~*¤ô§ô¤*~كف الحرامي~*¤ô§ô¤*~
[poem=font="Simplified Arabic,6,white,bold,normal" bkcolor="transparent" bkimage="backgrounds/26.gif" border="double,7,white" type=2 line=0 align=center use=ex num="0,black"]
الطير عانق بالفضاء خمسة طيور=ياصعب تجويده أن ادبر وحامي
لو كنت صقاره على الطير مقدور=ماتمسكه لوضاع كف الحرامي
وابو وعد عرقوب منّهي ومامور=يمنى .. بدايه .. في يسار الختامي
قمت أتغيبا .. في ذرى العمي والعور=حتى سلامي قمت أغيّر سلامي
والذود ذودي كلها ورّد وصدور= والعد تسقي جمته كل ضامي
والوافي اللي له مكانه وجمهور=مالد باله في صغار المقامي
وذياب أبن غانم على الصيد مشهور=شلفاه من بين اللحم والعظامي
وماهو على بعض المخاليق مجبور=شذابة العرقوب والقذف حامي
وغيم السماء قاطب وهتانه حدور=برقه يلوح وشق روس العدامي
ماهمته شلة منّصر ومنصور=ماهمته والموج زاجر وطامي
صعبه تبي لك حي ميّت ومقبور=حلال وإلايا إلآهي حرامي
قالوا .. ظلام وشعشة طلعة النور = والنور في1 قدومه يزيح الظلامي
تسعه وتسعه اخر أيام دكتور=دكتور وينك يامفسر كلامي
هذي رساله مبهمه وأنت مخبور=كلك ذكا .. مخبور .. بين الأسامي
بيني وبينك حالت جسور وجسور=وعبورها دونه يحول الجهامي
عندي أمل وابنتظر عدة شهور=وإلا يروح العام ويحل عامي
همستلك وحروف همسي على سطور=وموثقه في بعض مثل اللحامي
لك بيت شعر وبيت بالقلب معمور=واللي في1 صدري مايجيّه الهدامي
والطير لو قفى مع جملة طيور=ماطار طير إلا وقع يوم حامي[/poem]
في1/تكتب الياء ولاتنطق
رد مع اقتباس
مواقع النشر (المفضلة)