( الشوفه )) صارة إلزاميه ياعيال تعااااااالوا ؟؟؟؟؟
كأني رأيت فيما يراه النائم أن هناك قانون يُسن الآن لجعل
الرؤية الشرعية ( الشوفه باعيال ) بأن تكون الزامية على اولياء الأمور لكل من
يريد خطبة بناتهن , يعني ماعاد فيه تغلي وتحجر يعني طالع من بيتكم بعد صلاة
المغرب أنت والوالد ( طاق البشت) < يسمع بــ العرس وتروح تخطب وكلك ثقة
وتفاؤل انه ماراح يلعب عليك , وبعد ماتطلب اليد ( بصراحة انا مادري ليش
يقولون نطلب يد فلانة وش معنى يدها؟ عشان الخاتم يعني ) ويصير فيه قبول قبل كل شيء
الله لايهينك " متى نشوف؟ << عريس الغفلة موجهاً كلامه لعمه وهو يبدا " يتلكك " شوي
( البنت مابعد جت من الكوافيرة ) تطلع له ورقة رسمية ( قاطعها من جريدة ) وتقول والقرار
ذا وشو ؟ يقولك : خلاص ماقلنا شيء , تقول وكلك ثقة مرة اخرى لاتبطون علينا ترى حنا
مطلوبين والكل يتمنانا ماهو بس بنتكم
::
::
بعد مايتم ترتيب كل شيء وخلاص ماباقي الا " البرنسيسة " تشرف
بعد ماحطت انواع الـ " ميك اب" وغير بعض عوامل التعرية واللي يشوفها يقول خلقة ربي )
طبعاً يكون الاخ أو الوالد مع الخطيب بس وتجي " المهرة " تتمايل كلها " خجل " حتى لو كانت
قاطعة مع الحياا جاده تنزل عليها سكينة وقتها وهمن أنت أول ماتدخل تسلم وتغص
بالسلام وتبدا تنحنح وأنت ترد السلام ولاتكمله( مشغول قاعد تقز ) بعدها تسوي نفسك
مانت ( مشفوح ) تناظر بطرف عين وتجي تجلس بعيد عنك شوي طبعاً الصمت يخيم على
المكان انواع الاحراجات ويبدا عاد التفريق بين العوايل بعضهم يعطيك مجال انك تسولف وبعضهم
ينقز فجأة : هاه خلاص نقول مبروك المهم بعد ماتطلع البنت كل يبدا يفكر كلٍ من الاثنين ويبدا
كل واحد منهم يكبر الميزات ويصغر العيوب واحيانا العكس على حسب " القلب الهواوي "
::
::
وفي النهاية وبعد المشاورات يكون القبول أو الرفض من الطرفين وفي كلا الحالتين
الكل راضي ولايصير فيه عيب ولايصير فيه حساسية ويكون المجتمع ارتقى بتفكيرة !
أنا قاعد اتكلم عن قانون ممكن يكون صدر ويمكن على وشك الصدور او يمكن يدرس
او يمكن ماصدر ولا فكروا فيه اصلاً لكن يبقى فكرة وهو ينبني على عدة اعتبارات :
1- ان الرؤية شرعية مستحية شرعاً
2- وعلى ماسبق تطبيق الالزامية لكن من يريد الزواج
3- أن لايتم عقد القران الا بعد التأكد من الرؤية الشرعية
4- الالزامي لايكون الا بعد المفاهمه قبل المفاهمه من الطبيعي أن لاتوجد رؤية
::
::
يعني ممكن يجيني واحد يقول عادي " الشوفة " , طيب في بعض القبائل والعوائل ماهو عادي
وكما هو معروف " العرف" أحياناً أقوى من الشرع , وعشان كذا لازم نتفتح شوي
عطون رايكم
::
::
برايفت :
تحتي لكم
يوووووووووووهـ نسيت اني اقول ملطووووووووش
الأخ
حـــــــــــــيران
المشاركة الأصلية كتبت بواسطة Fdet_Basmtk
مواقع النشر (المفضلة)