ساعدوني ياشباب غرزت بسيارتي ..

[.:: maz..n ::.]

السلام عليكم ورحمة الله ..

ايش اخبار الشباب ..

اليوم الساعه 7 الصباح حسيت اني متنرفز وكاره عمري قلت خلني أطلع اغير جو و اشم هوا شوي ..

ومادريت وش ربي كاتبلي بهذا اليوم ..

المهم وانا امشي في الطريق شفت مكان أعجبني على يميني قلت خلني أمر صار ماوراي شي ..

وانا داخل فجأهـ حسيت السياره وقفت وبدت السياره تثقل .. واقول في خاطري لا يكون غرزت ..

حاس ان السياره مرره ثقلت علي ..

المهم اطلع واشوف كذا .. شوفوا الصورة ..


^
^
لاحظوا ان السياره في مجرى للسيول .. وهذي الاماكن ماتنفع لها الا الصوالين ..






^
^
تشوفونها عاديه .. مو كأنها مغرزه .. صح ..؟؟ ومع ذالك مارضية تتحرك .. وكل ما أدوس احسها تغوص على تحت ..


^
^
الكابتشينو .. كان حار وعطلني شوي ..


^
^
عاد حسيت اني مطول .. ومابطلع السياره الا بعد ما تطلع روحي ..

قلت يارجال افرش فراشك وخلص الكابتشينو وربك يحلها ان شا الله ..

::::::::::::



وبعد ماخلصت .. بديت بالحفر ولقيت حجر طويل قلت هذا ان شاء الله بيحل مشكلتي ..
وسويت نفس الشي عند الكفره الثانيه ..

وادعس ريوس شوي شوي .. وبدت السياره تمشي معااي ومشت ومشت .. وبدت تغوص في التراب لين وقفت ..
وقلت يارب تعدي هالنهار على خير ..

المهم شوفو النتيجه ..


^
^
لاحظوا السياره مشت معاي شوي .. لكن غاصت أكثر .. وكمان الصدام الامامي لمس التراب وحك فيه ..
عاد انا خفت ان الوضع تدهور بزياده .. والمشكله تعقدت أكثر ..

المهم رجعت ادور للحجران الي قبل شوي استخدمتها .. واقوم احفر وسويف نفس الحركه الي قبل شوي ..
ومشت معي الحمدلله ..


^
^
لاحظوا اني رجعت زياده .. الوضع بدا يتحسن .. وبدت الفرحه والابتسامه تعود لشفتاي ..

المهم وبعد المعافرات يمين ويسار اخيرا طلعت ..


^
^
وهذي سيارتي حاليا في الاتجاه المعاكس .. وخلاص رايح .. ومازن طابت نفسه من الطبيعه ..
وتاب يجي للأماكن هذي ..

وهذي نظره اخيره ع الاثر الي تركتها وراي ..


^
^
اثارني جبت العيد .. وهـ بس مابغيت أطلع ..

وهذي بعض الاثاار الي بقيت علي ..





^
^
ملابسي هذي الى الغساله على طوول ..

وهذا ماحصل لي في هذا اليوم .. الخميس الساع 7 صبحا ..

بس تصدقون بعد ماكنت قرفان وكاره عمري طلعت من هنا مبسووط ..

ان شاء الله يكون عجبكم الموضوع .. تحياتي ..

[كاتـم الآهــات]

ههههههههههههههههههاي

متعلق اجل

ههههههههههههههاي

الحمدلله على السلامه


ولو انك خففت شوي من ضغط الكفرات كانت مشت معك زي الحلاوه


كويس اللي جت على كذا

بس تصدق انك رايق

جالس تصور وانت حالتك حاله


هههههههههههههاي

[.:: maz..n ::.]

ههههههههههههههههههههههه

عاد من الطفش الي فيني قمت أصور .. ولاحظ كمان قاعد اشرب كابتشينوا ..

أكيد بروق هههههههههههه ..

الله يعيطك العافيه ويجبر بخاطرك اخوي كاتم الاحزان على تواجدك الدائم وتنويرك لي مواضيعي ..

لا عدمت طلتك يارب ..

[Clouds]

نقول الحمد الله على السلامة


والله اني اشتهيت الطلعة للبر وقعدتن بالشعيب مع قهوة وشاهي خااااادر


<<<< طفشاااااااااااااانة :161[1]:

[.:: maz..n ::.]

الله يسلمك يارب ..

عاد اذا فيك شده يلا هات القطه بس .. ومشينا <-- مصدق خخخخ

نورتي بهالطله .. الله لايحرمنا اياها ..