تحذير...عصابة نسائية متخصصة لسرقة الشنط في مجمع الفناتير
قبل شهر في محل سبلاش فجاة صارت وحدة تصرخ شنطتي شنطتي ودورنا معاها ولا لقينا اثر. طبعا الفلوس والصرافات والجوالات الله يخلف عليها وبعدها سمعت انه صار في مانجو واالسواني وغيرها
وامس احدى قريباتي سرقة شنطتها في محل برومود كانت حاطة الشنطة على عربة بنتها
( غبية )
والتفتت ورجعت مالقت الشنطة ( اشوى ماراحت البنت ) وطبعا كالعادة جوالات وهبرة فلوس من الزوج المسكين وبطاقات وغيرها
المقصد هنا ليس للإساءة لهذه المحلات دون غيرها
ابدا والله ولكن يقول رئيس سيكيورتي المجمع انها مجموعة بنات ولباسهم مرتب ومو باين عليهم انهم حراميات ويدخلون في المحلات الراقية الكبيرة لأن فرصة الاختفاء تكون افضل
وينتهزن اي فرصة وياخذن اي شنطة لاي مغفلة فاغرة تترك شنطتها بعيد عنها ( يعني لازم تلحمين شنطتك بكتفك) هذولي اللي انا عرفت عنها من معارفي فقط وغيري الكثير
ونصائحي للجميع :
1/ إن اضطريتي للتسوق من هالمجمع البايخ لا تحضري معك طفلك لانه خطر عليه وبيضيع وقتك الا اذا كان ابوه معك
2/ الشنطة الله لا يهينك لا تتركينها ابدا في اي مكان ولا تبعدينها عن يدك
3/ خليكي حذره ونبيهه لأغراضك عموما
4/ قبل ماتدخلين السوق ياليت تكوني قاريه وردك من الاذكار فهي تحفظ الانسان وماله واهله بإذن الله تعالى
وسلامة تسلمكم
اتمنى لكم تسوق خالي من السرقات ( اللهم لا شماته )
<< هذه المستخدمه بتجلس بيتهم أحسن لها هع هع
دمتم بأمان الرحمن وحفظه
منقول ..
مواقع النشر (المفضلة)