[poem=font="Simplified Arabic,6,white,normal,italic" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
هيض بن حصيص في تالي نهاره =ألف قافٍ من ضميره دارجـــــــاتِ
راكبٍ من فوق منبوز الفقــــــاره =آركي وحبال كوره كالفـــــــاتِ
آركيٍِِ ومربع عشب القـــــــراره=ماعــلاه الشد له سبع سنــــوات
كن في عينه من الفرقا شـراره=أو مخاليب الوحوش الطايــــرات
ولعتني بالهوى والزين ســاره=واخلفتني عن غنادير البنــــات
من خبر جارٍ ذبح بالود جــــاره =بالمبـيسم والثنايا المرهفــــات
المطوع لو يشوف خدود ســاره=طبق المصحف وعجل بالصـــلاة
ريق ساره سكر له في غظــاره =أو حليب ابكار عربٍ مسمنــــات
والثنايا قحـويانٍ في زبـــــاره=نافلٍ نوره على كل الـنبـــــات
والنهود زبيديٍ في لغد قـــاره=علهن وبل الحيا ومـصلعــــــات
حالفٍٍِ ما سلى ولا انسى حب سـاره =لين اهل شقـرا يخلون الـصــــــــلاة
صاحبي بالجو مد هالــــــــه وداره=ما ربى في ثر مــدا وألا مــــــرات
جعل ضلع طويق يمحل هـــو وداره=جعل يمحل والوشوم مربـــــــــعات
واوجودي وجد مكسور الجبـــــاره=ساهرٍ تسعين ليله ما يبـــــــــــــات
أو وجود الـلي فضى الحاكم دياره=وخذ ماله والحريم مسـلبـــــــــــــات[/poem]
مواقع النشر (المفضلة)