شنو اللي تفضله أكثر ... زواج عن حب أم زواج تقليدي ؟؟
السلام عليكم ورحمة الله وبركاته
مرحبا بالكل والجميع
كثير أسمع الإبن يقول :
" يمه دوريلي بنية ، أبي أتزوج " هذا طرف
وأسمع اللي يقول :
" يمه لا تدوريلي ولا تعبين نفسك ، أنا أجيبها وإنت خطبيها " وهذا الطرف الثاني
أي من الطرفين إنت تفضل ؟؟
يعني واحد يقول أنا أتزوج بنية كلمتها بالتليفون ...
وفي نفس الوقت الثاني يقول أنا آخذ وحدة ما أعرفها ، وما أحبها ولا تحبني ...
وبالنسبة لهالموضوع الرجل يحكم لأن طبعا الرجل بيدة الخطبة والزواج ...
يعني البنت لعبة ..قاعدة في النص ما تدري منو اللي يقول عنها كذا ، ومنو اللي يقول عنه كذاك ...
الزمن هذا مافي أمان للبنت إنها تكلم شاب عشان تتزوج ......
كل فئة مننا سواء الشباب أو البنات فيها الزين وفيها الشين ، فما يصير نحكم عالناس إلا لما نتعايش معاها ...
هذا ردا عاللي يقول إن ما آخذ بنية مكلمها ..
يعني إنت اللي مكلمها وعارفها .. إذا زينة وما فيها شي ليش تقول عنها جذي .. وإلا بس عشان كلمتك بالتليفون صارت مو زينة ..
فيه بنات تستاهل هالكلام .. وفيه بنات لا والله حرام تنظلم ..
وفيه من اللي يأملها بالزواج وبعدين يطيح الفاس وبالراس ويقولها ؟؟؟؟ !!!! ....
وهذا موضوع ثاني ما حبيت أدخل وأتعمق فيه وايد .. ونرجع لموضوعنا ...
أأييد إن الوحدة تتزوج عن طريق الأهل لأن طول عمرنا يتزوجون وما يعرفون ولا يحبون بعضهم إلا بعد الزواج ، وفعلا الحب إيي بعد الزواج ....
إلا في حالات إستثنائيه ، إذا كان الحب صادق ومتبادل بين الطرفين ومافيه اللي يغضب ربنا ليش لا إن يتكلل بالزواج ، حلوة الحياة تصير بينهم .. والله يوفق الجميع ....
والحب بعد الزواج أهم بكثيييير من اللي إيي قبله .. لأن إهني يبين الواحد إذا كان يحبك وإلا لا ؟
إذا عاش معاك تقبل وتقبلت عيوبه ، تحملتة وإستحملك ....
لأن في ناس تزوجت عن حب وما الله وفقهم وفيه ناس ما تزوجت عن حب ومتوفقين الحمد اللة ، والعكس صحيح .
والله يوفق الجميع ....
.... وأترك المجال مفتوح لكم ....
وتقبلوا مني الصراحة في الطرح والموضوع .....
وشكرا
وسلامي مع تحياتي الكبييييرة للكل والجميع
:168[1]:
:66[1]:
المشاركة الأصلية كتبت بواسطة غزال ومـا يصيدونـه
مواقع النشر (المفضلة)