ارتفاع الاسعار ... نار في نار ... والشعب ان هار .. تكفى يا ابو متعب !!!
السـلام عليكم
جاني رابط اليوم بالمسن من شاعرنا جزاء
فيه هالقصيـده .. بصراحه انا استمعت وانا اسمعها
اتركم مع القصيـده
يالله .. يالمعبـود .. يالنافـع .. الضـار
ياللـي علـى امـرك تستخيـل المخيلـه
بامرك تسـوق الريـح خيـرات وامطـار
تحيـي هشيـم القـاع ويسيـل سيـلـه
يالله .. بوجهك عـن صودايـف الاقـدار
يالواحـد اللـي كلـنـا نلتـجـي لــه
يالله .. تلطف ستـر ستـرك يـا ستـار
مـا عـاد باقـي فـي يدينـي وسيلـه
افكار .. تقبـل بـي وتقفـي بـي افكـار
ولاهـو بـغـادي فالطـريـق الدليـلـه
صـدري غـدا بـه مثـل نقطـه ودوار
هموم تقفي عنه .. واخـرى تجـي لـه
كنـي علـى تفصـيـل الاخـبـار رادار
سمعت واللي شفـت انـا اشيـا مهيلـه
كلـه سبـب زود المعيشـه يالاخـيـار
والزنـد يقـدح فـوق خشـم الفتيـلـه
لا والله الا ولعـت نــار فــي نــار
عـزي لكـم ياهـل الفلـوس القليـلـه
لعبـه محاكـه بالخفـا بـيـن تـجّـار
وعذر الموزّع .. ( زاد سعـره وكيلـه )
من عقب الاسهم .. ضاع مشروع الاعمار
وقصـرت يديـن اهـل اليديـن الطويلـه
ضحايا الاسهم ..( نصهم ) راح للشهـار
(والنص الاخر ) .. عاش عيشـه ذليلـه
والشعب هـلّ الدمـع مـدرار .. مـدرار
كنّـه علـى وهّـاج حــام المليـلـه
مـا عـاد يقـدر يدفـع قسـوط واجـار
والهمّ .. ياكل مـا بقـى مـن حصيلـه
ماهيـب ملّـي صـارت القصـه امتـار
وكبـد المعنّـى مـن غثاهـا عليـلـه
حتـى البهايـم تشتكـي رفـع الاسعـار
زاد ( الشعيـر ) ويـن تلـقـى مثيـلـه
تكفى يا ابو متعـب تـرا شعبـك انّهـار
وضعـه تـردّا والغـلا شــد حيـلـه
قايـد مفـدّى عنـد شعـبـك وبيـطـار
يالقايـد اللـي مــا رضيـنـا بديـلـه
يـا حـر ياللـي جاذبـك ماكـر احـرار
مالـك مـكـان إلا بــراس الطويـلـه
لا جـات عنـدك تنتهـي كـل الاشـوار
يصنـع لـك الممكـن مـن المستحيلـه
عاين بالعين العطف وتشـوف الاضـرار
شـوف الغـلا اللـي مبتلينـا بميـلـه
يـا سيـدي حنـا لكـم وقـت الاخطـار
عون ٍ على الشـدّه .. سيـوف ٍ صقيلـه
حنـا قبايـل .. بـس لا ثـوّر غـبـار
مـن دوم عـرض الـدار نصبـح قبيلـه
مـن دونكـم حنـا متاريـس وجــدار
يـوم العميـل يخـون رفقـة عميـلـه
والله يديـم الامـن وطــوال الاعـمـار
والله يحفـظ الـدار واهــل الفضيـلـه
للحفــظ
رد مع اقتباس
مواقع النشر (المفضلة)