مشكلتي أكثر عاطفه منك بشوي
اكتب واترجم للفرح اجمل احساس
ويرتاح قلبي لا تبع شعت اللول
يكفي أشوفها حاضره دوم بالراس
واسري بليلي في سماها على طول
صحيح قصة تنحفظ وسط كراس
قصة جميلة في متاهات وفصول
يا جوهرة مطرزة بأجمل الماس
يا صافيه من الذهب يذهل ذهول
حب جمعنا يطرد الهم والباس
ذكرى عزيزه ما بها زيف وميول
><><><><
رائعة انتي ولا مثلك محال
في عيوني غاية ابعاد الحلا
اشهد ان الله عطاك من الخصال
ما تملك كل كلي بالغلا
نادرٍ شكلك تواصيفك اهبال
خدك وثغرك ولعيان كحلا
يسلب انظار المولع بالميال
قدٍ ابكل المحاسن امتلا
><><><><
احترت يا غاليه باحساسك الغالي
ما بين كثر الجروح وقلب يشفع لك
ما ادري وش الحل لا راضي ولا سالي
إلى متى لاهيه والشوق خاضع لك
ذكرى لياليك تحيي ميت آمالي
واحس بك واتغنى فيك واسمع لك
ما اقول قلبي على الاحباب متعالي
المسألة كل ما فيني تواضع لك
لا تسأليني وانا احبك عن احوالي
الروح تنبض غلا والعين تدمع لك
شفتك بقلبي وشفت افراحي اقبالي
وقلتي لي انك بخير وقلت.. يا جعلك
><><><><
مع زماني لا تحاربني بصدك
خلني بالعمر اضحك لو ثواني
كان لك قلبٍ على غيري يحدك
وش ترى في قلبي اللي لك حداني
ليتني مرتاح من قلبي وحبك
ليت لي يازين مثلك قلب ثاني
><><><><
إن كان به حب جديد بتبدي
لا تتركيني لحيرتي صارحيني
وان كان حبي كاوي خافقك كيّ
وش غيرك بآخر لقى فهميني
انتي مهم انك عن البرد تدفيّ
ولاهو مهم يسكن أنا البرد فيني
مشكلتي أكثر عاطفه منك بشويّ
ومشكلتك انك ما شعرتي بحنيني
أحط لا غبتي على قلبي يديّ
واقول حبيبتي راحت وراحت سنيني
ولا شفتك اقبلتي عليّ واقبل الضيّ
جاتك تسابق مع شمالي يميني
إلغيرك أنتي ما مشت يوم رجليّ
وان كان لك مشي خطا سامحيني
><><><><
معقول يعني تحرقيني وانا حي
معقول من بعد الغلا ترخصيني
وشلون ابقضي باقي ايامي كذي
أما خذيني حي ولا اقتليني
><><><><
أنا كذا واقعي وأخلاقي أخلاقي
ما فاد فيها قليل الحكي وجهوده
من واقعي غير همي ويش أنا لاقي
والوضع بين ولا يحتاج لشهوده
دايم وأنا في نقاش وجهد وارهاقي
والفكر مشغول والأعصاب مشدودة
وأنتي حياتك ترف والمستوى راقي
كانك بقيتي معي تراك مقروده
والله ما عاد باقي شي وش باقي
أفكار متخالفة وكبود ملهوده
وإن ضاق صدرك علاج الصدر لا ضاقي
أبواب الارزاق ما هي عنك مسدودة
><><><><
تعبت من جرح من العام مفتوح
تعبت أقول من التعب عالجيني
مليت من بعدك من السهر والنوح
خلاص من هذا العذاب ارحميني
حبك علاج جروح وأسباب لجروح
لا هو على كيفي ولا في يديني
والله ما عودت قلبي على البوح
حبك كتمته بين قلبي وبيني
><><><><
مواقع النشر (المفضلة)