كل شيء بداخلي ميت وكاد غير حبك باقيٍ عايش معي
كل شيء بداخلي ميّت.. وكاد
غير حبك باقيٍ عايش معي
نار حبك كل يومٍ بازدياد
يحترق جوفي وتطفيه ادمعي
"""///""""""///""""
نسيت كل الظروف وجيت أنادي لك
ياللي الى غبت عني كني لحالي
مانيب زعلان جيت اقصد واغني لك
نسيت لعيونك.. الأول مع التالي
"""///""""""///""""
شفتك وهز شعور قلبي مراعاك
كلك حلا ما شفت منك فتني
تصورت فالقلب طلعة محياك
لو رحت عنك بعيد ما غليت عني
كن النهار بواضح النور يغشاك
والليل فالكشح الهظيم مثني
تخجل بلفتاتك مقابيس الأفلاك
حتى القمر والشمس لك يخضعني
"""///""""""///""""
ملكتني باللي للأرواح ملاك
أرجوك ثم أرجوك لا تمتحني
لو المنى ينفع تمنيت لاماك
مير المطالب ما تجي بالتمني
"""///""""""///""""
يا قلب سامحني على كل زلة
أخطيت في حقك كثير وتماديت
علمتك أدروب الهوى والمذلة
عليك يا قلبي قسيت وتجنيت
ياما نصحت وقلت من صد خله
لا شك ما طاوعت يومك تخليت
واليوم دمع الحزن عيني تهله
يا ليتني طاوعت شورك وصديت
يا قلب أنا وياك نارٍ ودله
من حزنها تشرب وأنا قد تقهويت
"""///""""""///""""
سهاد حزني ينتهي في هديلك
ويظهر ربيع الوقت ان لاح طرياك
ان جيت تضحك دمعتي من مخيلك
وان غبت اسامرك بعتب واتحراك
لا لا تغيب وما بغيته يجيلك
لو قلت هات العمر لأقول لك جاك
سيف المشاعر والفكر يعتزيلك
قافٍ وراعي القاف يا زين يفداك
"""///""""""///""""
مصيونة عن كل نقص ومنقود
غير الجمال وحسنها زين أدبها
درة بحر روضة رياحين وورود
والرب من حسن الطبيعه وهبها
تلبس ذهب والماس واسوار وعقود
ومن حسنها الباهي تجمل ذهبها
وعمري قضى واللي مضى صعبٍ ايعود
صارت حياتي ضايعه من سببها
مدري عن الأيام والوقت محدود
ما عاد أميز حجّها من رجبها
"""///""""""///""""
صبرت واخفيت المحبه والاشواق
لين ان نار الحب صارت حرايق
ولولا ضلوعي ضبت القلب بوثاق
والا تمزع ما تفيد العلايق
والحبر صاغ الفكر في بيض الاوراق
تصريف هجس اللي به الفكر ضايق
لي هاجس عاشق وللشعر يشتاق
ولي صاحب يسوى طويلات الاعناق
وفي خاطري من دون كل الخلايق
دايم على وصله معذب ومشتاق
وياما على شانه حسبت الدقايق
واقسمت له باللي كفل كل الارزاق
اني على حبه اصون الوثايق
"""///""""""///""""
لو كنت أقدر كان بيديني أمنعك
وآخذ عليك العهد ثابت وموثوق
عشت الهوى والحب باجمل مرابعك
حب زرعته أثمر نخيله عذوق
وأسقيتني حبك من أعذب منابعك
يا خير من يمشي على الأرض معشوق
تسمو بأخلاق الرجولة وترفعك
عن الدنيا روعة الخلق والذوق
يأسر كلامك لب عقلي وأنا اسمعك
والحكي عندك له مفاهيم وحقوق
"""///""""""///""""
مواقع النشر (المفضلة)