بسم الله الرحمن الرحيم
حيالله المرجوجين والمرجوجات الاحياء منهم والاموات :8ar:
يقولون(الباب اللي يجيك منه ريح سده واستريح) ويقولون بعد (الظروف خلت العنز خروف) و يقولون(من سهر العلا نام الليالي) ويقولون <<اقول ورا ما تنطمين :8ar:
بعد هالمقدمة الطويلة العريضة بدخل في الموضوع على طول
بينما انا منبطحة – منسدحة – راقدة<<إرضاء لجميع الأذواق :8ar:عند التلفزيون اتفرج على مباراة الهلال والنصر جا هدف للهلال ومن الفرحة طمرت وطحت على زاوية الطاولة وأغمى علي يوم قمت وش تتوقعون شفت<<تسمع بالإثارة :8ar: . شفت تكميلة الهلال مكتوب عليها (HiLaLiAh) ورقمها (2) انا استانست ورحت اتروش ولبست التكميلة وطلعت من غرفة الملابس وانا طالعة اسمع هتافات الجماهير <<اخس يا فصحى :8ar:انا ما صدقت اقول في نفسي(انا الحين في الملعب لا ما اصدق) يوم التفت لقيت اللاعبين يسخنون واول من شفت سامي الجابر واروح له مدرعمة : هلا ابو عبدالله ممكن اصور معك؟ :8ar:قام هو طير عيونه :اقول لا يكثر روحي سخني مع اللاعبين بتبدا المباراة بعد شوي انا تحطمت ورحت لم ياسر قلت هلا ياسر معليش صورة قال تستهبلين يالله بسرعة روحي سخني واروح اسخن وبينما انا اسخن ناظرت سيقاني وارتعت من شكلها كنها غابة من الشعر اللي فيها والتفت على محمد الشلهوب (عشانه حبيب وبيرضى) images6قلت له محمد بروح شوي ضروووووووري قال بسرعة بس لا تتاخرين وتوهقيني <<على نياته يحسبني بروح للحمام المهم رحت وفتحت الجوال ودقيت على ام آلاء السودانية :8ar:اللي تشيل وقلت لها تعالي ابغاك تشيليني بسرعة انا في استاد الملك فهد قالت حاضر والله ودقيقتين وهي عندي وشالتني في خمس دقايق<<شوفوا الارانب >>:rolleyes: المهم رجعت وقلت لمحمد عسى ما تأخرت قال لا بغيتي توهقينا بس الحمدالله انك جيني الزبدة بدت المباراة والمدرب ملحطني في الاحتياط وانا متقطع قلبي ابي العب وينتهي الشوط الأول بتقدم النصر بهدف وبين الشوطين قعدت اصيح عند المدرب<<تعرفون البنات دموعهم على جريف واقول تكفى طببني وانشب في حلقه لين طببني وفي الشوط الثاني وانا العب سمعت اصوات الجماهير تقول(تكفين يا هلالية) :44ar:وانا اقول ان شاء الله ما اخذلكم ومع قولي كلمة ما اخذلكم نزلت دمعة من دميعاتي من الحماس وأصنع الهدف الأول من كورة مررتها لياسر اللي حطها في المرمى وبكذا تصير النتيجة تعادل1-1 المهم وبعد دقايق من تسجيل هدف التعادل مررلي الشلهوب عرضية سجلتها في المرمى وبكذا يصير الهلال متقدم بهدف وأنا في طريقي لصنع هجمة جا لاعب نصراوي وكسرني واقعد اصيح هومسيكين من الروعة بغى يصفر وقعد يتاسف وحالة طوارئ ويجتمعون علي اللاعبين ويجي سامي ويقول:بسم الله عليتس عسى ما جاتس شي؟ وانا ابيه يعطيني وجه :إلا شف رجلي . قال شوفيها مثل رجلي ما فيها شي:8ar: وانا اللي اعصب واقول :يا حسوفة بالخمسين اللي دفعتها لام آلاء عشان تشيلني وأقعد أصارخ من الألم يوم قمت لقيت امي مرتاعة وتسمي وتقرا علي وانا اقول سامي وينه وينكم يا هلاليين وامي تقول وشو سامي وشو هلال وقعدت تقص علي القصة وهي تصيح وانا منقهرة اني ما خذت مكافئة الفوز<<ما همها الا الفلوس ذالقعيطية :8ar:
اختكمـ/ام دحيــم :24ar:
مواقع النشر (المفضلة)