... ديــكــور رجــال (ن) ومــا غــيــــر يــغـــريــــك ...
ترى المفارق بعض الاحيان يسليك
لا صار من ماراك غاوي بصيـره
اتشوم نفسك من هروجه وتغنيـك
والحز في غير المفاصل غريـره
اللاش لاش وهافي العلـم يفديـك
يفديك من حطـت هـروج كثيـره
كذابة المجلس حكايـة (ن) فيـك
همازة (ن) في كل سمع وسريـره
من جاد منهم نفخت الكير يحذيـك
يحرق ثيابك واتهـم العلـم غيـره
اليا وقع في محنته جـاك ناصيـك
واليا نصيتـه ول مسـرع نفيـره
ديكور رجال (ن) وما غير يغريك
لا نافع(ن) نفسه ولا فيـه خيـره
فما قلت ياراسي ترى العلم يعنيـك
يالله عسى ايـام الشدايـد قصيـره
الطيب تاجه فالك اليـوم كاسيـك
وترى الرجل لا بان شوف العسيره
والا الرخا كل (ن) يمدك ويعطيك
وفي ساعة الهيجا و قدح الذخيـره
مايثبت الا واحد(ن) يحتمي فيـك
حر(ن) يشوق العين رمح المغيـره
لا مـد كفـه بالمراجـل يوفيـك
واطيب من الكادي وصايف عبيره
هذا الذي في خوته مكسب وشيـك
والا الردي تشناه وتشنـا مسيـره
........................
منقول
رد مع اقتباس
مواقع النشر (المفضلة)