[align=center]مايفضح اللي حب إلا آخر اللحظات
لامد كفه بالوداع وصد بعيونه

معاه رايات الأسى وجيش من العبرات
وبين الحنايا صهيل خيول مخزونه

كنه على موعد معك ياهادم اللذات
من شاف ما صابه يقول الله في عونه

سلام يا للي ناوي الفرقا عدد مافات
وتعداد مامرالسحاب وهلت مزونه

سلام من قلبٍ سكنته أنت والحسرات
غلاي تكفى يامودع ناضري صونه

إرحل وأنا برحل معي هم وتعب وسكات
وأسرار مابيني وبين الروح مدفونه

إرحل مدام الله كتب لك يا لحبيب شتات
مالي على حكم القدر رأي ولامونه

مالي بعدك الا الصبر ومجاذب الونات
وقصيدي اللي كل خلق الله يغنونه

وإن طالت الغيبه أبنعى الحب لو مات
عسى الهوى بك يشتعل وتردك ظنونه

وبحاول أسلا ولو يصيح الشوق بي هيهات
وبحاول ولو يصيح القلب ما اخوووووونه




\\\\\


منقوووول




فااتنة العيوون


\\\\\[/align]