[align=center]السلام عليكم ورحمة الله وبركاته
هذه مصافحة مني بعد طول غياب عنكم
قصيدة جديده وتعتبر اخر البوح .. ارجو أن تعذرونني على الغياب الخارج عن إرادتي[/align]
[poem=font="Simplified Arabic,5,purple,bold,normal" bkcolor="transparent" bkimage="backgrounds/18.gif" border="double,6,purple" type=2 line=0 align=center use=ex num="0,black"]
ارفـع الصـوت واجر اللحـون الجديده=واتـمثل بـقافٍ يـطـرب الحاضريــني
هاضـني حـب غروٍ في ديارٍ بعيده=اتعـب القلب بعـده عـقب فرقا سنــيني
له وصـوفٍ انا بعـدها في قصـيده=وصـف يسـحر جميع الناس والناظريني
له عـيون ٍ كـحـيله من نظرها تبـيده=صوبن قـلب ابن عامـر وباح الكنـيني
في عـيونه رمـاحٍ تــذبح اللي تصيده=كل ماشفت عـينه قـلت يالله تعيني
والجـدايل سـواد الليل لافـل جـيـده=فـوق صـدرٍ ينـور في الظـلام ويبـيني
ومبـسمٍ له صـغيرٍمثل مانتَ تريده=بين خـدين تـبـرق من يـسار ويمـيني
عود مـوزٍ وله خصـرٍ صفاته فـريده=الجسم مـنقسم نصـفين يومي بليني
بلغو في الاذاعه واكتـبو في الجريده=ان حبه سكن في وسط جوفي مكيني
حبه اللي في دمي جاريٍ في وريده=عــقب ماغاب عني عافت النوم عيني
عقـب فرقاه انا عايـش حـياةٍ زهــيده=كل ليلٍ وكل الخـلـق تــسمع ونيــني
اشفـق لشـوفته فــي كل يـومٍ واريده=وكـل مـاجا على بـالي تـزايـد حنـيني
احسـب الوقـت واعـد الليال المديــده=واتحرى مـتى مضنون عيني يجيني
جرح قلبي ولا به وصف طبٍ يفيده=كون شـوفة عـيون الزين ياسامعـيني
ليت يسمع قصيدي يوم اجر النشيده=لجل يعـرف غرامه وسط قلبي دفيني
قبل ماخـتم انا بقـول جمــله مفيده=جمــلةٍ للحبــيـب اللي ابــيه ويــبـــيـني
ياحــــبيـبي تـرفـق والبـطى لاتـزيده=احفـظ العهــــد يالمجمول بينك وبيني[/poem]
[align=center]تحياتي
*
*
*[/align]
مواقع النشر (المفضلة)