو : طلبتك قول تم
حمد : ليش ؟
دودو: قول تم
حمد : تم اخلصي شتبين ؟
دودو : نبي نروح البحرين
حمد : منو اللي بيروح ؟
دودو: كل البنات
حمد : تمت و100 مت بعد اقول باي الحين
دودو: صدق؟
حمد : افا عليج بس اهلهم يوافقون اوكي ؟
دودو: لا تشيل هم بايو
حمد : سلمي عليهم
دودو بلؤم : اسلم على منو بالضبط ؟
حمد ويهه اختبص : كلهم
دودو: باي
حمد باي
حمد يصارخ : شباب شباب
فهد هدي اعصابك نعم
حمد : دبرت طلعة مع البنات
خالد : وين وين ؟
حمد : البحرين شرايكم ؟
جاسم : عليك نور بس كلهم بيجون ؟
حمد : هذي انا ظامنها لك
جاسم : شلون ؟
حمد البنات هم اللي طالبين
الشباب : حــــــــــــــــــــــــــــــــلو
هذا الجزء الاول والجزء الثاني انشاء الله قريبا
الجزء الثاني
كل واحد من الشباب ركب سيارته وراحوا بيت يدهم بو هاشم عشان ياخذون الحريم وبعدها كل ولحد يروح بيته .
حمد دق على امه , حمد: الو
ام حمد : هلا
حمد : يلا انا بره
ام حمد : وين ابوك ؟
حمد : ابوي راح البيت ونام لان بكرة عنده شغل خلصت الاسئلة ممكن تطلعون ؟
ام حمد : يلا يلا , وتصارخ هنادي رشا مي يلا يلا
جات ديدي وهي حاملة اخوها خالد : حمد بره؟
ام حمد : اي بره خلود نام ؟
ديدي: عيل ليش انا حاملته
ام حمد : انزين وين رشا ؟
ديدي: مادري عنها
ام حمد وهي تصارخ : رشــــــــــــــــــــــا يلا
جات رشا : نعم
ام حمد : حمد بره يلا
طلعوا كلهم ام حمد : وي وي وي نسينا مي
ديدي : كاهي مع حمد في السيارة قاعدة تناقز
ام حمد : عيل يلا
اما في الصباح ديدي اول وحدة صحت من النوم وعلطول قعدت على المسن ولما افتحت لقت كل صديقاتها شابكين
فارتاحت نفسيا وانتظرت كل وحدة تسلم عليها عشان تتكلم وقامت تسولف مع هنهن اللي هي صديقة ديدي بالمدرسة
واسمها هنوف وحدة وايد كوميدية لابعد الدرجات فكاهية دايما تضحك
ديدي: شلونك ؟
هنهن: تمااااااااام وينك ؟ امس ما شبكتي
ديدي: امس رحت بيت يدو بو هاشم وما امداني اشبك والنت هناك مخرف لوووووووووول
هنهن: مش مصدقة انو المدرسة راح تخلص بعد 3 اسابيع
ديدي : انا بعد يا الله شقد راح افتقد المدرسة
هنهن : من جدك؟
ديدي : اي من جدي ما احب المدرسة لاني احب الدراسة لا احب المدرسة لاني احب اللمة والشلة
هنهن : هذا الشي الوحيد اللي انا شايلة همه
ديدي : وين بتسافرون ؟ ولا ماكو سفرة السنة ؟
هنهن : لا راح نروح الكويت
ديدي : انا زهقت من الكويت وايد نروح لها
هنهن : انتم راح تسافرون ؟
ديدي: اكييييييييييييد
هنهن: ليش اكيييييييييييد
ديدي:هههه لا بس ما يقدرون اذا انا قلت نسافر يعني نسافر ما يبيله
هنهن : اليوم راح تطلعين ؟
ديدي: اليوم كل شلة بيت بو هاشم رايحين البحرين وانا معاهم
هنهن: والله من بيوديكم؟
ديدي : كل وحدة بتروح مع اخوها في سيارته
هنهن : بيبي بتروح ؟
ديدي : اول وحدة افا عليج
حمد : ديدي
ديدي : نعم
حمد : جهزتي ؟
ديدي : حق شنو؟
حمد : البحرين يعني حق شنو ؟
ديدي : الحين بنروح ؟
حمد : كل الشباب الحين بيمشون
ديدي: لحظة بشوف بيبي
ديدي على المسن : بيبي الحين بتروحون ؟
بيبي : اي جاي خلود يقولي يلا
ديدي : عيل باروح البس بايو
بيبي : بايو
الكل جاهز والكل في السيارة
في سيارة جاسم بيبي : جسوم تكفى نبي البنات في سيارة وحدة .
جاسم : في اي سيارة تبون ؟
بيبي : اي سيارة ما في مشكلة
جاسم : خلاص خليكم في سيارة حمد عشانها اكبر وحدة
بيبي : سيارته موب كبيرة
جاسم : اليوم ياي بالهمر
بيبي : والله تكفى ابي اروح اموووت انا في الهمر
جاسم كلم على حمد وقاله انهم يبون يروحون سيارته
حمد : اقول كانهم هم اللي ( خفض على صوته ) يبونا نسوي فيهم المقالب
جاسم : الظاهر ههههههه
وقفوا عند محطة بنزين وكل البنات تحت ال18 ركبوا سيارة حمد اما رشا و مها اخت نونو(دانة) 22 سنة ومنال اخت فوفو
ولولو 20 سنة ولولو في سيارة فهد وماجد اخو فهد 25 سنة مع احمد اخو نونو 25 سنة في سيارة جاسم .
في سيارة حمد
ديدي : حمد تكفى غني
حمد : من حلات صوتي
ديدي : صوتك يعجبني تكفى يلا سكر الكاست وانت غني
بيبي : يلا عاد حمد طلبناك
نونو: يلا يلا لا تتغلى ندري ان صوتك حلو يلا
فوفو : يلا يلا يلا يلا هذيك المرة وانت تاخذ لك دش و قاعد تغني ولا احلى
حمد : تتنصتون علي بعد
ديدي : انا اللي ادري يلا عاد بلا سخافة
فوفو + نونو +ديدي + بيبي : يلا يلا يلا
حمد : خلاص خلاص وزاد السرعة لين 200 وفوفو ما تقدر تخاف مرررررررررررررررررة
فوفو : وقف وقف تكفى لا لا لا وقف
ديدي : ههههههههههههههههه
بيبي: وناسة شفيك اضحكي هههههههههههههههههه
فوفو : شلون اضحك حمـــــــــــــــــــــــــــــــــــــد وقف
حمد : لين نوصل البحرين
فوفو وهي خلاص بتصيح : وينك يا فهد
حمد لف وره قام يضحك على شكل فوفو واللي زاد ضحكه ان نونو بعد خايفة واشكالهم مرة تضحك لازقين في بعض
وكل وحدة تهدي الثانية
حمد بحنية : خايفين ؟
نونو : اي
فوفو : وايد
حمد : عيل خل نزيد السرعة ويزيد السرعة لي 210
فوفو +نونو : لا
اما في سيارة فهد رشا قاعدة وما تتكلم
منال : فهد في فلم حلو اليوم ؟
فهد : لما نوصل با قولك الحين مادري عن الافلام
مها تكلم لولو (ليلى ): تدرين ان فايز السعيد اليوم في البحرين ؟
لولو : سمعت من البنات
مها: ابي اروح المطار
رشا : ليش انشاء الله
مها : عشان استقبل السعيد
رشا : ما عندك سالفة
وصلوا البحرين وراحوا الدانة عشان يتغدون وبعدها يدخلون السنيما
حمد وباقي الشباب قعدوا على طاولة اما البنات انقسموا الى قسمين ديدي ونونو وبيبي وفوفو على طاولة
ورشا ومها ومنال ولولو على طاولة
حمد : ها ندخلهم فلم رعب
فهد : اللي يخافون يدخلون رعب واللي يبون يدخلون كوميدي دخلهم هم وغم او اكشن
خالد : والاكل اللي تبي بارد عطوها حار واللي تبي سفن اب عطوها ببسي
جاسم : انا اقول اذا قامت وحدة ونست شنطتها زي كل مرة ناخذها واذا سالت عنها وقالت ارجع نعصب ونمشي عادي
اوكي ؟
حمد : اوكي
باي
تقبلوا تحياتي ..اوتار الفرح ..:173[1]:
مواقع النشر (المفضلة)