قــــــــــــصيــــــــ الضيقة ــــــــدة
قصيدة اعجبتني جدا...وحبيت انقلها لكم....أن شاء الله تنال اعجابكم...
الضيقة اللي مالهـا حـزه ولا منهـا مصـد
أخاف ساعـات العصيـر المقبلـه تاتيبهـا
يالله دخيلك من قسى وقتـي وحـظٍ ماصمـد
في وجه صكات اليالـي يـوم يقنـب ذيبهـا
واعوذ بك من فتنة الدنيا ومن ضيـق اللحـد
واسئلك عن نفسي من الشيطـان لايغويبهـا
وسئلك تفغرلـي ولصحابـي ولعدائـي بعـد
تعفو عن ذنوبٍ نجي فيهـا وحـن ندريبهـا
الوقت يشعاني على الطرقه وانا مافي جهـد
شهب اليالي تقهر صـدور الرجـال بغيبهـا
لكن انا لو جـارت ضروفـي وزادت بالعـدد
اضرب بها الحايط طناخة راس ولا اشكيبهـا
واعز نفسي مع مداغيش النشامـا واجتهـد
على ظروفٍ تجلـب الضيقـه ولا تسريبهـا
والبارحه في راس مشرافي ولا افكـر فأحـد
كني ملكت الأرض مـن شروقهـا لمغيبهـا
قعدت افكر فالسنين اللي مضت واللـي بعـد
ليييه السنين التاليه تفشل ويفشـل صيبهـا
وليه الرفيق اللي ليا منـه تجمـل ماجحـد
ان ماذكرها لك .. مع كل العـرب يحكيبهـا
ياحيف يارفقة ضعيف النفس مافيهـا سنـد
مالله بجابرني على رفقتـك ويـش ابغيبهـا
لاسرت تطعنني بشلفـاك الرهيفـه وتخمـد
فـالطعنه اللي فـالظهر مانيب من يغزيبهـا
لو دامت افعالك كـذا ردت لـك الدنيـا لـدد
حافظ على سمعتـك مـن فعلتـك لاتقفيبهـا
الرجل لامنـه نـوى يغـزي ينـوّه ويهجـد
ماهوب يغزي وان رجع هزل العلوم يجيبهـا
لكن ياطلق الحجـاج اللـي عيونـك ماتلـد
الا لـروس النايفـات اللـي مهـو يبديبهـا
كون الحرار الشقر وعيال الذيابـه والأسـد
ولا الرجال اللي مع العريـف يذكـر طيبهـا
اسئل رفيقك من بعد مغزاه قلـه وش حصـد
غير العلوم اللي ماتطلق وجه من يمشيبهـا
عزالله انه كان فـعيون النشاما مثـل اُحـد
واليوم مثل الحيـة اللـي تنعـرف بجنيبهـا
حاولت اكذب بالخبر لكن علـى غمـي وكـد
والسالفه قـام الزمـان المنحـرف يدويبهـا
لكن على كلاً ياحامد كانك بتاتـي .. حمـد!!
قله ترا البندق من المؤسف تثـور بجيبهـا
البندق اللي ماتصوب كون ابـن عـم وولـد
عيبٍ على الرجـال ينقلهـا ويجهـل عيبهـا
لاسارت البندق مع عاقل وهـي فيهـا صـدد
كبرت خسايرها عليـه اليـا قعـد يرميبهـا
وشلون لاسارت مع جاهل وفعيونـه رمـد!!
لاوالله الا راحـت الدنيـا وراح اللـي بهـا
رفقة مثـل هـذا وهـذا كلهـا كيـد ونكـد
ولا تحـرا مـنّـه الا نكـبـةٍ يضويبـهـا
ماكنه الا العقرب اللـي ذيلهـا كلهـا عقـد
ان روّعتـك بزولهـا ولا قرصـك ذنيبـهـا
لكـن تعـال اعلمـك ياصـاح بعلـومٍ جـدد
لو تزعلك بعض النقط... لايزعلك نطقي بهـا
اشره على العاقل ليا شفته بجرحـي يعتمـد
ولا العلوم الباقيـه مانيـب مـن يحريبهـا
البيت مايبنى بدون اطناب..وحجاب..وعمـد
والنار مـن شبابهـا والخيـل مـن ركيبهـا
وأنا عيوني لـالطليعا فوق ..معطتني عهـد
والأرض تكره مشيتـي وانـا بعـد ماليبهـا
اغزي على بيت الشعر في عقر داره ويهجـد
من هيبتي عنده بيوت الشعر لـي يصخيبهـا
كذا كذا الشاعر يجي فـالشعـر قمـه للأبـد
ولا بـلاش يلخبـك الأبيـات ويهذريبـهـا
الشعر مثل الموج ودقاق الشعر مثـل الزبـد
ولا الدرر في غبةٍ بعـض الرجـال تهيبهـا
وانا بحاول قـدر الأمكـان اتعمـق وابتعـد
وان قلت لك باجيبها ... في ذا الشنب لاجيبها
شاعر مفوّه واسبح الغبـه وابشـر بالسعـد
واكسب دررها كسب.مابيّع بهـا واشريبهـا
لأن الشعر مثل البلد وانا مثـل حاكـم بلـد
وبلادي اسجل تواقيعي بهـا واسمـي بهـا
وانا فقط شاعر ولا ابغى لي بلد لـو تنّوجـد
ابلادي حروف القصيد اصبح بها وأمسيبهـا
واسجد لوجه الله واقول ارجوك يافردٍ صمـد
تعفو عن ذنوبٍ نجي فيها وحن نـدري بهـا
للشاعر/ صالح مانعه المري...
رد مع اقتباس
مواقع النشر (المفضلة)