هل اعتزل ... أم انتحر ... أم أعاني ؟
هل اعتزل ... أم انتحر ... أم أعاني ؟
--------------------------------------------------------------------------------
هل اعتزل ... أم انتحر ... أم أعاني
أشتاق لك لامر ذكرك وطاريك *** وأحزن إذا قلبك جفا أو نساني
لبيك بأعلى الصوت لبيك لبيك *** يامن ملكت الروح قبل الآواني
ياما حلا البسمه إذا جات من فيك *** تروي ظما شوقي وشوفك سقاني
أفرح ليا مني همست بأذانيك *** أغلى القصيد اللي نطق به لساني
أبكيت عيني لين جفت سوانيك *** وسالت على إثر العيون الوجاني
حتى إن رضيت أكتب مسيرة مغازيك *** فاعلم بأني مسرف في المعاني
لاتحسب إني في حياتي مجافيك *** طبعي الوفا إن كان طبعك حناني
وإن كان طبعك ما يوافق مباديك *** ثق بالميه إنك تعيس أناني
زولك يطاردني وأنا اللي أناديك *** لقيت نفسي ثابت في مكاني
لاني أنا مطرود ولاني ملاقيك *** هذي حكايه قلتها وأنت جاني
أنا أتعنى لأجل أحبك وأراضيك *** إن كنت ما تدري تراني أعاني
وإن كنت تدري فالهوى ميت فيك *** والحب ماله قيمة بالهواني
عايش على أوهام ناس مهاليك *** ماهمها كون الردى والفتاني
مبطي وأنا أشرح لك ظروفي وأداريك *** لعل تعرف وش جرى وش بلاني
ياما تمنيت الغلا بين أياديك *** وياما تمنيتك صدوق الأماني
أن قلت بأوفي وأن تركتك فلا أبيك *** وصعبه أشوفك بعد تركك ثواني
هرجك مثل كثر الدراهم على شيك *** وأن جيت أبصرف لا ريال عطاني
خالي وفاضك ليش تتعب محبيك *** ضيعت وقتي في كلام خفاني
أسهر مع النجمه قبل يذن الديك *** لعل علم من علومك تباني
جعلتني أندم على كلمة ليك *** أثر المحبه عندكم طعم ثاني
كنت أحسب إنك تاخذ الحب وأعطيك *** كل الغلا واللي بقى من زماني
صحيح إني أعشق اسمك وأهاليك *** من قبل ماتآصل سنينك ثماني
رميتني بسهم العدو والبلاجيك *** حتى الخبل ذاليوم فك العناني
فالهم ذاتك والمحبه كلاسيك *** ومن لا عرف قدره جنى ما رماني
ومع النهايه بانشدك رد ياهيك *** هل اعتزل ... أم انتحر ... أم أعاني ؟
وسلامتكم
رد مع اقتباس
مواقع النشر (المفضلة)