بسم الله الرحمن الرحيم
قصيده للشاعر محمد الفليج السبيعي
يا ربعنا هاتو جـواب السؤالـي
الوضع يبغا له على الفور تصحيح
في الي يسمون العـذارا سحالـي
والي يسمون النشامـا تماسيـح
بين البنات وبين بعـض العيالـي
كلن يقطع في جنوب المفاطيـح
ويش الطريقه يا بنـات الرجالـي
وويش الطريقه يا العيال المفاليح
بين الحرام وبيـن درب الحلالـي
فرق كما فرق الثريا عن السيـح
الخلق خلق الله ولا بـه جدالـي
والى فضيتـو عبروهـا بتسبيـح
يا الي تسب امك على كل حالـي
واختك وبنتك ليه تلعب بك الريـح
حتى نسيت الـي غذتـك بدلالـي
وجرحتها مع جملة القوم تجريـح
ويا الي تولجتي كـرام الرجالـي
سترك إلى ثارت عليك النوابيـح
سترك إلى هبت هبوب الشمالـي
وامست دموعك فوق خدك سلافيح
شوفو لكم بـدال اهلكـم مجالـي
انكان تبغون السعـد والمرابيـح
أخوكمـ مين على جرحي سأل
مواقع النشر (المفضلة)