اشعلي نار الغرام اللي تشـب الشاعريـة
[poem=font="Simplified Arabic,6,blue,bold,italic" bkcolor="transparent" bkimage="" border="solid,4,gray" type=2 line=1 align=center use=ex num="0,black"]
اشعلي نار الغرام اللي تشـب الشاعريـة=واحفظيلي كل كلمة قلتها بـك واكتبيهـا
وصارحيني في مفاهيم الكـلام الفلسفيـه=وكل كلمه تحتمل تفسير(ن) اخر علليهـا
خلي افلاطون يضحك في زمان الجاهليـه=وادخلي في مملكة نـزار يـوم وفجريهـا
واخرجي من عصر تيمور ومفاهيمه وغيه=وانفذي بين الاتون المظلمـات ونوريهـا
واكتبي بعض الرسايل بالحروف السومريه=وانقشيها نقش من كل الجوانب وابرزيهـا
رجعي صوت المحافل بالعصور البابليـه=والحياه اللي تعبنا مـن صخبهـا لونيهـا
خلي اذكى من يعرف الرمز يجهل ياذكيه=غيري بعض المعاني والمسارات اخلفيهـا
واكتمي سر المحبه واسكتي كنـك غبيـه=واستبيحي جملة ظنون الجنـون وهمليهـا
واضحكي كنك سعيده وان تظاهرتي شقيه=واجعلي لبس المعاني يعتريـك ويعتريهـا
طالعيني في حضور الناس بالعين الرديـه=حال من وده له بحاجـه وكنـه مايبيهـا
وانظريلي من خلاف النور بالعين الرضيه=والغيوم اللي على بعض المعالـم بدديهـا
وزعي كل النوايا واتركـي للحـب نيـه=نية(ن)مايعتريها شك يـوم ولا يجيهـا
امزجي بين الغباء والتوريـه والعبقريـه=وكل جمله قبل لاتبديـن فيهـا راجعيهـا
خلي المتعه تعدى كـل تركيـب الخليـه=السرايـر بالشعـور العاطفيـه وزعيهـا
واتهميني بابتعادي لو بقت نفسـي بريـه=يعني الغيره على قـدر المحبـه قدميهـا
واستغلي موهبة شاعرك باسـرار خفيـه=كل شمعه تشتعل منها القريحـه ولعيهـا
ناوليني كل ورده مـن جناينـك البخيـة=واكتبيلي رمزها واسرارها وامضي عليها [/poem]
جوهر الحربي
رد مع اقتباس
المشاركة الأصلية كتبت بواسطة شمـ انثى ـــــوخ
مواقع النشر (المفضلة)