ادعي عسا ربي من الشر يحماك هاذي دعاتي قبل ممسح جبيني
أحبه و أشعر اني في حبه أموت و أحيا
كل ثانية يدق قلبي نابضاً بعشقي وانتمائي له
أفديه بروحي التي تتكلم الآن
هو الشعور بالأمن و الأمان
هو الدفء الذي أحسه عندما أرتجف كورقة خريف تائهة بين الأشجار
هو الأمل الذي أحلم به أن يتحقق يوماً من الأيام
هو الشعور الذي أحسه عندما أكون وحدي والدمع يحرق وجنتي الباردة
هو الهدف الذي أطمح له لكي أحرره من كل قيوده
هو كل معني للحب و العطف والحنان
ٍٍٍ ٍٍ ٍ ً ً ً ٍ ٍٍ ً ً ً ٍ ٍٍ
يازينها لحظات شوفك وملقاك
وليتك مثل ما بيك وازود تبيني
ويازينها لصافحت يماني يمناك
يزول هم بالخواطر سجيني
حلفت انا لو غارت البيض منساك
وش عاد تبغي عقب حلف اليميني
ادعي عسا ربي من الشر يحماك
هاذي دعاتي قبل ممسح جبيني
ٍٍٍ ٍٍ ٍ ً ً ً ٍ ٍٍ ً ً ً ٍ ٍٍ
أنا أشهد أن الحب يا ناس غلاب
ما كان عقبه من وجوده تشوه
يذبحني بنظرة غلا سود الأهداب
واليا غضب أموت لحظة هدوه
لو آصفه بجمل بشر صرت كذاب
لنه عليه بزود ملح يتفوه
ٍٍٍ ٍٍ ٍ ً ً ً ٍ ٍٍ ً ً ً ٍ ٍٍ
تعرفين أن الغلا ما هوب ضحك ودمعتيني
الغلا شي من الله يحيي قلوبٍ عطايب
أذكريني أذكريني أذكريني أذكريني؟؟
لا حيا بستان حبك ومطرت فوقه سحايب
وأذكريني عاشقٍ مغرم على مر السنيني
دام حبك في عيوني ثامن السبع العجايب
ٍٍٍ ٍٍ ٍ ً ً ً ٍ ٍٍ ً ً ً ٍ ٍٍ
مشاعري من دون قصدي حكن له
اسرفت بالفرحه وانا همي افواج
اقول وينك وانت سيفك تسله
كنت اذكرك تختال في عين وحجاج
اموت ما ينسى النظر نظرتله
خذيتني وسط البحر بين الامواج
قتلتني واملك عليك الادله
هي ليله مرت ولا عاد يحتاج
قلبي ولا ادري وين قلبي وصل له
هذاك كان الليل عن عين الازعاج
قبل التعاسه والحياة الممله
ٍٍٍ ٍٍ ٍ ً ً ً ٍ ٍٍ ً ً ً ٍ ٍٍ
كم كنت أعاني وكم أنا كنت أخفي
وكم اشتكى قلبي وأنا أقول خفه
أدري لو أني قلت ماحد بصفي
الحظ عاند والزمن صار صفه
كم واحدٍ له شف يشبه لشفي
وحال الزمن بينه وما بين شفه
من ضيم وقتي جاني اللي يكفي
يأخذ ولا مدة لي الخير كفه
ٍٍٍ ٍٍ ٍ ً ً ً ٍ ٍٍ ً ً ً ٍ ٍٍ
بآدلله وآخذه رحلة لدنياي
بآعلمه عشق الضنين لضنينه
باطلبه ثم أطلبه ما يخلف الراي
يوقف ولا يكسر كلامي بحينه
ولو طال فيّ الوقت ما مل ملفاي
ملفاي في حضنه وعقله وعينه
ننطر رضا خلي وفي ظل رجواي
نسكن ولو خارج حدود المدينة
ٍٍٍ ٍٍ ٍ ً ً ً ٍ ٍٍ ً ً ً ٍ ٍٍ
سافر حبيبي جعل ربي يخليه
والقلب من فرقاه أعلن حداده
سافر وروحي بالهوى مولعه فيه
ارجى وصاله ثم اعشق وداده
حيثه غلا روحي وبالقلب شاريه
هو طب قلب ما لقيناه ضماده
يعطيني ادروس وأنا ادروسي اعطيه
ونجحت انا بالدرس نلت الشهاده
يستاهل التقدير يا كثر ما اغليه
وعسى الولي يعطيه دوم السعاده
وعسى الولي يهديه يرجع لغاليه
ويكف عن طاري السفر مع عناده
ٍٍٍ ٍٍ ٍ ً ً ً ٍ ٍٍ ً ً ً ٍ ٍٍ
إن بكيتك قالت الدمعة نشبت
وإن نسيتك خايف العبرة تخون
من بحر عينك وانا راوي شربت
يا عيون ما تشابهها عيون
يكفي اني لا تذكرتك طربت
والله اعلم وش بقلبي من حزون
يا غريبة لجلك اشعاري كتبت
شدني لك ناعس اهداب العيون
من عرفتك يشهد الله ما كذبت
ٍٍٍ ٍٍ ٍ ً ً ً ٍ ٍٍ ً ً ً ٍ ٍٍ
لست أحلم.. لست أحلم
فسأبحث عنك وسأسأل عنك
طويلا.. طويلا
لأن قلبي إليك سيظل يخفق
بالشوق والحنين
لست أحلم
ٍٍٍ ٍٍ ٍ ً ً ً ٍ ٍٍ ً ً ً ٍ ٍٍ
مواقع النشر (المفضلة)