يا ليتني جاركم أو ليتني من هلك من شان نظرات عيني بالغلا تحتويك
يا ليتني جاركم أو ليتني من هلك
من شان نظرات عيني بالغلا تحتويك
بالحيل أحبك حبيب الروح وأرتاح لك
شريك روحي ولا لك في حياتي شريك
تستاهلين الغلا والقلب يستاهلك
تفداك حال وكل اللي معي يفتديك
أقولها لك بكل الصدق ما أجاملك
(يا غلي في عيوني بالغلا مشتريك)
[mark=FFFFFF]،/،/،/،/،/،/،/،[/mark]
أنا أبيك ولا أبي من بغوني
يفداك شيخات البشر والمزايين
دام المشاعر في هواك ارغموني
وأنا الذي ما يفكر بحب ثنتين
كل البشر من نظرتك يحسدوني
ما الومهم من شاف طرفك شكى البين
تعالي دام هموم قلبي نسوني
بس اذكريني لو ذكرتي ملايين
[mark=FFFFFF]،/،/،/،/،/،/،/،[/mark]
من شاف عيني عرف ما بينك وبيني
يشوف صورة حبيبي بين أجفاني
ومن أجل حبك بدا كل يعاديني
فيك احسدوني
حبك كشف لي حقائق أثرت فيني
كانت بعيدة عن أفكاري وتحفاني
خلعت عنهم قناع الزيف بيديني
لين ظهرت لي ملامح كره عدواني
ما دام قلبك على نبضه يغنيني
وش لي بناس أملها شوفة أحزاني
ما دام حبك مطر يروي بساتيني
باتراك جفاف الصحاري لواحد ثاني
[mark=FFFFFF]،/،/،/،/،/،/،/،[/mark]
ذبلت ولا بقى بوردي سوى غصن بك أشقيته
ضويت ولا بقى فيني سوى حبك يمنيني
أخذت الجرح بأحضاني يجي منك وضميته
هلا يا لوعة أحبابي يا زرعي يا بساتيني
وغصني اليابس الأصفر ينزف أعيوني أرويته
وكل هم يجي منك عساه اللي يماريني
وكل دمعي وكل سجعي وكل شوقي لك أهديته
أنا طبعي بعد ربعي أحبك لو تجافيني
[mark=FFFFFF]،/،/،/،/،/،/،/،[/mark]
الهدايا منك عن كل الهدايا
يا أعز الناس تسلم لي يديك
والله انك بس بوجودك معايا
تكفي احساسٍ غدا منّك وفيك
جيتك لي عطرت كل الزوايا
قبل ما عطرك يفوح ويحتويك
لا تكلّف خاطرك بذل العطايا
يكفي انك صرت لإحساسي شريك
[mark=FFFFFF]،/،/،/،/،/،/،/،[/mark]
يا شمعة الحب يا نوره ومصباحه
اغليك في سرها والا علانيها
قصائدي فيك لا غنيت بواحه
تختال فيك القوافي من معانيها
الحب ماله طبيب ولا له جراحه
من خلقت الناس مخلصها وانانيها
الا انت يا مالك قلبي ومفتاحه
فرقاك صعبة عليه يوم اعانيها
[mark=FFFFFF]،/،/،/،/،/،/،/،[/mark]
كان ابهرك حب قلبي كيف الي به خفا
الله لو تدخله وتشوف ما كبر غلاك
لو قلت احبك واحبك كل ذا ما كفا
وشلون يكفي وانا اللي عايشٍ في رجاك
البارحة كل نورٍ غير نورك طفا
حتى القمر يا حبيبي يستحي من بهاك
[mark=FFFFFF]،/،/،/،/،/،/،/،[/mark]
ما يشيب القلب فيني ما يشيب
وانت تسكن داخله حب وغلا
يابعيد وأنت بالخاطر قريب
لو بعدت بعيد ما عنك سلا
شف نصيبي في هواك اجمل نصيب
اعتلا نجمك ونجمي لك علا
[mark=FFFFFF]،/،/،/،/،/،/،/،[/mark]
أسير حبك ولكن في الغرام أجهلك
يا غاليه في عيوني بالغلا مشتريك
ما شفت زولك ولكن في خيالي ملك
سبحان من صورك بالزين مصخي عليك
ودي أجاوبك لكن قبلها بأسألك
بتموت فيني مثل ماني تولعت فيك
أشتاق لك بالدقيقة كيف ما أشتاق لك
كم ليلة في لذيذ النوم حلمت فيك
وأفز من غرفتي في النوم وأتخيلك
مرات أفكرك قدامي وأسلم عليك
ومرات أطالع لحسنٍ فيك وأتأملك
وأخاف من عين حسادك وأسمي عليك
[mark=FFFFFF]،/،/،/،/،/،/،/،[/mark]
عبر عن احساسك وعن كل قصدك
فاتحني بموضوع قلبك وافاتحك
لا تستحي.. ما عاد شيٍ يردك
يمكن ابادلك المشاعر واصارحك
ويكون ودي، مثل ما كان ودك
حرام هالكتمان والصمت يجرحك
يكفي وصلت اليوم بالصبر حدك
[mark=FFFFFF]،/،/،/،/،/،/،/،[/mark]
مواقع النشر (المفضلة)