حبيبي ونور عيني
لا أتقن كتابة الرسائل الغرامية
ولا أجيد الأدوار التمثيلية
بل كتبت ما يلج بخاطري
و ما أحلم به و ما تطوق له نفسي البشرية
،،،،،،،،........،،،،،،،،
الرسايل اللي أضمها كل ليلة
أسمع صوتك بين السطور
يناديني تعال.. أحبك .. وكل المشاعر في نفسي حايرة
وكم فكرة خذتني وكم فكرة جتني وراحت
بداخلي إحساس قاس صعب علي اني أبوحه
آآه لو تدري بس عن شوقي ولهفتي وأنا حايرة
،،،،،،،،........،،،،،،،،
أحلم وأحلم في اليوم ألف مرة بلحظة الوجود
بلحظة ليست ككل اللحظات
بلحظة تتعانق فيها الأرواح قبل الأجساد
بلحظة أرتمي فيها بين أحضان الحبيب
وأطلق صفارة أنفاسي تأتي من الأعماق
ترفرف وترسم حرفين دون ثالث.
ما أجمل اللقاء وما أجمل الإنتظار
وما أجمل الحلم عندما يصبح حقيقة
،،،،،،،،........،،،،،،،،
تراعيك عيني يوم تقبل ويوم تروح
ولاشفت زولك يالغضي ينشرح بالي
وإذا أبعدت عني ضاق بالي وقمت أنوح
أجر الونين ويذرف الدمع همالي
بدونك ترى مدري وش أعمل ووين أروح
وأصبح كما بيت من الوسط ينهالي
،،،،،،،،........،،،،،،،،
ودي أهديها هديه ما بها زد الكلايف
ودي أهديها ولو ما جت تسعي في طلبها
ودي أهديها خفوق ٍ ذاب من بين النحايف
وفدوته روحي ومن حولي ومنهو من عربها
،،،،،،،،........،،،،،،،،
يا عين قولي وش سبب صمت الشفايف
وش سبايب صمتها يا عين قولي وش سببها
وش بلاها ما تخاطب حبيبتي زينة الوصايف
غصب عنها يا خفوقي ليتك اللي كنت شايف
شي شفته يا خفوقي سبب لشفايفي صمتها
،،،،،،،،........،،،،،،،،
تعبت اقول اهواك واموت بهواك
تعبت احاكي صورتك والهدايا
ارمي همومي للورق واتحراك
ودي تجي تجبر عزاك وعزايا
واقف وروحي بين وصلك وفرقاك
حياة ماله في غيابك مزايا
تروح والقى ضيقتي في زواياك
واشوف بحضورك فرح بالزوايا
،،،،،،،،........،،،،،،،،
ماهو خطا ياقلت محتاج لقياك
لانك بدايه فرحتي والنهايا
كلمة احبك لو لها وقع وادراك
تقلب موازينك وتروي ظمايا
بس الغلا كلمه على هامش شفاك
تقولها لكن؟ ولا انت معايا
،،،،،،،،........،،،،،،،،
صادق وأحب الصدق لو كنت ما انول
من صدقي الا جرح سود الليالي
يكفيني أني عن ثرى الزيف معزول
لو عشت في نجم الحقيقة لحالي
،،،،،،،،........،،،،،،،،
مواقع النشر (المفضلة)