مأساتي مع النملة الي جاها فشل كلوي .. طبعاً قصة غريبة !!
- السلام عليكم ..
قبل سنتين شريت اسكانر ( ماسح ضوئي ) وأول ماشريته كنت
مستانس .. أي ورقة ألقاها أدخلها بالسكانر وبينما أنا كذلك
<= = يمديكم على اللغة
.. وأنا ألقى نملة قاعدة تتمشى بالغرفة تسمع للفنانة ذكرى
قبل لاتموت ههههههههه
الظاهر إنها مسوية كاريه بشعرها .. وأنا آخذها وأحطها بالسكانر
وأكبر صورتها 1600 أكبر حجم وألقى الجهة اليمنى عندها
فيها عوج .. وأنا أسوي قص للجلد وألقى الكلوه رايحة فيها ..
وأطلع بالحوش وأجيب نملة ثانية وأدخلها بالسكانر وأحطها
في برنامج اسمه سبيكنق وأقول لها ممكن تتبرعين بكلوه
لمريضة في حالة خطرة ..
قالت : واللي يعافك .. أنا ألحين رايحة للمستشفى عشان
أسوي غسيل كلى ..
وأنا أقول : لاحول ولا قوة إلاّ بالله .. ألحين صار عندي نملتين
فيهم فشل كلوي ..
وأنا أطلع عند الحوش مرة ثانية – بس هالمرة عندي عدسة
– وألقى نملة متينه وقاعده بروحها
وأنا آخذها وأحطها بالجهاز وأدخلها برنامج سبيكنق
وأقول لها لوسمحت ممكن سؤال ؟
قالت : آمر ؟
قلت : ليش قاعده بروحك ؟
قالت : أنا فقيرة ودايم أطر من النمل لين زهقو مني
وهم يطردوني من الحاره :
قلت : شرايك أعطيك خيشة سكر ؟
قالت : تكفى ..
قلت : بشرط !!
قالت : اطلب ياباشا؟
قلت : تتبرعين بوحدة من كلاويك لنملة عندي ؟
قالت : o.k
وأنا أفتح بطنها وأسوي لكلوتها قص وأنسخ منها ثنتين
وأعطي وحدة النملة القديمة وحدة النملة الجديدة
وهم يطلعون من عندي مستانسين .. ويوم جاء الليل وأنا أروح
أسوي شاي بس مالقيت سكر .. وأروح للنملة وأقول لها :
الله يخليك عطيني سكر !
قالت : دا بعدك .
قلت : تكفين ..
تكفى تهز الرجاجيل
قالت : بشرط ؟
قلت : وشو الشرط ؟
قالت : اليوم بيجوني نمل من بيت جيرانكم ودي
أقلطهم عندك في البيت ..
قلت : اوكي من عيوني طلباتك اوامر
قالت : خلاص ،، خذ لك ملعقتين سكر ولا تكثر تراني أشوفك
وفي اليوم التالي :
جونا نمل من بيت جارنا .. والنملة تناديني وتقول تراني
مسوية تمايم اليوم رح لأقرب مطعم
وجب لنا مفطحين .. عشان ألي جاني ولد ..
قلت : ماشي .. وأنا أروح أجيب لهم مفطحين .. وكل شوي
تناديني : .. جب القهوة .. جب الشاهي .. وأنا رايح جاي ..
يوم انتهت العزيمة ووحدة من النمل الضيوف
تقول : بكرة السهرة عندي .. قالت نملتي : الله يعينك ؟
<= = يعني موافقة .
وفي اليوم التالي :
راحت نملتي عند جيراننا على الغداء .. وأنا قاعد أبكي
على حظي في البيت .. وشوي وإلاّ ألقى صرصور
.. وأنا أقول له : ورع ؟
وهو يقول : نعم ؟
قلت : وش اسمك ؟
قال : وش دخلك ؟
قلت : آسف إني تدخلت بخصوصياتك .. بس ممكن طلب ؟
قال : تفضل .
قلت : أنا سالفتي كذا وكذا .. وأبغاك تآكل النملة الليلة ؟
قال : خلاص .. بس بشرط ؟
قلت: وش الشرط ؟
قال: حمام الرجال أبغى أحجزه لمدة أسبوع ..
قلت : موافق .
وبعد قليل وهي تجي النملة مالية بطنها وتقول :
ألحين راح أقيل وبعد ماأقوم شف لي الحمام
أبي آخذ شور <= = يعني تبي تتسبح ..
وأنا أقول : حاضر سيدي .. وأغمز للصرصور ..
وفي هذه الأثناء : راح الصرصور لأخوياه وقال لهم :
الليلة عازمكم على صيدة .. وهم يندسون ورى باب الحمام
..
والنملة أول ماقامت من النوم راحت للحمام تبي تآخذ شور
على قولتها .. وهم يهجمون عليها هجمة رجل واحد .. وهم يكلونها ..
وفي اليوم التالي :
مع الصبح أسمع قرقعة بالحمام وأروح أشوف
وألقى الصرصور هو وأخوياه يلعبون بلوت ..
جتني سكتة قلبية
وأنا أقول لازم اتخلص منه بأي طريقة .. وبعد تفكير عميق ..
وأنا أدخل عليهم .. وهو يقول لي : خير يالحبيب .
قلت : أبد بس ودي أفتح النافذة عشان تهوون شوي .
قال: ياخي عاجبتني الريحة .
قلت : عشان خاطري .
قال : يلله بسرعة افتحها ولا أشوفك بالحارة بعدين .. فاهم ؟
وأنا أقرب من النافذة كني بفتحها وأسحب السيفوون
وهو يقول : غدرت بي .. غدرت بي . حسبي الله عليك .
وأنا أقول له : لو سمحت لاتقول اسم الله بالحمام .
وأنا أروح للإسكانر وأكسرة أرباً إرباً لأنه هو السبب ..
وهكذا عشت حياة سعيدة !!
الحقيقة ان هذي القصص التعيسة عندي منها كثير .. مدري اجيب المزيد :53ar:أم يكفي ؟
----------------------------
مواقع النشر (المفضلة)