هل انت مع ام ضد التشديد ع البنـات؟؟

[الفرحه اليتيمه]

حبيت اعرض عليكم واتناقش معكم عن ظاهره موجوده ومنتشره بشكل كبير


الا وهــي (( التشـديد على البنات )) ,,,,


كثير من الاسر والاهل يقومون بالتشديد والضغظ على


البنات


وهذا ظنا منهم انه الاسلوب والطريقة المثلى في تربية


البنات


فالبنت ممنوع عليها كل شئ تقريبآ ...... والمصـيبه ان


كل ممنوع مرغوب ...


وهذا يكون حرص وخوف من الاهل على البنات


والي يوصلة الاهل للبنات


بطريقة وبأسلوب خاطئ ...


بحيث انهم مايراعون ان البنت مخلوق لطيف وحساس


ويمكن ان تفسرهذا الحرص على انه شك وحرمان وخاصه


لو كان عند البنت صديقه يسمح لها بما لايسمح للبنت بالقيام فية


فتعتبر البنت هذا تميز وتسلط ... وبالتالي تضطر البنت انها تسوي


الشئ من ورا اهلها


لانه من الطبيعي ان ((الضغـــط يولــد الانفجــار ))


وطبعآ تكون العواقب وخيمة بعد مايكتشف الاهل


آخيرا وليس آخرا


*فما سبب مانسمعة يحصل بالكليات والمدارس من بناتنا ؟؟


احب اعرف وجهات نظركم وأرائكم من خلال اجاباتكم بالموضوع


هل انت ضد او مع ((التشديد على البنات ))

[CoCoWa]

اول شي تسلمين اختي الفرحه اليتيمه على موضوعج
وبصراحه يبتيه بالصميم
ظاهره التشديد على البنات حيل منتشره
وهاذا يخلي البنت تحس بنقص عن غيرها من البنات مثل ماتفضلتي
انا ضد التشدد المبالغ فيه
اللي يوصل انه يمنعونها من اشياء بسيطه
مثلا الموبايل ... الانترنت ... التلفزيون ... وغيرها
من وجهه نظري
ان الاهل المفروض يربون البنت على قيم الاسلام
وعادات وتقاليد وعرف المجتمع اللي عايشين فيه
وبعدها يتركونها تحكم بنفسها على الصح والغلط
مع اشراف منهم.. ان اذا شافوها غلطت بشي بسيط
يوضحون الصوره لها
بس
ان السالفه توصل لي حرماااان كلي من ابسط الاشياء
واللي الحين احنا نعتبرها من متطلبات الحياه (( مثل الموبايل ))
هاذا الشي يخلي البنت تفكر بطريقه سلبيه
وتسوي الغلط
مو على انه عناد..
بس فضول وحب للاستطلاع
(( بالعربي تبي تعرف ليش هالشي ممنوع <<=== لقافه فيها ))
اللي بوصله من كلامي هاذا <<====== حجيها مخربط بس انشاءالله مفهوم لوول

ان الاهل لازم يعطون البنت الثقه والحريه
علشان تفكر قبل لاتسوي اي شي غلط
انها راح تنحرم من هالحريه والثقه هاذي راح تنهز
وجذيه البنت راح تراعي وتداري اهلها
وتحطهم جدام عينها
وتراعيهم سواء كانو وياها.. او بعيدين عنها

سوري عالاطاله :confused:
وثانكيو

[al-shmaly]

السلام عليكم




واسعد الله اوقات الجميع



وانا مع ((التشديد على البنات ))

*فما سبب مانسمعة يحصل بالكليات والمدارس من بناتنا ؟؟

اعتقد عدم التشديد واللامبالاه

هو السبب الأول والأخـــــــير

وتقبلو موروري المتواضع

واترككم مع الموضوع الهام

وفي امان الله

وحفظـــــه

[غزال ومـا يصيدونـه]

المفروض اننـا جميـعـاً نكون ضـد وليـس مـع لكن كل شي ولـه حدود


لكل شي ايجابياتـه وسلبياتـه فالتشديد مب زيـن والتـرك سيء


صحيح أن البنـت ينخاف عليهـا وخصوصاً بهالزمن ولكن طريقـة اننـا نشدد عليها لا


وحتى اننـا نتـرك لها كامل المجـال ايضـاً لا يعني مثل مايقولون " سددو وقاربو "


والبنات في حاجـه لرعايه خاصـه تختلـف ما بين الليـن والشـدهـ


فيـه امور تستوجب الشدهـ وامـور اخرى لا تعالـج الا باللين


لأن التشديـد المطلق يدفـع بعـض البنـات للاسف الى هاويـة الانحـراف


جميـل اعطاء الحريـه للبنت من قبـل الأهـل ولكن بحدود مـع المراقبـه والتصحيـح


التربية الصحيحـه ليست بالتشديـد والمنـع لكن بأتبـاع منهـج الاسلام اللي يعطي البنت


حقهـا وحريتهـا وطـرق التعامـل معهـا بالليـن واللطـف


قال رسول اللـه " رفقاً بالقواريـر " وهذا تشبيـه جميـل لحال الفتيات فهي مثـل الزجاج


تحتاج ممن يمسكهـا الرفـق بهـا حتى لاتكسـر


ولا ينسى الاهـل قاعدة ( الكبت يولـد الأنفجـار )



فديننـا الاسلامي يدعونـا للوسطيـه لاضـرر ولا ضـرار


مجرد رأي


غزال ومـا يصيدونـه

[al-shmaly]

القاعده


( الكبت يولـد الأنفجـار )



اعتقد انها لــــــــــــلأولاد




الا اذا الزمـــــــــــــان هذا



غير الموازين وصارت للبنات


لا أعلـــــــــــــــــم ؟؟؟؟؟


الله هو العالم