... والله إنـي كــنــت ألــوم الـلي يــضيـــق إن غــــاب خــلــّـه ...
والله إني كنت ألوم اللي يضيق إن غـاب خلّـه
ليـن جرّبـت المحبـه والفـراق وقلـت توبـه
لعنبو . جد المفـارق فيـه هـم . وفيـه ذلّـه
أثر كـل الحـب لـذه والفـراق أكبـر عيوبـه
أمس . فارقت الغـلا ومفـارق الخـلان علّـه
والعلاج الوصـل لاتبلـش طبيـب ولا حبوبـه
الزعل هـو سبّـة الفرقـا يهّـز الحـب كلّـه
ليتنـي طولّـت بالـي قبـل لا يعلـن غروبـه
واهني اللي وسيع الصـدر صـدره وسـع فلّـه
غلطة الصاحب تجي وتروح ماهـي بمحسوبـه
عارفٍ قدره وقـدر اللـي يحبـه فـي محلّـه
ذاك نفسه لا حشا ماهي علي الحـب مغصوبـه
سامـح الله طبعـي الـلـي للتغـيّـر يالعـلّـه
قاضبٍ خلك عزيز . ولين صارت لـي عقوبـه
ليش تحسب غلطة الصاحب علي الصاحب مذلّه؟
ليش ماتحسب ميانـه لوتجـي عشريـن نوبـه
لا وربي كنـت أحبـه حيـل مـادوّرت زلّـه
لا تشكك في غلاه . ولا تساعـد فـي هروبـه
لايمـي . قبلـك تعبـت ألـوم شعـار المجلّـه
وكنت مؤمن في مقولة أعـذب الشعـر الكذوبـه
وأثر كّـلٍ فـي حياتـه لـه تجـارب مستقلّـه
وأنت لا تشره علي . مثلي . وتبلا لـك بحوبـه
كـان جابتـك الحميّـه روح لـه تكفـا وقلّـه
لا يخلينـي وإذا ودّه يخفـف مــن ذنـوبـه
يستخير ولـه غـلا قلـبٍ صـدوقٍ مـا يملّـه
فدوةٍ له كـل قلبـي مـن شمالـه لـي جنوبـه
يوم قفّـا والخفـوق يفـوح عقبـه فـوح دلّـه
وسط وقدة واحـدٍ عـزّ الشتـا والسهـر دوبـه
لاتقهوى . بـارده مـن بـرد فنجالـه وزلّـه
ثم قرّبها علي جـال الجمـر وأرهـى شبوبـه
ويـن يدلـه هالخفـوق وكـل مايدلـه يتـلّـه
طاري اللي ياكثر ما أتعبت رجلي فـي دروبـه
لاطرى . جريـت ونّـة مـن بـلاده مستحلّـه
مثل ماراحت بـلادي مـع شعـارات العروبـه
كل هاجوسٍ يجيبـه جعـل شعـري فـدوةٍ لّـه
وأعذابي . كل ما جابـت لـي الجبلـه هبوبـه
مشغلٍ قلبـي بحبـه دون خلـق الله . مـن الله
هيه . ياللي ممتلكني حسـن وأسلـوب وعذوبـه
ماسمعت إن الخوي له بالخـوي تسعيـن زلّـه
وأنت طـوّف زلتـي ياعـل تفـداك اللعوبـه
صاحبي سيف الهجر . لاصرت تقـدر لاتسلّـه
ماتظن العفو عند المقـدره أفضـل عقوبـه ؟؟
أيه أنا اللي كنت ألوم اللي يضيق إن غاب خلّـه
لين . جرّبـت المحبـه والفـراق وقلـت توبـه
...
منقول
رد مع اقتباس
مواقع النشر (المفضلة)