المشــاعر ..وربمــا (ألمــ ...شاعر)
قالت إفرض طيب إن الشمس نامت من تعبها
من تظن يفك أزارير المسـا ويصـب نـور
قلت أبد لا تشغلين عيونك إلا فـي هدبهـا
واعصري ظلك تسيل شموس وتجف البـدور
ياحياتي والمشاعر هي " الم... شاعر" كتبها
والغلا هو " الغ...لا " وأعذر حبيبك لو يجور
ولو رصعت الشمس روبي وأكتسا اللولو لهبها
أختفت مع لمعة ظلالـك بقيعـان البحـور
وغرتك لا هفهفت حتى الهوى لا ماقضبهـا
ودايم تفرّك يدين اللي يصافحـك العطـور
وماسبقك أحد ٍ تجلل بالسحايب واعتصبهـا
ولاعرق حي ٍ دهن ورد وزفر غيرك بخـور
آه يا أحلى ذنوب العاشق اللـي مأرتكبهـا
الغرور يصيب غيرك وانت من صاب الغرور
شفت دورة هالكواكب حول شمس ٍ تجتذبها
كنها قلوب الأوادم حولك تحـور وتـدور
نفسي ادري من سبقني للمواعيـد وشربهـا
او من اللي بس عبا دمي إحساس وشعـور
ياحبيبي قد سمعت بنار قد حنـت حطبهـا
أو بمن يشهد على نفسه لخصمـه يـوم زور
طالبك لاتنشد دموعي حبيبي عـن سببهـا
واعذر القلب الحزين وانت بالحيل معـذور
قالت افرض طيب ان الشمس قلت يوم ادبها
قلت انزلها بقذلة صبحها وأكتبك نوووووور
للمبــدع\عبدالمحسن بن سعيد
رد مع اقتباس
مواقع النشر (المفضلة)