][وقف.!! ..وقلي ليــــــــه ][
السلام عليكم ورحمة الله وبركاته
][ ياويـــل قلـــبي ][
[poem=font="Simplified Arabic,4,black,bold,normal" bkcolor="transparent" bkimage="" border="double,4,black" type=0 line=0 align=center use=ex num="0,black"]
ياويل قلبي آه لاحل ذكراك=تهل دمعه من عيونن شقيه
والعقل يتشتت اذا سمع طرياك=واصير كالمجنون وازود شويه
كنت اتمنى امنيه اني القاك=ثم يجتمع ذاك الشمل يا اجوديه
وأقـول وينك راح عمري برجواك=وتقول لاتزعل ضروفن قويه
ثم أعذرك واقول محلاك محلاك=ومن الحيا ترجف يدينك يديه
وقف..!! وقلي ليه وش سبت اقفاك=وشهو انا ذنبي وأيش الخطيه
ماكنت اظن بيوم بيكون مبداك=ان الحبيب يخون لحظه خويه
خدعت قلب عاش عمره على رضاك=اثرك ياخاين ناوي اليوم نيه
صدقت في حبي وضحيت وش جاك=وارخصت من حولي وصرت الضحيه
وين الوفا.؟وين المحبه ولقياك=وين الوعود وين قولك وفيه
وختامها يغفر لك الله خطاياك=ويسامحك في زلتك يابنيه
اما أنا بروح مده وانساك= واضن قبل انساك تاتي المنيه[/poem]
كلمات:- ..BaNDeR..
رد مع اقتباس
مواقع النشر (المفضلة)