[align=center]
على طاري ليال الشوق.. واسمك، والحلا والذوق
ذكرتك ياجمـل احلامـي .. بقافـي واستهليتـه
على درب القصيد اسوق قلبي والخطاوي شـوق
واذا مالت بي الخطـوه علـى دربـك تناسيتـه
يهز الشوق بأعماقي .. عناقيد الغـرام اعـذووق
ويقطف بالغـلا فينـي غـرامٍ خنـت واخفيتـه
أحبك كثر مايشعل .. غرامك في حشاي احروق
وأشبّه زود لو يحرق ضلوعي مت .. ماطفيتـه
أحبك دمعةٍ طاحت ، على خد الصبـاح اشـروق
يموت النور لو طاحت .. على كفـي وضميتـه
تموت من البطااا غيمه.. طعنها من جفاك ابروق
وغشى روض الحشا وسمي جفافك وانت مارويته
تعال اجرح على كيفك.. تربع واستحل اعرووق
تدلل والبساط احمدي .. وانـا لرضـاك مديتـه
قم اوصل.. لآخر مداي .. تغلغل داخلي برفووق
حلالك مابقى مني.. مـع اللـي لأجلـك افنيتـه
من اللي غديت (عنوانه) قصيده ماغدا له ذوق ؟
ومن ذا اللي كتب بأسمك قصيده ..ونكسر بيتـه؟
وربي من كتبت اسمك.. وبروزته بقلبـي فـوق
وانا مـادار فـي خيالـي.. قصيـدٍ ماتحاليتـه
دخيل الدمعتين اللي غدت منهـا الخـدود شقـوق
ترفق سامحك ربي..علـى قلـبٍ لـك اهديتـه
اذا لك حق في قلبي..فأنا لي في غـلاك احقـوق
وحقـوق الشـوق محفوظه..وحـدي ماتعديتـه
تعبت اكذب على نفسي واقول ان الطرد ملحـوق
ولاني طايـلٍ حبـك ولا الله..عـان وأنسيتـه
يذكرني مساء الشوق.. واسمك..والحلااا والذوق
واردد ( ياجمل احلامي ) ابقافـي يـوم هليتـه
قرأتهآ وأعجبتني ..وحبيـتّ أنقلهآ لكـّم
تقبلو تحيآتي
[/align]
مواقع النشر (المفضلة)