×?°رحلة صيد خكاريا×?°

**سفيرة القلوب** · 19-07-2007, 08:56 PM

مسائكم عسل ياعسل
وصباكم قشطه

ندخل بالموضوع ع طول

في احدى اليالي السود والموحشه
المليئه بالعواصف الهوجا
وصوت صفير الريح(نفس الصوت اذا كنت ماصكيت دريشة غرفتك زين وكان فيه هوا قوي)<=== يلعن ام التوصيف ياشيخ

كان محمد وصديقه العزيز ابو شوشه مهجدين الاسود وملبخين الفهود
طالعين يصيدون جرابيع وكانت اول مره يطلعون يصيدون فيها
طبعا كانوا راكبين بالوانيت الاحمر حق جد محمد الهنقلين موديل 74طبعا مافي مسجل عندهم رادو روسي تطلع الانتل مع الدريشه
والمكيف قوي مره لانه يجيك مع كل مكان من التنسيم بس كان يعاني من مشكله صغيره انه يهرب ركاب
يعني لو يمسكون خط الرياض9 اشخاص ياصلون البر 2 والثالث متعلق بالصدام الي ورا
وكان محمد وابو شوشه لهم 4ساعات يدورون جربوع واحد مالقوا
وهم يتمشون في البر قال ابو شوشه انا اسمع صوت تلفزيون ويتبعون الصوت ولقوا جربوع جالس يناظر قناه فلاش مسلسل
((الخطر معهم))<====ماعندهم الا هو

طبعا محمد وصديقيه ابو شوشه اخلاقيات المهنه ماتسمحلهم يهاجمون العدو من الخلف
وقرر محمد و ابو شوشه بعد اجتماع مغلق انهم ينزلون ويعلمون الجربوع انهم فيه علشان يهج<===واضح مهجدين الاسود
ونزلوا وصادفوا السيد جربوع وقالوا له السالفه كيت وكيت قال والله اني متكسر بس بعد مسلسل( الخطر معهم)
خلص المسلسل وقام الجربوع ونزل الوزره وطق الشورت والشرابات وكنادر الكوتش(مانع الانزلاق) وخلا الفنيله العلاقي
واحتروه لهم ربع ساعه يصخن الاخ

.......(((وبدا المطارد))).........

ودعس الجربوع وهم عيا لايمشي الوانيت ياولد ادعس امش ومحمد داعس عليه الين ماطلعت المكينه لسانها امحق مهيب سياره
غرزوا ياولد ومحمد يكبس للجربوع ويجي قالله بالله نبي خدمه بسيطه نبيك تدف معنا الله لايهينك قال الجربوع يله ويدف هو وابو شوشه ويمين يسار وطلعوا الددسن
ويركب ابو شوشه وانزل من الهبله تقول شايف جني ابو شوشه شوشته طايره <== حاط جل على شعره ومع التراب وقفومغبر وجه ويتعوذ محمد من ابليس ويقرا المعوذات ويركب ويقول للجربوع يله هج
ويدعس الجربوع قدامهم وهم وراه ومن قشعه لقشعه وانواع الجروف وانواع شبوك الغنم وانواع البنقاليه الي عند الغنم
والجربوع انواع التحويس فيهم وياكلون ذاك الجرف الي مابعده ويطير الوانيت ويتقلب عشر قلبات الا ربع<===تراه ماطلع ونيت طلع طياره
ولاصحوا الا على كفوف الجربوع ومحمد بالصندوق ويصحى ويقول ابو شوشه وينه ويدوره محمد والجربوع نص ساعه
((اجودي هالجربوع))ويلقون ابو شوشه متعلقة شوشته بقشعة شجرة شوك وش يفكه عاد هههههههههههه
ويحاولون محمد والجربوع يمعطونه لاكن مافيه فايده شوشته شابصه ويقول الجربوع خل نربطه بالواير ونسحبه<===حشى مو شعر ذا
ويربط محمد ابو شوشه مع رجوله ويدق سلف ويشتغل الوانيت اصلي
ويتله بواحد ويصارخ ابو شوشه من شدة الالم ويوقف محمد ويرجع لمه وانواع الدمان تطلع من شوشته وابو شوشه يصارخ
ويتذكر ان معه بالعده صاروخ (منشار كهرب لفك الحديد ) وياخذه وياحاول يقص شوشة ابو شوشه وبل هواش يالله قصه
وخذ محمد ابوشوشه ويدهن راسه بزيت فرامل ويلف عليه خرقه
وبدا ابو شوشه من عقب زيت الفرامل اذا عطس تطلع منه ريحت (فحمات)

المهم تعاطف معهم الجربوع يوم شافهم ماعندهم خبره بالتمقنص ودرى انهم ماعندنهم ماعند جدتي وسلم نفسه
لهم بدون مقاومه والله عليه قلب هالجربوع

م
ن
ق
و
ل

**أم صقر** · 19-07-2007, 09:26 PM

يعني لو يمسكون خط الرياض9 اشخاص ياصلون البر 2 والثالث متعلق بالصدام الي ورا

8
8
8
8

اطلــــــــــــــــــــــق شي بالموضوع:189[1]:

شيييي

اجل دايم مفقودين الركاب..:175[1]:

**سفيرة القلوب** · 19-07-2007, 09:35 PM

المشاركة الأصلية كتبت بواسطة أم صقر

يعني لو يمسكون خط الرياض9 اشخاص ياصلون البر 2 والثالث متعلق بالصدام الي ورا

8
8
8
8

اطلــــــــــــــــــــــق شي بالموضوع:189[1]:

شيييي

اجل دايم مفقودين الركاب..:175[1]:

اجايه شفتي عاد
حتى ونيتهم ولا ونيت كاتم الأول هذاك
اذا تخبرينه
:186[1]:
يسلمو ع المرور

**كاتـم الآهــات** · 20-07-2007, 04:45 PM

ههههههههههههههههاي

اجل ونيت حمر وزحمه

واخرتها جربوع لا وهو اللي مسلم نفسه بعد

اويلاااااااااااااه ياونيتي بس <<<<<<<يقول اوه (تنهيده من الاعماق)

سفيرة

يعطيك الف عافيه

قوووووووووووووووصه جوووووووونان

تحيتي لك,,,